ايش هو المطلوب عند موعد استلام المسنتدات ؟ (( كل التفاصيل تجدها هنا )) تفضلوا

[خالد الشمراني]

السلام عليكم

صباح / مساء الخيرات والسرور لكم جميعا

اليوم تم قبولي في جامعة الملك عبد العزيز بعد جهد وخوف وارتباك من بداية الاجازة وماقدرت اسافر او اتمشى والسبب هالجامعة طوال الوقت افكر فيها

بس الحمدالله اليوم الاحد الصباح الساعة 8 تم استلامي البطاقة الجامعية





واليكم التفاصيل يومي المتعب

نمت في وقت متاخر بالليل لاني كنت افكر في اليوم وش راح يحصل معي
صحيت الفجر صليت وبالقوة رجعت نمت
المهم صحيت قبل الموعد بنصف ساعة
وصلت الجامعة الساعة 8 على حسب الموعد
لقيت ناس كثير عند البوابه خفت وقلت عز الله ماراح نطلع الا الظهر
شافني الامن وقلي انت موعدك اليوم الساعة 8 الى 9 خلاص قفلوا >>>> كان يمزح معاي صدق دمه ثقيل وسخيف
انا خايف وهو يمزح مع الصباح

قلي ادخل يسار وبعدين يسار في قاعة استلام المستندات
دخلت القاعة لقيت ناس جالسين كثير على رغم اني جيت قبل الموعد بصف ساعة
في دكتور جالس يعلم الطلاب كيف يرتبون المستندات
اخذوا مني الاستمارة والتعهدات و الثانويه العامه الاصل والصورة
وبعد ماعطيتهم قلي الدكتور روح قاعة المحاضرات حق التدقيق
رحت هناك وعطيتهم الاوراق والمستندات كامله بعدين قلي انتظر هنا في السيب انا ومعاي طلاب
دخلنا غرفة فيها كبيوترات كثير بالمس علشان نطلع البطاقة الجامعية من الجهاز على طول بس دخلت الرقم الهويه طلعت لي البطاقة وفيها صورتي >>> فديت صورتي انا ههههههههههه




جاء احد الموظفين في عمادة شؤون الطلاب وقال يلا في نزهة حلوه على الجامعة في الباص علشان تتعرفون على الجامعة ماتضيعون بعدين >>>> وربي حسسوني اني باخذ جوله في ملاهي الحكير خخخخخخ
وبعدين اخذنا لفة على الجامعة وقفنا عند عمادة شؤون الطلاب واول مادخلنا لقينا ناس ودكاترة يقولون لنا مبرووك مبروك انتم الحين من ابناء جامعة الملك عبد العزيز انا في هذا الوقت بطير من الفرحه وشوي بنشق فمي من الابتسامه


جالسنا اخذنا محاضرة هناك بسيطة وبعدين كان في فطور للطلاب بسيط تاخذ الاكل وانت ماشي وبعدين رحنا على محل المكافات وجالس يشرح لنا الدكتور هناك وش نسوي واذا حصل مشكلة وين نروح زي الكلام هذا
وبعدين رجنا للباص وانا جريت بسرعة سبقت المشرف اللي كان علينا وركبت على طول واخذت المكان اللي جنب الشباك علشان اتفرج على المناظر >>>> تقول الحين في رحلة سياحيه في تونس خخخخخ



المهم وحنا نمشي المشرف جالس يقولنا الاماكن بالجامعة واخيرا وصلنا للمقر اللي انطلقنا منه مبنى 125

وقلنا يلا انزلوا انتهت الجوله ومبرووك ونهنيكم بقبولكم بالجامعة

انا نزلت ورحت سيارتي وانا فرحان كل مااشوف واحد ابتسم في وجه يطلع فيني ويستغرب اكيد قال هذا فيه شي
المهم وصلت البيت وليقيت اهلي ينتظروني قلت لهم اني انقبلت وفرحوا




وفرحت يوم شفت الورقة هاذي يوم طلعها الجهاز

مبرووك . . .
تم قبولك في جامعة الملك عبد العزيز
تعبت من بداية الاجازة وانا بالي مشغول في الجامعات هاذي تعبوني والله
الحمدالله انتهى كل شي على خير




اليوم توها اجازة تخرجي من الثانويه ابتددت



اشوفكم مع بداية الدراسة الجامعية
واتمنى التوفيق من القلب لكل الطلاب والطالبات اللي باقي ماانقبلوا



مع السلامه . . اخوكم خالد الــشــمراني