احصاء الاعمال (طلاب ) والشعب المغلقة

[iSimzZz]

ياجماعة في احد قدر ينزل المادة STAT 271 ? انا شيكت قبل ماينفك الحذف والإضافة وهي مغلقة وبعد مانفك ( كل مايمسك معايا الأودس) اجرب اضيفها بالأرقام المرجعية ويطلعلي مغلقة

يعني اتوقع الشعب مانفكت اصلا

واذا فتحت ماراح تفتح كلها ولو مافتحت الشعبة الي سايبلها وقت في جدولك وراح يخرب كل الجدول

وهادي الشعب بالأرقام المرجعية

[Aboodi A.S]

و انا زيك ابغا اسجل في ga و مكتوب مغلللق ... سويت الجدول الا دي المادة

[بنت ناس وقلبي ألماس]

مغلق يعني الشعبة ما فتحت أساسا وليست ممتلئة...

[Aboodi A.S]

المشاركة الأصلية كتبت بواسطة بنت ناس وقلبي ألماس مغلق يعني الشعبة ما فتحت أساسا وليست ممتلئة...

الله يطمنك ... يعطيكي الف عافية

[a.aljohani]

طيب وليه مانفتحت ؟ راح تفتح يعني ولا كيف ؟

[انا الهوى الغايب]

انا سجلت كل المواد ماعدا الاحصاء و العربي فعلا الاحصاء فيلو مشكلة ممكن ما يفتحوها لذلك انا الترم الاول ح آخد مبادئ الادارة و الترم الثاني اخليه احصاء و برضو جميع اوقات محاضرات الاحصاء يصادف انو انا عندي محاضرات ثانية غيرها

[iSimzZz]

مو معقول مايفتحو المادة دي متطلب في الخطة ونا بالنسبالي اخر ترم عشان اتخصص لازم اخدها

[احب المحاسبة]

مين قلكم انها موجوده حاولت اطلع دي الشعب مش شيفاها خير شر

[iSimzZz]

شيلي القيود اذا مابتطلع ودي الشعب لقسم الأولاد احصاء قسم البنات متاح للتسجيل والله اعلم

[iSimzZz]

انا رحت لرئيس قسم الإحصاء بكلية العلوم اليوم

وقالي راح نفتح شعبة جديدة

انا قلتله الأوقات المناسبة بالنسبة لجدولي من 11 لـ 12:20 احد وثلاثاء
أو من 10 لـ 10:50 سبت واثنين واربعاء واعتقد انه مناسب للجميع وشيكت كل المواد المطلوبة من الكلية في اول ثلاثة اترام مافي غير الإنجليزي الي ممكن تتعارض مع وقت هدي المادة

قالي سبت واثنين واربعاء ممكن نفتحها من 10 لـ 10:50 و بالنسبة لأحد وثلاثاء من 11 لـ 12:20 قالي صعبة بس نشوف

وفي شعبتين مفتوحة غير الشعب التلاته المغلقة الي تطلعلنا في الأودس

وهي
1
الرقم المرجعي 14750
الوقت: احد ثلاثاء من 8 الى 9:20

2
الرقم المرجعي 14753
الوقت سبت اثنين اربعاء من 9 الى 9:50

وكلهم رمزهم ba واعتقد لدا السبب ماتطلع في الأودس