سؤال بخصوص دورة الحاسب

[Xx-GodFather-xX]

السلام عليكم ورحمة الله وبركاته

كيفكم ؟ ان شاء الله مبسوطين

...

الصدق ما ابغى اطول عليكم وبخش بالموضوع سيدا ,,

الموضوع وما فيه اني سجلت بدورة الحاسب الثانية , وقالو لي انها تبدأ في تاريخ 25/5

يعني يوم السبت الماضي .. والدورهـ لها نظامين دراسيين , الاول ان الطالب يدرس 5 ايام في الاسبوع لمدة ساعتين يوميا .. والثاني : ان الطالب يدرس يومين في الاسبوع لمدة 5 ساعات يوميا ..

أنا أخذت النظام الثاني ,, لانه عندي ظروف ما تسمح لي اداوم خمس ايام بالاسبوع ..

فالسؤال هنا ^_^ انا من سكان الرياض وأبغى أعرف وين راح تقام الدوره بالظبط ؟ هل هي في فرع شارع التحليه ؟؟ والا في مكان ثاني ؟؟

والسؤال الثاني للطلاب اللي اخذو النظام الاول اللي هو خمس ايام بالاسبوع .. ( بديتو الدورهـ والا الى الآن ؟؟ )

وياليت اللي أخذ الدورة الشهر اللي فات يزودنا ببعض المعلومات عن الدورهـ .. يعني هل هي مفيده وتضيف للشخص .. والا مجرد تضييع وقت ؟؟

أقصد هل التطبيق العملي على الحاسب مكثف ؟؟ والا نفس نظام المحاضره ؟؟ كلّه تلقين ؟؟

[lo0ola.h]

هلا اخوي..
وعليكم السلام ورحمة الله وبركاته.
انا مسجلة في الدورة اللي بدت بتاريخ 25\5 يعني السبت وانا اخذت نظام ساعتين باليوم ولمدة 5 ايام بالاسبوع...
بصراحة انا استفدت منها رغم اننا بالبداية(وصلنا الوورد) بس بصراحة فرق شاسع بين شرح نظري وتطبيق عملي..
وفيه اشياء ثانية ماعرفتها الا من الدورة ،الدكتورة ماقلت لنا عليها..
غير كذا فيه اشياء كانت عندي مشكلة في معرفتها <<حلو لما يكون الاستاذ قدامك ويفهمك عليها مو زي السنترا احيانا نسال ومافي احد حولك!!

خلاصة الكلام روح على بركة الله وراح تدعيلي...
* * *
ليتهم يسوون دورة للرياضيات يفهمونا عليها !!