الله يوفق الي يساعدني بجدولي المستوى 7-8 والاختياريه والحره

[درة البحر]

السلام عليكم ورحمة الله وبركاته

دائما مااستغني عن المنتدي في مساعدتي

انا دا الترم المستوي السابع

وابغي اخذ ذا الترم 6 مواد ان شاءالله وبالمرفقات المواد الي باقي ليه

اتمني تجاوبوني علي اسئلتي عن كل مادة :
1- سهله او صعبه؟
2_ مين الاستاذه الافضل معاها؟
3_ كيف اسئلة الاختبار والدرجات يراعو فيها او لا؟

جدولي كالتالي:
بحوث العمليات - pad 351
قراءات ادارية بالانجليزي - pad 401 -
ثقافة المنظمة - pad 422 -
الاستشارات الادارية - pad 427 -
تقييم البرامج الحكومية - pad 436 -

ايش رايكم بالجدول

ابغي مواد حره او اختياريه
كل الثقافات الاسلاميه اخذتها - ونظام سياسي سعودي

ايش رايكم بالمواد:
1- سهله او صعبه؟
2_ مين الاستاذه الافضل معاها؟
3_ كيف اسئلة الاختبار والدرجات يراعو فيها او لا؟

1-القيادة الفعاله

2-ادارة خدمات صحية

3- الحكومه الالكترونية

4- الاتصال في المنظمات العامه

5- ادارة المشروعات العامه

6- ادارة التنمية

ربي يوفق ويسهل كل صعب ويحقق الي يتمناه الي بيردو علي ويجاوبوني والي حاولو

[شهيرهـ]

اذا بتاخذي بحوث عمليات خذيها مع نسرين الملا مررره تبسطها لكي
اما ثقافه المنظمه اخذتها مع سوزان القرشي اذا زاكرتيها مع بدايه الترم راح تكون سهله
والاستشارات الاداريه مع رجاء الخواجي نفسي الشي زاكريها مع بدايه الترم
اما تقييم البرامج الحكوميه والله ماذكر مع مين اخذتها بس اخذت درجه حلوه فيها
وقراءات اداريه بالانجليزي لسه ماخذتها

اما المواد الاختياريه والحره
اخذت نظام سياسي سعودي جدا سهله مع منى المنيعي
والحره ثقافات متعدده سهله الماده مع هند بكر اخذتها بس درجتي ماكنت راضيه عنها
والله يوفقك يارب وانا شاء الله باقي البنات يفيدوكي

[Abrar88]

بحوث عمليات اخدتهامع شاهيناز بخاري مرة كويسة والاختبار جدا سهل اغلب البنات درجاتهم a
قراءات ادارية اخدتها مع اروى جمل الليل والله اني حبيت المادة منها مرة تبسط وتحذف والاختبار جدا تافه حتى هيا قالت الدرجات مرة كويسة وانا درجتي a+
الاستشارات مع رجاء الشريف مافي غيرها للمادة المادة مرة سهلة وقليلة والاختبار 100 فقرة وقالت 5 بونس وكانت الاسئلة سهلة بس جابت كم سؤال من المحذوف واعطتنا درجات سيئة والكل اشتكى من الدرجات المتدنية درجتي c+ مدري كيف صححت
تقييم البرامج الحكومية اخدتها مع اريج الشماسي وابدا ماانصح فيها المذاكرة كانت من ملفات في موقعها وفي الشرح طيبة وتسهلك المنهج بس اسئلة الاختبار كانت جدا صعبة والله مدري كيف نجحت فيها بس حمدالله وفي موضوع كتبتو وحدة من العضوات عن صعوبة الاسئلة وكل البنات اجمعو على دا الرأي والكل كان خايف من عدم النجاح فيها بس حمدالله عديناها
ثقافة المنظمة مع سوزان القرشي مرة طيبة صح ماتحذف والمادة كلها علماء ونظريات وامثلة تلخبط بس الاختبار كان جداا حلو جابت سؤال عن عالم واحد بس وماجابت ولا مثال ونماذج الاسئلة للسنوات السابقة مرة حتساعدك في دي المادة درجتي b+

[Abrar88]

اما المواد الحرة والاختيارية انا اخذت النظام السياسي وادارة علاقات عامة مع خديجة الحربي المادة مررة سهلة ومنهجها قلييييل بالراحة a
والترم دا ان شاءالله باخد الاتصال في المنظمات
والحرة مشاريع صغيرة وثقافات متعددة

[درة البحر]

تسلمو ياعسولات ربي يسعدكم


انتظر راي الباقي

لانو بعض الاستاذات الي قلتوهم يمكن حقين السنه الي فاتت

اتغيرو دي السنه

[درة البحر]

انتظر ردودكم بليييز

[درة البحر]

88 مشاهدة والردود بس من 2

[درة البحر]

معقول ولا احد عندو فكره عن المواد دي

[داويتهم واجرحوني]

جدولي كالتالي:
بحوث العمليات - pad 351 مع نسرين ملا شرحها كويسس مررا انصحك تاخذي معاها
قراءات ادارية بالانجليزي - pad 401 - باقي مااخذتها ان شااء الله هالترم
ثقافة المنظمة - pad 422 - اخذتها مع سوزان القرشي حلو شرحها وانسانه متعامله وذاكرييها مضبوط تجيبي A+
الاستشارات الادارية - pad 427 - مع رجاء الشريف المادة حلووه وسهله اتوقع بس فصلين اللي معانا كان
تقييم البرامج الحكومية - pad 436 - مع اريج الشماسي ممتازه الاستاذهه والماده ذاكرناها من ملزمه 50 ورقه اتوقع

المواد الاختياريه اخذت النظام السياسي السعودي - وادراة علاقات عامه مع خديجة الحربي جدا سهلهه وبسسيطه
المواد الحره مشاريع صغيره - قيادة وابتكار كلها مع خديجة ضباب جدا سهله وحلووه واسئلتها كلها من الاعوام اللي فاتت

ان شاء الله اكون افدتك ..

[درة البحر]

الله يحقق لك الي تتمنيه دنيا واخره


تسلمي ياعسسل