موضوع مصيري للطالبات

[crazy chance]

يابنات انا اعرف وحدة كانت صيدلة وتقول حولت علوم طبيقة تطبيقية وقبلوها طيب احنا ايش مصيرنا انا معدلي يدخلني صيدلة بس ماابغاها فحطيتها من ضمن الرغبات الاخيرة يعني دحين كيف راح يعملوا اذا بنات الصيدلة حولو المفروض حتى احنا من حقنا يقولولنا اننا اتسكنا طالما كنا ممكن ندخل صيدلة بلييييز اللي حالتها زيي ترسل للدكتور عبد الفتاح عشان نفهم هما يتسكنو واحنا جالسين ليش بالرغم من انو معدلاتنا ونسبنا الموزونة والخاصة زيهم

[soma al7elwa]

الطالبة دي معانا دفعة 09؟

وياقلبووو ازا ما تبغي صيدلة ليش زعلانة عليها؟

ادخلي لقسم اللي تحبيه مو القسم اللي الناس تبغاكي تدخليه

وخلاص ماعاد ينفع الكلام

ما بقول كدا عشان انا اتكسنت وارتحت

لا والله انا برضو عندي صحباتي برضو ما اتسكنو بس نسوا الموضوع شوية

خلاص حبيبي وقت ما تجي تجي

انتي قدمي في جامعات تانية ازا تبغي

وازا اتسكنتي اسحبي طلبك

تبغوا تجربوا جربوا

بس نصيحة مني خلاص مافي امل يغيروا الموعد قبل ما يخلصوا الصيفي عشان يدوهم فرصة هما كمان

ومادام ما شا الله تبارك الله معدلك عالي خايفة من ايش؟

اكيد بإزن الله تنقبلي لقسم اللي تبغيه

الله يوفقكم يارب

[Nymph love]

خلاص قلبوو...
لا تشيلي هم والي فيه خير يقدمو ربنا...

وان شاء الله يجي احد يفيدك...

[سوار]

خلاص لا تفكري في التسكين انسيه وان شاء الله الي كلتبو ربي هو الي يصير ويكون خير لكي
دحين انتي انبسطي في الاجااااازة ولا تفكري

وان شاء تدخلي التخصص الى تبية

[crazy chance]

يس الطالبة معانا في نفس الدفعة وبالعكس انا مقتنعة اني ماابغ صيدلة بس باقول طالما غيروا لبنات الصيدلة ودخلوهم علوم طبية ليش ماسكنو حتى حقين العلوم الطبية طالما في ناس بتتسكن
واكيييد راح انيسط بالاجازة وانا عارفة قدري مكتوب من قبل مااتولد"الحمدلله على كل حال"

[mzat kau]

صح كدا كيف نروح فرصنا في العلوم الطبيه وهما يحولو حرام كدا حتى نحنا نبغى نرتاح ايش دا

بس العميد مرة انا كنت بغير التسكين قللي انو مافي تسكين للصيدله خلاص ؟.... كيف كدا

بعدين كيف يحولوها علوم طبيه وهيا لسه حتى مابدا تسكينها؟؟؟؟؟؟؟؟؟؟؟ ايش الهمجيه دي؟

[crazy chance]

هيا اتسكمن صيدلة وبعدين طلعلها خانة عشان تغير وغيرت لعلوم طبية

[looty deema]

والله كدا ياخدوا مقاعدنا مرررررره حرام وفرصنا في العلوم الطبيه تقل افففففففف من نظامهم اللي مالو داعي

[mzat kau]

من جد اسمعو لازم نرسل لي مشاط ماينفع كدا يسكنونا بعدين يحولو براحتهم مين اللي حترسل؟؟؟؟؟؟؟؟؟؟؟؟؟؟؟؟؟؟؟؟

[كيدو]

المشاركة الأصلية كتبت بواسطة crazy chance يابنات انا اعرف وحدة كانت صيدلة وتقول حولت علوم طبيقة تطبيقية وقبلوها طيب احنا ايش مصيرنا انا معدلي يدخلني صيدلة بس ماابغاها فحطيتها من ضمن الرغبات الاخيرة يعني دحين كيف راح يعملوا اذا بنات الصيدلة حولو المفروض حتى احنا من حقنا يقولولنا اننا اتسكنا طالما كنا ممكن ندخل صيدلة بلييييز اللي حالتها زيي ترسل للدكتور عبد الفتاح عشان نفهم هما يتسكنو واحنا جالسين ليش بالرغم من انو معدلاتنا ونسبنا الموزونة والخاصة زيهم

أنتي متأكدة انو قبلوها ولا بس هي قدمت طلب وعبت الاستماره وخلاص عبالها انقبلت

بالعربي مكتوب عندها في الأوديس كليه العلوم الطبيه التطبيقيه

بليز أتاكدي من معلوماتك .......... وشكرا