اختباااااااااااااار الاثنين 27 -2

[queen meme]

السلام عليكم ورحمة الله وبركاته ..


راح ادخل في الموضوع دايركت عشان لا يطول عليكم الكلام ,,

بصراحه انا حسيت انه مافي احد ماخذ ماده القياده واداره الابتكار غيري بسبب انه مافي احد بيجاوب علينا
المنتدى هذا للأستفاده والإفاده اعزائي ياريت انكم تتفاعلو مع الجميع ..



نزلت ماده القياده وادارة الابتكار متأخر فـ مالقيت لها ولا محاضره مسجله عندي
وابغى اعرف ايش قالت الاستاذه خديجه عن طريقه الاسئله ؟؟
وايش الاشياء المهمه اللي قالتها اثناء المحاضره ؟؟

انا عارفه انه نذاكر من السلايدات حقتها لكن اذاكر اييييش جالسه اقرا وانا مو فاهمه شي




فـ ياريت انه يكون في استجاااااااااااااااااااااابه معايا اذا سمحتوووو ..


واتمنى من الله التوفيق ليا ولكم اجمعين

[malak n]

ربنا يسهلك ممكن اخودها الترم الجاي ادخلي على العماده ان شاءالله تلاقي محاضرات تمام والشرح حلو او اكتبي فقوقل عن الماده واسم الاستاذه وسكاو فالنهايه وان حتلاقي كل خير عمو قوقل مابيقصر موفقه ولاتنسينا تتزكري لنا الاسيله وتحطيها فالمنتدى

[المصونة]

وأنا بعد زيك بس لقيت موضوع كاتبين فيه ايش اللي معاهم تبع الترم اللي فات
أنا عن نفسي ذاكرتها من السلايدات المادة حسيتها سهلة بس يبغالها حفظ بتركيز لانها تلخبط شوي
وفي محاضرات لها ف عمادة التعليم عن بعد انا نزلت محاضرة وحدة بس حسيت مافي داعي اسمع للشرح لانها بتقرأ لا أكثر ولا أقل
مــــــــــــــــــــــوفــــــقــــــــــــــــــ ة يارب

[الليدي دلال]

انا ماعندي استاذة مو كاتبين بالجدول ولا محاضرات, انتوا اي شعبة
عشان اذاكر معاكم
وكمان عندي مادة اجهزة التطوير الاداري ماعندي استاذة بالجدول ولا محاضرات و الكتاب كبير و يلخبط واختباراتي حايسينها ليا في اسبوع
احس اني توهقت

[المصونة]

مو انتي تعليم عن بعد كيف ماحضرتي المحاضرات غريبة
أنا شعبة 01 عند خيجة ضباب
بالنسبة لمادة أجهزة التطوير الاداري اتوقع انها ملزمة نفس السلايدات بتلاقيها بالمنتدى انا اخذتها الترم اللي فات مع نسرين خياط اذا م لخبطت بالاسم المهم اسمها فيه خياط المادة حلوه وسهلة
موفقة يارب

[queen meme]

المشاركة الأصلية كتبت بواسطة الليدي دلال انا ماعندي استاذة مو كاتبين بالجدول ولا محاضرات, انتوا اي شعبة عشان اذاكر معاكم وكمان عندي مادة اجهزة التطوير الاداري ماعندي استاذة بالجدول ولا محاضرات و الكتاب كبير و يلخبط واختباراتي حايسينها ليا في اسبوع احس اني توهقت

كل الشعب السيمستر هذا ماسكتها الاستاذه خديجه ضباب


بالنسبه لـ اجهزه التطوير الاداري اخذتها من قبل واعتقد انها كانت سهله

ربي يسهلك ركزي في المذاكره وربي يوفقك

[queen meme]

المشاركة الأصلية كتبت بواسطة المصونة وأنا بعد زيك بس لقيت موضوع كاتبين فيه ايش اللي معاهم تبع الترم اللي فات أنا عن نفسي ذاكرتها من السلايدات المادة حسيتها سهلة بس يبغالها حفظ بتركيز لانها تلخبط شوي وفي محاضرات لها ف عمادة التعليم عن بعد انا نزلت محاضرة وحدة بس حسيت مافي داعي اسمع للشرح لانها بتقرأ لا أكثر ولا أقل مــــــــــــــــــــــوفــــــقــــــــــــــــــ ة يارب

صح والله انها تقرا لكن جالسه اسمعها مدري ليش احس اني اركز اكثر لانو في اشياء قليله تشرحها يعني تساعدني فيها لا اقل ولا اكثر

بالنسبه للمذاكره اللي عرفتو انو من السلايدات صح
بس كنت ابغى اعرف من اللي حضرو لها محاضرات ايش قالت ع الاسئله هل هيا مقالي ولا موضوعي ؟
وكيف تقريبا طريقه اسئلتها ..

ومتشششششششكره اوي ع مشاركتك ف الموضوع

اميييين يارب وموووفقه انتي كمان ي عسل

[queen meme]

المشاركة الأصلية كتبت بواسطة malak n ربنا يسهلك ممكن اخودها الترم الجاي ادخلي على العماده ان شاءالله تلاقي محاضرات تمام والشرح حلو او اكتبي فقوقل عن الماده واسم الاستاذه وسكاو فالنهايه وان حتلاقي كل خير عمو قوقل مابيقصر موفقه ولاتنسينا تتزكري لنا الاسيله وتحطيها فالمنتدى

والله ي قمر انتي انو عمو قوقل فحطت فيه لين تعبت وبعدين جيت ع المنتدى هنا لانو حتى قوقل محسسني انو محد ماخذ الماده هذي ههههههههههههه

بس لقيت لي محاضرات من العماده ان شاءالله تتسهل الماده سهله عشان كذا اسأل عنها ابغى اجيب فيها درجه حلوه ترفع معدلي


الله يسهلنا يارب ويوفق الجمييييع ..

يسعدك ربي ع مساعدتك ..