نداء لجميع الاعضاء بكره اختباري

[life]

السلام عليكم ورحمه الله وبركاته
كيفكم ياجماعه ان شاء الله بخير
انا مو كويسه بكره امتحاني writing ودكتورتنا ماقالت شي الحقوني ايش اسوي ايش انواع الرايتنج المين ايديا التوبك سينتنس الله يوفق الي يساعدني ويجعله في ميزان حسناته يارب
الحقووووووووووووووووووووووووني

[M!ss Mojy]

كلنا ياعسل بكره اختبارنا writing

وهونيها ترى الموضوع مايحتاج ...... ان شاء الله يجيبوا موضوع سهل

وبالنسبه للمواضيع حق الرايتنج

اول شابتر opinion

والثاني ديسكريبتيف << مو راضي يكتب الكلمه بالانجليزي كل مااكتبها تصير شي ثاني هع

والثالث letter

الرابع ماادري عن ايش بالزبط بس استاذتنا خلتنا نكتب عن انجازات حققناها في حياتنا

وانتي افتحي الكتاب وشوفي كل نوع براغراف ايش الستراتجي حقوو لانو يختلف من واحد للثاني

وحاولي تكتبي كذا اي موضوع وشوفي نفسك كيف

وان شاء الله ماراح يخرج عن مواضيع الكتاب << نقوول ياااااااااااارب

[سحابة الليل]

بقدر أفيدك بالي أعرفو ,
الي أعرفو ان الإمتحان عباة عن كتابة موضوع تعبير , راح يجيك موضوعين وانتي تختاري واحد منهم وتبدأي تكتبي عنو
بالنسبة للموضوعين هذول ممكن يجوا من الكتاب وممكن من برى ,
شوفي استاذتنا الله يعطيها العافية عطتا بعض الأفكار للإمتحان .
يعني يمكن يجيك بهذي الطريقة:
يقولك..
wite a short opinion pargraph about the advantages and disadvantages of living in a largg cities or a small town.
*Give reasons with so,because and therfore
*Use connecting words; In addition,Also...
*Use transitional words and phrases.

يعني ياحلوة تقولك تكلمي عن إيجابيات وسلبيات العيش في المدينة الصغيرة أو ايجابيات وسلبيات العيش في مدينة صغيرة
ولا تنسي استخدام بعض الكلمات التي تساعد في ربط الكلمات .

أو مثلاً ممكن تقولك اكتي pargraph about neighborhood.
يعني عن علاقة الجيران ...

أو مثلاً ممكن تقولك ردي على هذا الكتاب , هل أنت موافقة على كلامة وليش
أو هل انت غير موافقة على كلامة وليش ؟

......

طبعاً ولا تنسي القواعد الأساسية الي أخذناها في المدرسة في كتابة موضوع التعبير
كترك مسافة قدرها 5 حروف بداية الparagraph
ويكون الtitle في وسط الصفحة والكلمات المهمة تبدأ بحرف كبير والغير مهمة مثل حروف الجر تبدأ بحروف صغيرة
إلا إذا جائت في المقدمة مثلاً مثلاً لو قلتي
In My Class
أو لما تقولي ..
My Class in University
لاحظتي الفرق في كتابة حرف i في كلا الجملتين !!

ونصيحتي ليك .. اليوم قبل الإمتحان افتحي الكتاب وراجعي علية شوي
واسترجعي موضوعات الدروس وأفكارها , وحاولي تحفظ بعض كلماتها المهمة .

هذا في حال جابوا ليك من موضوعات الكتاب

ولو جابوا من برى .. فاكيد مراجعتك هذي إلا ما بتكون فادتك ولو الشيء البسيط

... ولاتنسي موضوع Grammar & spelling
حاولي بقد ماتقدري يكونوا صحيحين ..

.......... هذا الي أقدر أفيدك اياه , وان شاء الله ياربتكوني استفدتي وما اكون طولت عليك
الله يوفقك ويسهل عليك ويسر لك أمورك

وأهمشي شيء ,,,, توكلي على الله وسمي بالله ,,,,

تحياتي

[life]

شكرا miss mojy على الرد الحلو والرائع

[life]

سحابه الليل شكره على جهودك الرائعه ويارب يوفقنا جميعا