الحقوني ... حذفت ماده في السنترا كيف ارجعها؟

[diamondz]

السلام عليكم ورحمة الله وبركاته
كلكم عارفين انه بكره حتبدأ السنترا ... دخلت على السنترا اتأكد من نزول جدولي وبالغلط ضغطت على عدم تسجيل امام محاضرة الاقتصاد الجزئي فانحذفت من الجدول ......الله يسعدكم اللي يعرف كيف اقدر ارجعها يقولي .. و الله انا منهاره المحاضره بكره الساعه 3 .... الله يفرج همكم زي ما تفرجوا همي ..حاولت اعمل حضور اجتماع طلب مني رقم تعريف الاجتماع حطيت الرقم المرجعي للماده ما نفع ... معليش طولت عليكم بس يا ريت يكون عندكم حل.

[diamondz]

يا ناس يا جماعة الخير يا هووووووووووو ... وينكم المحاضره بكره

[سجدة قلب]

حبيبتي أدخلي على الطالب بعدين التسجيل بعدين الحذف والإضافة بعدين اختاري الفصل الدراسي الأول

2013 بعدين تنفيذ بعدين حتظهر صفحة توضحلك المواد اللي اخترتيها انزلي بآخر الصفحة واختاري بحث

شعب دراسية حتظهرلك الصفحة اللي تدخلي فيها رمز المادة وطبعا انتي تبغي اقتصاد جزئي Econ

تختاريها وبعدين تنزلي اخر اصفة وتسوي بحث الشعب الدراسية مرة تانية

حتظهرلك صفحة بالمادة وأوقاتها وأستاذاتها أختاري الوقت اللي يناسبك,

جنب رمز المادة في مربع صغير

اضغطي عليه بعدها انزلي اخر الصفحة واختاري تسجيل وان شاء الله تنضاف لك المادة أصلا هي

الموجودة شعبتين لاستاذة كوثر خلاص مغلق انتي بنفس شعبتي عند استاذة هدى

موفقة حبيبتي ولو احتجتي أي شي بالخدمة

[عاشقة الاسمر]

وانا كمااان زيك ضغطت بالغلط عدم تسجيل وراحت المحاااضرة بالله اللي تعرف كيف ارجعها تفييدني بلييييييييييييز مساعدتكم بكرة تبدا المحاضرات

[diamondz]

يا عيوني اولا تسلمي على ردك يعطيكي الف عافيه بس انا حذفتها من السنترا مش من الحذف و الاضافة ... على العموم عملت اللي قلتي لي عليه بس الماده اصلا موجودة في الحذف و الاضافه وفي الدورات التأهيليه بس من السنترا مافيش لاني ضغطت على عدم تسجيل ... و الف شكر مره ثانيه بس لو تعرفي حل ثاني لا تبخلي علي

[عاشقة الاسمر]

وانا بعد زيك الظاهر مالنا الا نراجع الجامعة

[تغاريد]

الكل ضاغط على عدم تسجيل وراحت

شوفي اتصلوا على الارقام الي حاطينها..

[diamondz]

يا حياتي المحاضره الساعة 3 و الارقام تتصل عليهم من الساعه 4 يعني تكون المحاضره راحت في الباي باي

[القمر الصامت]

دخلت على السنترآ مافي شيء إسمه تسجيل او عدم تسجيل

كل اللي طلع لي حضور / تصفح المحتوى

[يميومة]

انا همي انيل وانيل مع الجامعة الغبية دي

انا محاضرتي المفروض تبدأ الساعة تلاتة زي ما سويتها في جدول الدورات التأهيليه دخلت السنترا اتفاجئ انها تبدأ من 12

شوف بس اللعب وانا كنت حنام على اساس اقوم 2 هيا بالله لو كان قمت 2 كان دحين محاضرة ونص التانية راحت عليا