محتاره اكمل ف تخصص علوم ادارية ولا احول !!!!

[بيســو]

السلام عليكم ورحمة الله ..

زي مانتو شايفين ف العنوان انا إنسانه محتاره :(


معدلي ف التحضيري وبعد مادخلت التخصص (( ماشاءالله تبارك الله )) 4.40


ف انا ناويه اكمل ماجستير بعد ما اخلص بكالوريوس بكم سنه


وطبعا أبغا اكون في تخصص مطلوب وله مستقبل بإذن الله


ف أبغا أخد رأيكم اذا تسمحو




مابين علوم ادارية و إدارة اعمال ككل !!


الله يوفق ويعين كل من يرد عليا ف اختباراته

[شاطئ الذكريات]

اهلين اختي بيسو انا انصحك بعد الاستخاره بادارة الاعمال لانك زي مانتي شايفه اعلانات الوظايف كثيره عليها ويجي بعدها موارد بشريه اتمنى اني افدتك واي استفسار انا حاضر والله يوفقك ان شاء الله دعواتكي لي

[l.a.d]

أختي الكريمة الله يوفقك ويوفق الجميع ..

تخصص ادارة اعمال وادارة عامة قد توقع التخصص فيها السنة الاخيرة .. وذلك بسبب العدد الكبير من المتخرجين لهذه التخصصات ..

اما تخصص العلوم الادارية وهو تخصص جديد وهو تخصص عام وقريب من الادارة العامة ومواده متنوعة من اقتصادية ومحاسبية وعامة واجتماعية .. وهو الافضل حالياً .

وارشح لك تخصص العلوم الادارية لتنوعه وحداثته .

[بيســو]

حيرتوني :(

[memo2155]

المشاركة الأصلية كتبت بواسطة بيســو حيرتوني :(

زي ماقالو الاخوان ادخلي لكل تخصص وشوفي انتي انو العلوم الاداريه جديده ادخلي علي موقع الكليه وشوفي مستقبلها وهذا الرابط والاستخاره قبل اي شيء الله يكتب مافيه الخير

http://ads.kau.edu.sa/Default.aspx?site_id=120030&lng=AR

[واحد ثالث]

علوم ادارية هو خليط بين ادارة عامة (القطاع الحكومي) وادارة الاعمال (القطاع الخاص) ..
برنامج علوم ادارية لم يحصل على الاعتراف الرسمي طبقاً لأحد منسوبي كلية الاقتصاد والادارة ..
انا على فكرة نفس حكايتك، علوم ادارية وناوي اكمل ماجستير .. لكن اعتقد حتى الآن مافيه امكانية لاكمال الماجستير في نفس التخصص، لأنه لو تفتحي موقع كلية الاقتصاد والادارة وتضغطي على تبويب اقسام الكلية ماراح تحصلي "علوم ادارية".. لكن بتلقينها في "برامجنا الخاصة" يعني لسا ما اعتمدوه كـ قسم بكلية الاقتصاد والادارة ..
لذا عليك بالاستخارة اولاً وثم استشيري اهل الخبرة في المنتدى او في الجامعة ..

[بيســو]

يعني ايش تشوفو الافضل ليا ؟

انا احترت :(

[منصور الجهني]

لو أنا مكانك ومن أهل جدة
طوالي بروح لعمادة الدراسات العليا في شطر الطالبات
وبسألهم عن إمكانية إكمال الماجستير في التخصصين
واسأليهم اذا قبلو خريجين علوم ادارية ولا لا
تنبيه: أول موظفة حتقابلك حتكون مو فاهمة وحتتفلسف وتصرفك، ثاني وحدة حتقول ما أدري، ثالث وحدة حتقول ما جانا شي بخصوص علوم إدارية
المهم ما تيأسي وتدوري على الموظفة اللي عندها الإجابة حتى لو اضطريتي تخشي للعميدة

بعد ما تتطمني روحي كلية إدارة الأعمال واسأليهم على اعتماد التخصص حق علوم إدارية هل هو معتمد ولا لا ولا في مرحلة الاعتماد واسأليهم عالماجستير بعده

بعد ذا كله شوفي الخطة والمواد لكل تخصص

في النهاية استخيري

((الاستخارة تكون بعد العمل بالاسباب))

وفي الاخير اقولك ترى كلهم تحصيل حاصل لا يزيدو ولا ينقصو في الخبرة العملية