هذا ما حصل لي مع مكتية خوارزم البارح

[شيماء الرياض]

السلام عليكم ..
دقيت على مكتبة خوارزم ولأول مرره اطلب منهم كتب وقلت لهم كتب نسخه اصليه ولا مصوره ولا ملخص قال كتب نسخه اصليه قلت انا بالرياض وجتني رساله سدد وخلال 24 -48 ساعه توصل الرياض سددت 255 ريال طبعاً 3 كتب ...وجاني اتصال يقول بالليل تجينا وقلت حلو
وذهبت الى اراموكس واستلمتها لقيتها كتابين وواحد كتاب مصور والثاني نسخه اصليه والثالث سقط سهواً وين الكتاب قالوا هذا طلبك أدق عليهم محد يرد من بعد التراويح الين الصباح محد يرد رحت المهندس بعد ارموكس مباشره لقيت عندهم كل شي و 25 ريال يعني بالله علموني الحين هذولي لاقينا ولا مكتوب بجبهتي طالب غبي ولا وش السالفه ابي اعرف الناس اللي تشتري من خوارزم كل ترم وش نظامهم معك وهل يجيبون كتب نسخه أصليه ولا مصوره كلها ..اذا صور المهندس افضل لان فيها نماذج اسئله قديمه ..

[salno]

الله يكون بعونك .. في هذا الزمن الطالب كل شئ ضده .

انا صار معي نفس موضوعك العام الماضي طلبت من مكتبة ( لا يحضرني أسمها )وارسلي عن طريق ارامكس كتاب مصور وكتاب نسخة أصلية دقيت عليه قلتله انا دافع حق الكتب الاصلية كيف ترسلي كتاب مصور قال خلاص تعالي وخذ الفرق يبغاني اطلع له جدة عشان اخذ منه 40 ريال فقلتله انا محولك على الحساب خلاص حولي انت اللي باقي لي قال لا اللي دخل الحساب مانقدر نطلعه .

الخلاصة / .*ّ مضحوووووووك علينا .*ّ

[شيماء الرياض]

أبشرك انا في جدة وناويهم نيه عند الله خبرها بس ابي الناس تعرفهم لو اوصلها شرطه وتوقيف 3 أيام عاااااادي في سبيل الله خل الطلاب يعرفون حقيقتهم وراح أفيدكم باي جديد ..........؟

[ro7i Leek]

ايوا انا قبل سنتين صارلي موقف برضو مع هالمكتبه .. ارسلولي كتاب غير الكتاب الي طالبته !!! وادق عليهم ويقولولي ادفعي مره تانيه عشان نرسلك الكتاب الي تبغيه !! مع ان هم الغلطانين ..


لاتقصري فيهم حتى لو تقفلي المكتبه بكبرررررررررها

[مانع اليامي]

نصيحه ادخلو اول شي مفردات المواد وتأكدو من المقرر او تواصلو مع الدكتور الماده نفسه وبالنسبه للملخصات فيه مكتبه جيده الى حد ما ولكن اول شي تأكدو من مفردات الماده من موقع الجامعه نفسها وبعدها اشترو الكتب بأنفسكم

[الله أكـبر]

االله كريييممم
كان ظلم ماظلم الا انفسسهم والله
وبعد احنا ف هالشهر الفضيل

[Man37amad]

والله نصابين حقين المكاتب لكن الله فوقهم وشكرا على التنويه

[أبو غرام]

المشاركة الأصلية كتبت بواسطة شيماء الرياض أبشرك انا في جدة وناويهم نيه عند الله خبرها بس ابي الناس تعرفهم لو اوصلها شرطه وتوقيف 3 أيام عاااااادي في سبيل الله خل الطلاب يعرفون حقيقتهم وراح أفيدكم باي جديد ..........؟

ينصر دينك أي فزعه ولا مساعده صفري بس ,,,,,,,,,, هذي قلت حياء مو مكتبه بالنسبه لي أنا ما أعترف بالخوارزم أبدا لانها قوة نصب ,,,,,,,,,, بالتوفيق

[شيماء الرياض]

اقول ( صفر الحكم عليهم )
حسيت اني خطييييييييييييير اقوى فلم ههههههههههههههه
بس حقي هين ما راح أخليه
ياليت تساعدوني بكم موضوع لطلاب السنه التحضيريه كلها دقيقه تاخذ من وقتك
والله ياناس الكفار اللي واجهت بالدول الاوروبيه أصدق منهم وش الاخلاق هذي
هذا تشويه لديننا الذي يوضح لنا الكذب علامه من علامات النفاق
والكذب كبيره من كبائر الذنوب
أستغفرالله وأتوب اليه
الله الله أبي تعزيز بس منكم
حسبي الله ونعم الوكيل اللهم اني صائم

[أبو غرام]

رووووووووح يا خوي