جدولي هالترم محتاج مشورتكم

[محمدالرياض]

وش رايكم في جدولي ؟ بتدريج من الاصعب الى الاسهل
وهل اغيره او اخليه مثل ماهو ....
احتاج مشورتكم

نظرية التنظيم
سلوك تنظيمي
سياسة عامة وصناعة القرار
نظم معلومات ادارية
ادارة محلية
مبادى الاقتصاد الجزئي

[H A N O O]

هلا أخوي
بالنسبة لجدولك حسيته دسم نوعا ما
عندك هالمواد : نظرية تنظيم
إدارة محلية
نظم معلومات إدارية

دسمة يحتاج لها تركيز بالمذاكرة جيداً
أما البقية سهلة بإذن الله
شد حيلك والله يوفقك

[غليــص]

نظرية التنظيم - مبادى الأقتصاد الجزئي - نظم معلومات ادارية

مجموعة ناريه


احذف من هالمواد اللي ذكرتها

البقيه متوسطه إلى سهله

بالتوفيق

[خالد4321]

والله أنا أتوقع نظرية التنظيم صعبة ...
وإدارة محلية متوسطة بس ركز على اسئلة الأعوام السابقة
نظم معلومات إدارية .. متوسطة إلى صعبة .. مشكلتها متشابكه مع بعض
مبادى الإقتصاد الجزئي .. والله أتوقع لو تجيب مدرس أفضل مايله إلى الصعوبه
سلوك تنظيمي : مادة متوسطة ..
سياسة عامة الفصل هذا أنا ماخذها والله يسهل علينا ...

لكن نصيحتي جميع ما سبق ركز على اسئلة الأعوام ... مع الملخصات ...

[محمدالرياض]

نظرية التنظيم والاقتصاد الجزئي قد حملتها وان شاء الله هالترم راح اعديها

اما بقية المواد لا اعرف عنها شي

ابي اضيف ثقافة اسلامية وعربي ماعاد فيه مقاعد

وش تنصحوني اضيف من مواد

[شبيه الريـــح]

أخوي ودي أكون معاك وأخليك تتفائل لكن وبكل صراحة انا كنت بأقول لك احذف وحده من نظرية التنظيم ونظم المعلومات لكن يوم قلت لي انك حامل الاقتصاد الجزئي فهنا لا وقف وبقووووه كمان وقف


ماباقي على الحذف والاضافة الا كم يوم ركز فديتك في اللي بأقوله لك


نظرية التنظيم -- صعبه جداً
الاقتصاد الجزئي -- انت أدرى بها
نظم المعلومات الإدارية -- صعبه جداً لكن أسهل من نظرية التنظيم شويه
تنمية الموارد البشرية -- دش في دش جداً طويلة هالمادة وغثيثه
بحوث العمليات -- هذا الترم بأخذها ان شاء الله دعواتكم


هذي المواد لا تاخذها مع بعض نهائياً كل مادة حطها في ترم ولا وبكل صراحة بتحملها لأنها من أدسم وأصعب المواد في مسارك وأكيييييييد مع المذاكرة والتركيز مافي شي يصعب إن شاء الله وكله بتوفيق من الله ...


مختصر الكلام جدولك حريقة وصعب ومابأجاملك حتى لو زعلت مني والله لأني أتمنى لك الخير مثل مالنفسي والله يوفقك ...


خذ وحده من هالمواد الثلاثه أو بالكثييييييييير ثنتين بس احرق نفسك مذاكره وحتى لو تأخرت ترم مو مشكلة الأهم المعدل وماتحمل مواد مرة ثانية ...


احتراماتي ...



أبو يوسف ...

[محمدالرياض]

لبى قلبك يابو يوسف

اجل بحذف نظم معلومات الادارية واحط مكانها محاسبة حكومية لان مرت علي ولكن اعتذرت وراح اخذ مدرس لها ..

نظرية التنظيم صعبة ولكن مرت علي وما ادري وش احط مكانها

سياسية عامة ما ادري عنها