الاحصاء وكيف نجتازه بمتياز

[almr7r7]

السلام عليكم ورحمة الله وبركاته


الاحصاء انا طلعت عند د ريماالعمودي
كيف الدكتوره
وهل في نماذج اختبارات للماده
وهل يوجود ملخصات للماده اما المذاكره من الكتاب فقط

شككرررا مقدما اي استفسار عن خطة أ ان شاء الله اقد افيدكم

[Yasmina95]

اهلان

ريما العامودي شوفي هيا كويسة ماقلت شيء وانا حضرت عندها محاضرة
هيا كويسة ما شاء الله و شرحها حلو
لكن صحبتي عندها و مشكلتها انها ما تدي جميع الأفكار اللي تجي في الدرس يعني مش بالتفصيل
يعني مثلا زي صحبتي بعد ما حلينا اختبار الميد الاول لمن جات الأسئلة ريما ماقالت عنها و بالتالي صحبتي غلطت فصارت تحضر عند سماح
و انا عند سماح سندي هيا مرة كويسة ما شاء الله تديكي جميع الأفكار اللي تجي في الاختبار
ريما تفهم لكن ماتديكي جميع الأفكار اللي تحي في المثال او في الدرس
سماح تديكي جميع الأفكار و تفهم مرة مزبوط ماشاء الله
حتى في السيكشين الكل يجي عندها ومرة زحمة لانو ماشاء الله تفهم مرة

[almr7r7]

ليه 172. محححححححد يررررد. '(

[almr7r7]

شكرا ياسمينا
بس ابى آعرف من يون نذاكر وهل في نماذج او تست بانك

او مخلصات وكيذا

[Yasmina95]

^
المصدر الأساسي والرئيسي الكتااااااب ضرووري لازم تشتريه
احنا اشتريناه اول أسبوع من الدراسة و تاني أسبوع يوم الاحد على طول الكتب خلصت !
نصيحة اشتريه اول شيء ، طبعا مافي تست بانك للإحصاء بس في سيكشن
لازم و مهم تحضري السيكشن لأنو جات منها أسئلة في الدوريات و النهائي
بعدين ادخلي موقع الدكتورة و اطبعي نماذج أسئلة السنوات السابقة و حليها لأنو تجي منها
و على فكرة ترا ممكن ريما العامودي تناسبك أكثر من الدكاترة الباقيين و كل بنت تختلف عن التانية وما شاء الله كل دكاترة الإحصاء جيدين و كويسين مرة
ف انتي لا تستعجلي انك تنقلي خليكي مع دكتورك ماعجبتك انقلي ، ف لا تاخدي بكلامي ممكن ما تناسبك سماح مثلا

و مذاكرة الإحصاء تكون من: الكتاب + أسئلة السيكشن + أسئلة النماذج السابقة
و أنا اشتريت ملخصات بالنهاية ما استفدت منها شيء يعني مو داكا المدح اللي يمدحوا فيه..!!
اذا كانت دكتورك تفهم خلاص مالو داعي تشتري ترا ..!! أنا ندمت أني اشتريتها

[AoDi]

صراحة غالبة البنات "اللي درست وذكرت معاهم " يفضلوا المذكرات لأن الاحصاء زي الكيمياء الكتاب للزيادة فقط

تكفيكي مذكرات استاذتك +السعدي و لو تحبي خدي حقت فاتن و حلي تست بانك"كتاب الاحصاء لو مش مأشر و لو انتي مو صبورة ماراح تقدري تعرفي المهم من اللي لا..

لأنو كبير و انجليزي..خذي منو تمارين بس

أنا عن نفسي ذاكرت من المذكرات و الحمدلله جبت درجة كويسة "الكتاب راح يحوسك"

هذا رأيي و تجربتي للترم الاول

[Yasmina95]

على فكرة ..!!
صح الكتاب كبير لكن تقدري تمسكي الهايلايت و تأشري
ترى التأشير غالبا يكون بس التعاريف و الأشياء الي تقولها الدكتورة بالحصة
احنا كنا نأشر بالهايلايت الأشياء المهمة زي التعاريف والأمثلة اللي معانا تطلعيها من موقع الدكتورة و تحمليها اسمها course syllabus عادي بالضبط زي المدرسة
الاختبار حيجي بس كلو مصطلحات و مسائل ..
يعني مو داكا الشيء اللي تضيعي بالكتاب
و كل وحدة تشوف آيش اللي يناسبها

[AoDi]

المشاركة الأصلية كتبت بواسطة yasmina95 على فكرة ..!! صح الكتاب كبير لكن تقدري تمسكي الهايلايت و تأشري ترى التأشير غالبا يكون بس التعاريف و الأشياء الي تقولها الدكتورة بالحصة احنا كنا نأشر بالهايلايت الأشياء المهمة زي التعاريف والأمثلة اللي معانا تطلعيها من موقع الدكتورة و تحمليها اسمها course syllabus عادي بالضبط زي المدرسة الاختبار حيجي بس كلو مصطلحات و مسائل .. يعني مو داكا الشيء اللي تضيعي بالكتاب و كل وحدة تشوف آيش اللي يناسبها

كلامك صحيح بس ليش التعب

المذكرات فيها التعاريف + تمارين اضافية و أحيانا تست بانك...و الافكر الرئيسية واضحة

اللي اشتروا الكتب ما قدروا يذكروا منها "صراحة مو كلهم في بنات ذكروا من الكتاب وبس"

[أسماء الشريف]

بنات فيه احد اخذ الاحصاء عند الاستاذة عبير بالبيد ؟؟
ابغا اعرف من ناحية الشرح كيف شرحها هيا ولا سماح سندي

[Yasmina95]

عبير بالبيد يمدحوا فيها و يقولوا انها كويسة
بس أنا ما جربتها