انا والطب ودرجاتي

[Dr .marwa]

السلام عليكم ورحمة الله وبركاته

ياجماعة الخير بخش على الموضوع على طول انا دخلت كلية الطب رغم اني ماكنت افكر فيها كنت ابغا هندسة معماري بس بما اني فس السعودية الموضوع صعب وانا طبعا حا ليا ادرس خارج المملكة لكني اواجه صعوبة لدرجة اني شكيت بذكائي وقدرتي العقلية وقلت اكيد فيني شي

احس اني اذاكر وابذل مجهود مضاعف لاكن مافي فايدة الدرجات ما ترتفع رغم اني اكون قبل الاختبار متفائلة وواثقة من نفسي وسرت احس باكتئاب من الدرجات

اليوم كان عندي اختبار بايوكمستري وما حليت عدلرغم اني حافظة وثانيا اتعب مرررررررررررة في المذاكرة على عكس زمان ايام المدرسة كنت ذكية وعندي سرعة فهم وحفظ لا كن دحين ساعة اعيد في الشي ويالله يركز احيا نا اقول عشين اللغة واحيانا اقول العيب فيا

المهم والزبدة انا وضعي مو عاجبني ولاتقولو عشين اول سنة هادي السنة الثانية بالنسبة ليا وانا ابغا منكم حل وطريقة تساعدني في المذاكرة وكمان ابغا اعرف حالتي طبيعية ولا

[tag2000sa]

بما إنك قلتيها من البداية (ما كنت أفكر فيها) .... إذا خلاص الجواب عندك ... ولا عمرك حتفكري فيها

والدليل واضح بين يدك إنتي مش قادرة تركزي أو مش واثقة من إنك تقدري تكملي لإنك مش قتنعة

الحل:
إما إنك تشوفيلك حل يقنعك ويطمن نفسك ويريحك بإنو يصير الطب هو حياتك من الأف للياء ... ولا من بدايتها

حولي للتخصص اللي تحبيه ...

لكن النصيحة اللي أبغى أقلك هيا ... راجعي لجنة الإرشاد التوجيهي أو الجهة المسؤولة عن الطلاب في الجامعة اللي إنتي فيها وأشرحيلهم ميولك ووضعك وهما يقيموا إذا كنتي فعلاً تقدري تكملي أو لأ .. لأنه هذا هوا تخصصهم وشغلهم ومعندهم خبرة أكثر
أما تضيعي سنة أو اثنين في تجارب ومحاولات .. تصيب أو تخيب ... لأ ما أييدك

بالنسبة للخوف من الدرجات والإحباط بأنه مستواكي اخفض عن أيام الثانوية .. فهذا شعور طبيعي لأنه التعليم الجامعي مستواه أعلى وأسلوبه مختلف ما تعود عليه طالب الثانوية مع السنين يختفي دا الإحساس وتتأقلمي مع الحياة الجامعية ..

=================

في الأخير عندي إحساس إنك مزودتها حبتين ... إن شاء الله أكون غلطان

لأني أحس إنك من الناس اللي يبكوا وما يناموا الليل إذا نقصوا درجة ولا اثنين في الإختبار ..
لي زملاء زي كدا ...


بالتوفيق لك في دراستك ... وإن شاء الله ترجعي طبيبة

[masha3er]

اهلـين أختي ..

ما اقدر ازيد على كلام م.tag200sa ..

بس اللي ابغى اوصلك هوا انو حاولي تلقي نفسك وتلقي ميولك .. لان الشخص اذا عرف ميولوا تسهل فـعينوا كل الصعوبات .. ودايما اسئلي الله الخيـره ..

ربي يوفقك..

:)

[no0oni]

[align=center]شوفي يا عسل انا ما رح ازيدعلى الكلام اللي انقال فوق
بس ابغاكي تفتحي هادا الرابط
هوا موضوع نزل في ملتقى السنة التحضيرية ان شاء الله حيفيدك ومرررررررة حيعجبك وتنبسطي فيلوو
ممكن يحطك في المسار الصح على الاقل
http://www.skaau.com/vb/showthread.php?t=59788[/align]

[طبيب]

ولا يهمك
طبيعي جدا جدا جدا
انا متخرج من الطب- الملك سعود وفي البداية مريت بنفس اللي انتي مريت بيه بس بعدين تمشي الامور زي الحلاوة
ولا تسمعي كلام اللي يقول حولي!!!

[ahlawi4ever]

ممكن عشين انتي ماتحبي هالتخصص

[Dr .marwa]

مشكورين على المرور وانا صراحة ما ابغى احول لاني حبيت التخصص بعد مادخلتو بس احس محتاجة حماس اكبر للمذاكرة

وما اعرف احس بملل شديد جدا لدرجة تنسد نفسي واحس انو السبب الغربة يعني حتى وانا فاضية مالي مزاج اذاكر
ومزاجي معكر واي شي بسيط يبكيني رغم اني متحسنة كثير عن السنة الماضية كنت 24 ساعة ابكي