والله اني مهمومة.... بالله طمنوني....

[كيوت كات]

طبعا دي اول سنة ليا يعني اكيد حأدرس سنة تحضيرية..
انا سألت كيف حتكون اللغة وقلتولي باللغة الانجليزية...
طيب انا بصراحة مو مره بالانجلش بس يعني مو لدرجة ما اعرف اقرأ... يعني اعرف بعض المصطلحات واعرف اتكلم انجلش بس مو داك الزود... يعني مو مره ماهره فيه..
انا دحين خايفة كيف حأفهم الدروس اذا انا مو متمكنة في الانجلش يعني حأترجم الدرس ولا حأفهم الدرس... بليز ساعدوني... يعني دا شي طبيعي ؟؟؟؟
فيدوني واللي مر بدي التجربة كيف الاحساس ....؟؟؟؟؟

[MNMO0ONA]

المشاركة الأصلية كتبت بواسطة كيوت كات طبعا دي اول سنة ليا يعني اكيد حأدرس سنة تحضيرية.. انا سألت كيف حتكون اللغة وقلتولي باللغة الانجليزية... طيب انا بصراحة مو مره بالانجلش بس يعني مو لدرجة ما اعرف اقرأ... يعني اعرف بعض المصطلحات واعرف اتكلم انجلش بس مو داك الزود... يعني مو مره ماهره فيه.. انا دحين خايفة كيف حأفهم الدروس اذا انا مو متمكنة في الانجلش يعني حأترجم الدرس ولا حأفهم الدرس... بليز ساعدوني... يعني دا شي طبيعي ؟؟؟؟ فيدوني واللي مر بدي التجربة كيف الاحساس ....؟؟؟؟؟

الدكاتره يشرحو بالعربي
واازا انتي كونتي بتزااكري ااول باول رااح تمشي بازن الله
في ناس كتيرر مو مره في الانجلش ومشيو الحمدالله
وبعدين هو يعمد على حسب التخصص اللي تييه ازا كان التخصص اللي تبغيه متاح للاداري كمان خلاص ادخلي اداري
وموفقه

[كيوت كات]

يعني الدكاترة يشرحو بالعربي والكتب بالانجليزي؟؟؟؟

اتا تخصصي علمي وسمعت انو العلمي يكون بالانجلش........

[MNMO0ONA]

وبعدين اول اسبوعين من الدراسه كان في تحويل للمسار الادااااري
انتي شوفي جربي اازا حمشي حلو واز حسيتي صعب حولي
بس مااعرف ااخاف يكونو متشددين مره ومايرضو يحولو وتدعي عليا بعدها هههههههههههه

[عزة نفسي_تكفيني]

ياقلبي اتوكلي على الله ولا تشيلي هم

هذا يرجع لكـ وللمذاكرهـ والاهتمام

انا بعرف بناات درسوا المسار العلمي وهم مو ذاكـ الشي في الانجليزي

وماشاءالله عدوا وجابوا معدل حلوو ومنهم من جاب فوق الـ4

صدقيني مو مثل مااتتصوري توكلي على الله

وانتي استخيري ومايصير الا اللي فيه الخير يارب

وان شاءالله بعد هالسنه حتلاقي الانجليزي تطور عندكـ

وهدي يالغلا وتطمني ^_^

مودتي

[MNMO0ONA]

المشاركة الأصلية كتبت بواسطة كيوت كات يعني الدكاترة يشرحو بالعربي والكتب بالانجليزي؟؟؟؟ اتا تخصصي علمي وسمعت انو العلمي يكون بالانجلش........

ايوا بالانجلش بس الدكاتره يشرحو بالعربي
ويترجمو الاشياء اللي مو مفهومه

[* تركي *]

/

مَع بدآية الدرآسة وَ بعد شهر كذآ ،’
رآح تتعودين مَع الوضع ،’
الشَرح عربي ، أمآ الكتب وَ المرآجع بـِ الانجليزي بـِ استثنآء بعض الموآد ،’

المَسألة مَسألة تَأقلم ليست أكثر :)




::

مُوفقة

[كيوت كات]

شكرا والله طمنتيني ....
كنت محتاجة احد عارف بدي الامور انو يطمني....
المشكلة انو انا من المدينة واكيد ما حيكون ليا صحبات في جدة حاسة انو اول في الجامعة حأكون لحالي وانا مره ما احب الوحدة ... حاسة انو ما حيكون ليا صحبات ...
عارفة... لدرجة اني بأتخيل الموقف اللي حأكون في لحالي....

[رعشة دفى]

ياحياتي ماتشيلي هم الجامعه مليانة اشكال وانواع
اناا زيك اول سنة وعلمي :)
هاتي ايميلك نسلي بعض اذا تحبي

[عزة نفسي_تكفيني]

القلق والخوف اللي حسااهـ ترااهـ طبيعي كلنا بنمر فيه

لأننا انتقلنا لمرحله جديدهـ في حيااتنا

لا تخاافي انتي اي شي تحتااجيه تعاالي هنا في المنتدى واطلبي حتلاقي الكل بيسااعدكـ في أي شي تحتااجيه

بالنسبه للصداقات حتى لو كنتي في جده مو شرط احد من صحبااتك معاكي يعني عادي حتبدأي تكوني صداقاات جديدهـ

كلنا مرينا فيها في البداايه مانعرف أحد وبعدين خلاص حتتعرفي على بناات وتتسهل الأموور

موفقه ياااااارب ^_^