إعلان بخصوص النظام الجديد للتوقيع الخاص بالعضو في المنتدى

[ماسة المنتدى]

السلام عليكم ورحمه الله وبركاته

http://www.skaau.com/vb/announcement.php?f=15&a=32

بصراحه انا لمن قريت دا الموضوع صار فيني>>>
قوانين جديده وياليت بفايده ماله داعي
اخاف تقولوا ممنوع تجول بعد ساعه12
لا انا ما ارضى تسلب حقوقنا كا اعضاء واسكت
لازم يكون فيه حوار مو تنزلوا القوانين وتفرضوها علينا فرض بصراحه يا ادرتنا الفاضله
مالك حق ابدا
الحين بالله ليه صارت الرسايل الخاصه 25 من كثره اول
وعلئ سالفه لايميلات بالتوقيع صدق انه ماقد حطيت ايميل ولافكرت . احس ماله داعي تمنعونها
كفايه مانبي صور في التواقيع قنا ممكن عشان في ناس شويه زودتا وصارت تحط صور شبه خليعه
وماراح اتكلم كثير تاركه الموضوع لكل لاعضاء قولوا اراكم من دون خوف او تحيز في قوانين المنتدئ لي يعارض او يوافق يقول و كمان يذكر السبب عشان ممكن تقنعونا
من غير خشب وحديد موضوع لنقاش

مشرفين ادارين المنتدئ شكرا لما تبذلونه من جهود مقدرين والله .... مانبي قوانيين تعسفيه



جروحه

[tag2000sa]

نعم يا حزب المعارضة ... لكِ الحق تطالبي بحقوقك كعضوة

وللقائمين على الموقع سن القوانين اللي تضمن مصلحة موقعهم ... ما ينلامو

بالنسبة للرسايل اعتقد في لبس ... وهوا انه على العضو ان يكون لديه 25 مشاركة حتى يتمكن من استخدام نظام الرسائل ... واول كانت 75 .... يعني د في مصلحة الأعضاء

اما بالنسبة لوسائل الإتصا والمراسلة في التوقيع ... دي رغبة إدارة الموقع وأحترمها

في كثير من المنتديات بتحط قوانين وكأنك مشترك في منظمة عسكرية مو منتدى وأنا جربتها في الفترة الماضية
كثير منتديات جامعية وأكديمية رفضت عضويتي وبعضها حذفتها وبعضهم عملولي تحقيق وسين وجيم عشان نزلت موضوع أكاديمي مو توقيع ومراسلة وغيره

يعني في نظري المنتدى دا هوا الوحيد بين كل المنتديات اللي زرتها في الفترة الأخيرة بيجمع بين العلم والتسلية بين الجنسين ضمن حدود وقوانين محددة تضمن استمرار الموقع والإحصائيات عند الإدارة تثبت الشي دا


يمكن أسمي موضوعك .. بمصطلح متداول بين المشرفين .... (الذبابة المزعجة) ...

بس شرايك توقيعي الجديد ...<< يحاول يرضي الإدارة

[.SuperGirl]

أحلى أحلى يا تركي التوقيع..

انا بالنسبالي..
عادي اتقبلت الشروط بكل سعة صدر

لاني لاحظت انو الرسايل الخاصة ممكن تكون سبب في تكوين علاقات محرمة أو صداقات بين الجنسين

[يلدرم]

طبعا المشرف تركي تعامل مع الموضوع بحسب قانون المنتدى ولكن طلبت منه فتح الموضوع حتى يعبر كل عضو عن وجه نظره في القرار كما فعلنا في السابق مع موضوع الصور

ومن الطبيعي لكل قرار مؤيدون ومعارضون وهذه سنة الحياة لكن على من اراد الحديث في الموضوع ان يكون رده منطقي وانا راح اتابع الموضوع وليس شرطا ان ارد على احد

انا راح اخد الاراء واذا فيه نقطة مجهولة ممكن يتم توضيحها لكم وبعد اسبوع من نزول الموضوع سوف يقفل

[عاشقة الندى]

السلام عليكم ورحمة الله وبركاتهــ


اوافق وبشدة وجدا مبسوطة من القرار .::

ياهيك الادارة يابلا .::

:)

[me 4 islam]

عادي القرار

مني حاسه انو في حاجه غلط .. كلو لمصلحتنا

وزي نحنا ما نحب ونرفض انو احد يستخدم ممتلكاتنا بطريقه خطأ
برضو صاحب المنتدى يحقلوو انو يحط القرار إللي يناسبه ويناسب تفكيرو

:)

[ماسة المنتدى]

نعم يا حزب المعارضة ... لكِ الحق تطالبي بحقوقك كعضوة وللقائمين على الموقع سن القوانين اللي تضمن مصلحة موقعهم ... ما ينلامو بالنسبة للرسايل اعتقد في لبس ... وهوا انه على العضو ان يكون لديه 25 مشاركة حتى يتمكن من استخدام نظام الرسائل ... واول كانت 75 .... يعني د في مصلحة الأعضاء اما بالنسبة لوسائل الإتصا والمراسلة في التوقيع ... دي رغبة إدارة الموقع وأحترمها في كثير من المنتديات بتحط قوانين وكأنك مشترك في منظمة عسكرية مو منتدى وأنا جربتها في الفترة الماضية كثير منتديات جامعية وأكديمية رفضت عضويتي وبعضها حذفتها وبعضهم عملولي تحقيق وسين وجيم عشان نزلت موضوع أكاديمي مو توقيع ومراسلة وغيره يعني في نظري المنتدى دا هوا الوحيد بين كل المنتديات اللي زرتها في الفترة الأخيرة بيجمع بين العلم والتسلية بين الجنسين ضمن حدود وقوانين محددة تضمن استمرار الموقع والإحصائيات عند الإدارة تثبت الشي دا يمكن أسمي موضوعك .. بمصطلح متداول بين المشرفين .... (الذبابة المزعجة) ... بس شرايك توقيعي الجديد ...<< يحاول يرضي الإدارة

مو غريبه يعطونك بند المنتديات من اسلوب في الكلام
اتمنئ الردود تكون ارقئ من كذا
تطمن الموضوع ما ازعج احد لانه موضوع عادي ماتوقع لدرجه دي مسويلهم ازمه
بدليل فتحوا الموضوع تركوه للنقاش

[ماسة المنتدى]

طبعا المشرف تركي تعامل مع الموضوع بحسب قانون المنتدى ولكن طلبت منه فتح الموضوع حتى يعبر كل عضو عن وجه نظره في القرار كما فعلنا في السابق مع موضوع الصور

ثانكس عمو يلدرم
اتمنئ مايكون زي الموضوع الي قبله من غير نتيجه

يا ليت توضحنا البس في الفقره >>

* سيتم تقليل عدد المشاركات المطلوبة للمراسلة عن طريق الرسائل الأكاديمية إلى 25 بدلاً من 75 مشاركة.

اعتذر مقدما لو حصل لبس

[dr_love]

أوافق الادارة لانه في اعضاء بيستغلو الشي دا في جوانب سلبية

واللي على راسه بطحة يحسس عليها

[ساكنه في بيتنا]

المشاركة الأصلية كتبت بواسطة me 4 islam عادي القرار مني حاسه انو في حاجه غلط .. كلو لمصلحتنا وزي نحنا ما نحب ونرفض انو احد يستخدم ممتلكاتنا بطريقه خطأ برضو صاحب المنتدى يحقلوو انو يحط القرار إللي يناسبه ويناسب تفكيرو :)

عجبني كلامك ..

برأيي الموضوع دا انفتح لسببين :
1- اما زيادة المشاركات بطريقة غير مباشرة ..
2- فضاوة و طقطقة على خلق ربنا

و في كل الحالات انا مني عارفه ليش زعلانه دام انو عمرك ما حطيتي ايميلك في توقيع ولا تفكري كمان .. على قول الدوك بعد تعديل بسيط حسب ما تدعوا اليه الحاجه
أوافق الادارة لانه في اعضاء بيستغلو الشي دا في جوانب سلبية

واللي في رسايله او توقيعه استغلال يسلم عليهم و يبطل منهم لانها تؤدي إلى شلل في العضوية ..