~ll طريقــة التخصص & مشكلة مادة الرياضيات والإحصاء ll~

[[]-sarah-[]]

مسـاءكم ورد ~{

في البدايه أعذروني على أسألتي الكثيره .. واتمنى تتحملوني (^_^)

انا طبعاً حلمي كان ومازال انو يكون تخصصي في الدراسه إداراة أعمال
طبعاً ناس نصحوني انو من ناحية المستقبل بإدارة أعمال دوليه

سؤالي الأول :
تخرجت من الثانويه قسم ادبي
واللي أعرفه انو الأدبي مسموح لهم بإداراة أعمال
بس حسب ماسمعت في بعض المجالات ماتسمح الا للعلمي

سؤالي في امل أنو ادرس إدارة أعمال دولية ؟

سؤالي الثاني :
كيف اقدر اختار التخصص اللي ابيه ؟
هل هو فعلاً المعدل بعد ماخلص السنة التحضيريه هو اللي يحدد لي التخصص !!
اذا الجواب بـ نعم ..
طيب لو لا قدر الله حملت ماده أو مادتين بالشكل هذا ممكن انو ما اقدر اختار اللي ابيه ؟
يعني يكون اختيار التخصص من الجامعه بما اني حملت مواد ..
وهل بحمل المواد يتأثر المعدل ,حتى لو كانت اختبارات المواد اللي نجحت فيها حلوه ؟

سؤالي الثالث :
انا قدمت السنه اللي رآحت بس ربي ماكتب لي القبول بسبب الشهاده
والحمدالله السنه هذي مشت الأمور زي ما ابي ..
وانا جايه وكلي حماس للدراسه
لأنو انقطعت فتره طويله عن الدراسه يمكن حوالي ثلاث سنوات ونص ..
والتخصص اللي ابيه يدخل فيه الرياضيات والإحصاء ..
وانا بصرآحه بالمواد هذي ضعيفه ..
لكن رغم هذا أحاول انو اشجع نفسي وأقول اللي يبي يوصل لحلمه أكيد لازم يتعب

اللي ابيـــه ..
طبعاً ثلاث سنوات ونص بدون دراسه ولا حتى كنت اسوي شي ممكن يحرك مخي شوي أكيد بيكون عندي بطئ بالإستعياب .. وهالشي ما ادركته الا من فتره قريبه للأسف
انا ابغى تساعدوني بكل الوسائل اللي تعرفونها عشان اقدر أغير نفسي من ناحية هالمواد
ابي احبها أو ع الأقل ما اشوفها بشكل سلبي أبي اطالعها بشكل ايجابي
واحس انها مواد سهله مثلها مثل غيرها ..
وخصوصاً انو نفسياً الحمدالله عندي استعداد كامل للدراسه

وبما انو الدراسه لسى باقي عليها ابي استغل هالوقت في كل شي ممكن يساعدني في المواد هذي

وأعتذر مره ثانيه لكثرة الأسئله والإطاله

وأملي الكبير بالله أولاً ثم فيكم بأنكم تساعدوني