سؤال عن المسارات

[violets]

السلام عليكم

عندي سؤال بالنسبة للمسار العلمي يعني اذا دخلت علمي ما ينفع اتخصص انجليزي ؟؟

وكيف المسار العلمي صعب ولا لأ


ومره شكرا

[violets]

سوري مره نسيت سؤال تاني

دحين انا في القبول الالكتروني دخلت مسار علمي رغبه اولى اقدر ادخل اداري ؟؟

وشكرا مره تانيه

[مرمر@ زماني]

المشاركة الأصلية كتبت بواسطة violets السلام عليكم عندي سؤال بالنسبة للمسار العلمي يعني اذا دخلت علمي ما ينفع اتخصص انجليزي ؟؟ شوفي يااهلي اذا دخلتي علمي ماتقدري تتخصصي انجلش لانو مو من الكليات المتاحة وكيف المسار العلمي صعب ولا لأ باقولك من تجربة هوا مو صعب لكن يبغالوا شدة حيل ومزاكرة اول باول وان شاء الله حتجيبي حلو فيه <<< ترى يغثوكي شويتين ويجيبوا اخبار قرف<< بس هادي السنة ان شاء الله احسن لانو بيتفادوا اغلاط العام ومره شكرا ولووو لاشكر على واجب خيتو

موفقة

[مرمر@ زماني]

المشاركة الأصلية كتبت بواسطة violets سوري مره نسيت سؤال تاني دحين انا في القبول الالكتروني دخلت مسار علمي رغبه اولى اقدر ادخل اداري ؟؟ يب يب تقدري لانو انتي علمي حتسالك ايش تبغي وشكرا مره تانيه ولاشكر على واجب مره تانية

لاتنسي تستخيري

[jef619]

التخصصات للبنات في المسار العلمي هي:
1.العلوم(رياضيات-فيزياء-كيمياء-علوم الأحياء-إحصاء)
2.الحاسبات وتقنية المعلومات(علم الحاسب-تقنية المعلومات-نظم المعلومات)
3.الطب(الطب البشري)
4.العلوم الطبية التطبيقية(التقنية الطبية-التمريض)
5.طب الأسنان(طب وجراحة الأسنان)
6.الصيدلة(صيدلة إكلينكية)
7.الاقتصاد المنزلي

على حد علمي هذي هي التخصصات للبنات المسار العلمي


والدراسة سهلة بس لازم شوية من الانجليزي

وبالتوفيق

[violets]

مررررررررره شكرا

ماتدرو قد ايه ساعدوتني انا راسي كان حيتفجر
وادعولي ربي يوفقني

سي يو

[Raneem 19]

طيب مكن توضحولي التخصصات للمسار الاداري ؟؟؟؟؟؟؟؟؟؟؟؟؟؟؟

بليييييييييييييييييييييييز

[MNMO0ONA]

كليه الاداب باقسمها
وكليه اداره واقتصاد
وبعض من تخصصات الاقتصاد المنزلي
وبالتوفيق

[Raneem 19]

يسلمووووو mnmo0ona على المساعدة

الله يوفقك ويسعدك يارب

بس حتعبك معايا شوية .....

ممكن توضحيلي التخصصات في الاقتصاد المنزلي لاني ابغى اتخصص في الفنون او الديكور
وسمعت انه الديكور للمسار العلمي فقط طيب حتى الفنون للعلمي بس ولا ايش ؟؟؟؟؟

ولكي جزيل الشكر

[lovely.soul]

اش هيا تخصصات الاقتصاد المنزلي ؟؟
موجود قسم الديكور للادبي؟