تصريح رقم مليون

[ابولمى2002]

السلام عليكم ورحمة الله وبركاتة
من خلال تصفحي لهذا المنتدى المعطاء وبما انني مجرد متصفح لقد لفت نظري كثرة التصريحات بخصوص النتائج .
فرجائي اللي عنده خبر ومتأكد منة يقول .
لاننا والله تهنى .
اسأل الله لنا ولكم القبول في الدنيا والاخرة .

[little Mom]

لا تستعجلون على رزقكم .. اشغلتوا خلق الله وه بس ياكافي
النتايج طالعات الله لا يعوق بشر ..
>> ترا والله اني مثلكم .. بس الشكوى لله محد عبرنا أو عطانا وجه


أنا قايله من أول .. اذا ماقالوا لي النتيجه ترا بسافر وخليهم..

فاصل/
توصي شي أنا بكرا مسافر .. أبي الليله أسافر قبل باكر.

[al66]

ننتظر المهندس ريد جزاه الله خير فهو من يعطينا الأخبار أول بأول .

حبيبنا ريد فيه شي اليوم ؟؟

[لك .. وحدك]

يا ابو لمى صباحك عسل

شكلك بيجيك الوسواس من كثر الانتظار

نعود من جديد ونقول

يا جامعتنا طولت وانحن صحاح ... واخاف لو طالت شوي انتجنن
قالوا صبر قلت الصبر حيل ذباح ... لكن عسى ربي علينا يحنن
اللي يجيب العلم رايق ومرتاح ... واللي يرد العلم كنه يدندن
اذا دخلت السوق لا تحسب ارباح ... سم ما بغيت وثمن اللي يثمن

وش رايك نروح انا وانت نكتب موضوع مستقل عن غلاء المعيشة او اي شي نتسلا فيه الين تطلع النتايج

دمت بود

[ahm8d]

هذي الجامعة حلوة لو انقبلت فيها مبروك

ولو ما انقبلت فيها لا تتحسر عليها ، امكن الجايات احسن

واللي ربي كاتبه لك خير

[phy]

جعلنا الله وياكم من المقبولين . وحفظ لنا جامعتنا الحبيبة

[لك .. وحدك]

يا عمي (ما عرفت اقرا اسمك)
الدنيا كذا لكن بمنتهى الامانه الجامعة الان اصبحت من الجامعات المنافسة على مستوى الوطن العربي

ويؤخذ عليهم فقط انهم لم يحددوا موعد لاعلان القبول لقطع دابر الشائعات ووضع الامور في نصابها

اسأل الله العلي القدير ان يوفق مسئولي الجامعة الى ما فيه الخير والسداد

ودمتم سالمين

[زهرة الوادي]

أسأل الله العلي القدير أن يكتب لنا القبول وتطلع الأسماء على خير بإذن الله ..

[موضي العريني]

المشاركة الأصلية كتبت بواسطة لك .. وحدك يا ابو لمى صباحك عسل شكلك بيجيك الوسواس من كثر الانتظار نعود من جديد ونقول يا جامعتنا طولت وانحن صحاح ... واخاف لو طالت شوي انتجنن قالوا صبر قلت الصبر حيل ذباح ... لكن عسى ربي علينا يحنن اللي يجيب العلم رايق ومرتاح ... واللي يرد العلم كنه يدندن اذا دخلت السوق لا تحسب ارباح ... سم ما بغيت وثمن اللي يثمن وش رايك نروح انا وانت نكتب موضوع مستقل عن غلاء المعيشة او اي شي نتسلا فيه الين تطلع النتايج دمت بود

والله يقولون ان الرز منخفض سعره بالعالم كله إلا بالسعودية


<<<-------- اش رايكم نتابع اسعار المواد الغذائية

[المقناص المسروق]

والله ياهي حوووووووووووسسسسسسسسسههههههههه مع ذا النتائج

خافو الله فينا يا عمادة الدراسات العليا0000بعض الناس طلع الشيب في راسه من كثر الوسواس بالنتيجة
والي ضيع طريق بيتهم ، واللي يقول الجامعة وش تقرب لي ، والي يقولون له : سلام عليكم
يرد : طلعت النتائج 000

أعضاء المنتدى ينتظرون النتائج 0000سترك يا رب