استفسار هام (2)

[bbbbA]

اولا ..السلام عليكم ورحمه الله وبركاته
ادخل با الموضوع"
س1_متى بدأ استقبال الطلاب ؟؟
س2_هل استطيع اختيار الخطه (يعني ب او أ)؟
س3_كم المعدل لدخول كليه الهندسه ؟
س4_كيف اطلب السكن؟
س5_السنه الي فاتت اقل طالب نسبتهه الموزونه82%وانا دحين نسبتي 82%هل ممكن ادخل الجامعه مع العلم انو حطولي موعد الاثنين؟
ارجو الرد عل ى على جميع الاسئله<<ابشر خخخخخ

[soma al7elwa]

جــ1- يوم السبت الماضي

جـ2- على سنتي لا

ما أعرف ازا اتغير النظام دحين

جــ 3 - يفيدوك الشباب

جـ4 - ماعندي فكرة

جــ5- إن شا الله

بما انو ادوك مقعد يعني عندهم مقعد متاح بازن الله

الله يوفقك يارب ونشوفك بكلية الهندسة ^_^

[الرجل الغامض]

انا في كلية الهندسة وترى موشرط يكون المعدل عالي عشان تدخل هندسة !! في مواد لازم تجيب فيها حد ادنى من الدرجات !عندي لك سؤال قبل ماتروح وتسلم ملفك فكر كثيرا؟ ترى الجامعة ماهي بالسوهلة الي تتوقعها !
نسبتك الموزنة راجحتها الثانوية ولا القياس ! واذا كان القياس فكر كثيرا ! ولا ابغى احبطك ولا اخوفك صدقني ما لقيت من ينصحني قبل ماجي هنا!! المهندس محمد

[bbbbA]

نسبتك الموزنة راجحتها الثانوية ولا القياس !<<ماني فاهم !!!!!
س1 |ليه الدراسه صعبه ؟؟؟

[كلي احساس]

س2_هل استطيع اختيار الخطه (يعني ب او أ)؟
ما اظن تقدر تختار .. هما يقسموا ويوزعوا

س4_كيف اطلب السكن؟
اذا قصدك السكن الجامعي .. اظن لمن تروح في موعدك وتعطيهم الملف تبلغهم << مش متأكدهـ

س5_السنه الي فاتت اقل طالب نسبتهه الموزونه82%وانا دحين نسبتي 82%هل ممكن ادخل الجامعه مع العلم انو حطولي موعد الاثنين؟
هوا ع حسب الاماكن الشاغرة اذا تملت المقاعد خلاص يقفلوا
يعني مو عند نسبة محددهـ


دا اللي اعرفو وان شاء الله باقي الاعضاء يفيدوك

المشاركة الأصلية كتبت بواسطة bbbba نسبتك الموزنة راجحتها الثانوية ولا القياس !<<ماني فاهم !!!!! س1 |ليه الدراسه صعبه ؟؟؟

يمكن يقصد .. انو نسبتك اللي بتقول عليها 82% .. دي نسبة الثانوية العامة فقط
ولا نسبة الثانوية + درجة اختبار القدرات + درجة اختبار التحصيلي


وان كان ع الدراسة مو سهلة ولا صعبة
يعتمد ع حضورك للمحاضرة وفهمك والمزاكرة اول بأول ,, وترا اغلبو من اللي درسناه في الثنوي بس دحين بالانجليزي