تخطيط استراتيجي د ساميه مقبول

[بصمه رشاد]

السلام عليكم ورحمه الله على المجتهدات الله يسهل علينا الاختبارات جميعا
حبيت اقلكم انا مع الدكتوره ساميه الله يسامحها اللي بتعملو هدا مو طبيعي تعملو دكتوره في الجامعه
المهم تواصلت معاها على لايميل وارسلتلي سلايدات اذاكر منها قالت اعتمدي عليها لمن طبعتها طلعت 500 صفحه كلمتها بالجوال والله مافهمت منها شي من كثر ماصرخت عليا المهم سؤالي لكم حبيباتي مو معقول نذاكر هذا الكم الهائل من الورق اكثر من الكتاب من اين نذاكر الماده اش المحذوف فيها الله يسعدكم جاوبو عشان انا متشتته بين السلايدات اللي طبعتها ومذكره عنود السبعان اركز على ايش في المذاكره ايت اسهل
على فكره اللي يحب يكلم الدكتوره هذا رقم جوالها 054678441
بس الله يعينكم على اسلوبها الله الموفق للجميع

[ام فصوول]

وعليكم السلام من جد المادة جدا" سهلة مع عنود السبعان وملخصها قليل وسهل ومفهوم اما مع هذي الله بس يعدينا وينجحنا الشرايح ملخبطة ومو مرتبة تلاقين المقدمة بأخر المنهج وكثييييييييير وممل ومتكررة كثير بعض السلايدات وبعدين ليه تصرخ مو اسلوب استاذة انها تقعد تصرخ والله اني قاعدة اذاكر وحايسسسسة معها واسفه ع الاطالة

[بصمه رشاد]

والله يا ام فصول اشكرك عشان حاسه فيا بس ابغا اعرف منفين بتذاكري من السلايدات ولا من مذكره عنودالسبعان ابغا اعرف كيف اتواصل معاكي بالجوال او اي احد يكلمني لاني تعبانه اعصابي من الماده هدي

[تعبت انتظر:)]

انا ماهضمت الماده معاها سمعت اول محاضره وحذفت الماده وحطيت بدالها موازنه مع بدريه الله يسعدها

ساميه جدا لم يروق لي شرحها واعانك الله

[بصمه رشاد]

تعبت انتظر حبيبتي اشكرك على دعوتك والله يكون معاكي

[بصمه رشاد]

بنات احد يتواصل معايا بالجوال

[ام فصوول]

مذاكرتي من السلايدات ومذاكرة مو مرة اي كلام لان السلايدات حوووووسة وياقلبي اتشرف بمعرفتك راسليني ع الخاص

[بصمه رشاد]

الله يوفقك يا ام فصول بس ابغا اقلك ما اعرف اتراسل معاكي على الخاص

[بصمه رشاد]

السلام عليكم بنات في احد يعرف يرتب السلايدات اللي طبعها من الدكتوره ساميه تحطيط استراتيجي لانها ملخبطه ساعدوني الله يسعدكم لاتعدو موضوعي بدون رد رجاء

[بصمه رشاد]

اول مره اطلب مساعده ولا احد يجاوبني الله يسامحكم