اللي درسوا السنه التحضيريه العام ياليت تفيدوني ..

[M!sS chocolate]

ممنووووووووووووووووع التجسس من براااا أدخل ..

8
8
8
8
8
8

أولا/// كل عاااااااااااااام وانتوا بخيييييييييييير ورمضان كريم علينا وعليكم ...

ثانيا/// أبغى أسألة البنات اللي كانوا العام سنه تحضيريه الكتب كنتوا تشيلوها
معاكم لمن تروحوا الجامعه أنا أشوف أخواني مايشيلوا معاهم شيء يروحوا
ويدهم فاضيه ..
واللوكرز تنصحوني آخذ لي واحد طبعا إذا كنا حنشيل كتب واحنا البنات الترم ب20
لكن الأولاد السنه كلها ب20 اش معنى يعني ؟؟ بس يالله مشي حالك كلها عشرين
والشنطه أشتري وحده كبييره واللا صغيره وعلى الظهر واللا الكتف اش أفضل
شيء للجامعه

وفي سؤال أنا قد سألته لنيران بس أبغى جواب كااافي عن سؤال
النااااااااااادي حق الجامعه أبغى أشترك فيه كيف ومتى وقته واللا كل ماابغى أروح براحتي
لأني اوقات البريك أبغى أروح له ..

انتوا العام درستوا السنه التحضيريه وجربتوها ياليت تفيدوني ..

[M!sS chocolate]

بنات شوفوا اللوكرز حق البنات اللي في جامعة الملك سعود خخخخخخخخخخخخخخ..







أما أم خماس صراحه خخخخخخخخخخخخخخ حتى في الجامعه لاحقتنا

[wan]

و إنتي بخير و صحه و سلامه

بالنسبه للكتب إيوا طبعاً كنا نشيل و كانت ظهورنا تتكسر هههههههه

في بنات كانو يجيبو شنط ع الظهر زي حقت المدرسه
و في بنات شنط عاديه عاليد بس أهم شي كبيره تشيل الكتب

أهم شي جيبيها مريحه >> كتفها أنخلع الترم اللي فات خخخخ

أنا إداري و كنت أتعب من الكتب .. فما بالك العلمي يا حرام أشوف صحباتي كتاب الأحياء كبيير يجيب البكا ههههه

ما أبغا أخوفك بس يعني عشان تاخدي إحتياطاتك

بالنسبه للوكر إيوا أشتركي في بداية السنه لمن تطلعي بطاقتك الصراف روحي البنك و أطلبي لوكر
كتبكم يالعلمي تهد البدن :s


ترا دا بس للسنه التحضيريه اعتقد لمن تتخصصي تقل الكتب


بالتوفيق

[M!sS chocolate]

واااااان أنا ماآخذ مكافأه لأني إنتقالي ..
كيف أطلب اللوكرز ولو آخذته مارح تسير الكتب معايا عشان أذاكر اول بأول..

[wan]

اممممممممممممممـ ماعندي فكره والله أنا صحبتي إنتقالي كانت تحط مع صحبتها .. عادي يكفي خخخ
بالنسبه للمزاكره عادي وقت ما تجي رايحه خديها معاكي لا تنسي ... في كتير صحباتي ينسوها و يكون يومتها إختبار و يتوهقو و يروحو المكتبه يشترو جديده في نفس اليوم

و لا تنسي تاخدي في مبنى قريب من كلاساتك


أنا قدمت السنه إللي فاتت في نص الترم الأول و دفعت 40 .. و رحت أبغا أقدم قالتلي مافي تعالي الترم الجاي
الترم التاني رحتلها أول يوم قالتلي للأسف مافي لوكرات شاغره

و الترم الجاي بروح و أشوف .. أهم شي الورقه حقت البنك اللي تقول إني دفعت معايا وقت ما أبغا أللوكر أروح أديهم هيا

[.,.نيــــــــــــــــــــران.,.]

بالنسبة للنادي في بداية الترم تابعي مواعيد التسجيل في مبنى 13 غرفة 32
اذا جا الموعد حتاخذين بطاقتك بعد ماتجيبين الاشياء المطلوبة وخلاص تروحين وقت ماتبغين في الفترة اللي مفتوح فيها النادي

:)

[M!sS chocolate]

المشاركة الأصلية كتبت بواسطة wan اممممممممممممممـ ماعندي فكره والله أنا صحبتي إنتقالي كانت تحط مع صحبتها .. عادي يكفي خخخ بالنسبه للمزاكره عادي وقت ما تجي رايحه خديها معاكي لا تنسي ... في كتير صحباتي ينسوها و يكون يومتها إختبار و يتوهقو و يروحو المكتبه يشترو جديده في نفس اليوم و لا تنسي تاخدي في مبنى قريب من كلاساتك أنا قدمت السنه إللي فاتت في نص الترم الأول و دفعت 40 .. و رحت أبغا أقدم قالتلي مافي تعالي الترم الجاي الترم التاني رحتلها أول يوم قالتلي للأسف مافي لوكرات شاغره و الترم الجاي بروح و أشوف .. أهم شي الورقه حقت البنك اللي تقول إني دفعت معايا وقت ما أبغا أللوكر أروح أديهم هيا

يعني بس اللي ياخذوا مكافآت يقدروا يحجزوا لوكرز يعني الإنتقالي والتأهيلي مالهم
ياربييييييي أجل الله يعينني على حملة الكتب ..

[M!sS chocolate]

المشاركة الأصلية كتبت بواسطة .,.نيــــــــــــــــــــران.,. بالنسبة للنادي في بداية الترم تابعي مواعيد التسجيل في مبنى 13 غرفة 32 اذا جا الموعد حتاخذين بطاقتك بعد ماتجيبين الاشياء المطلوبة وخلاص تروحين وقت ماتبغين في الفترة اللي مفتوح فيها النادي :)

أوكي ثانكس نيران الله يعطيكي العافيه أساسا ثلاث أرباع المحاضرات حقي في مبنى 13 يعني حيلاقوني كل يوم
في وجههم لين ماآخذ البطاقه خخخخخخخخخخخخخخ..

[M!sS chocolate]

بنات وش حكاية اللوكرز بس بنات الإنتظام لهم والتأهيلي والإنتقالي لا ...
40 مشاهد ماحد رد ...

[marooma 07]

ياحلويييييين النادي بكم يكون الاشتراك ولا بدون اشتراك ولو في اشتراك كيف وين أروح؟؟؟؟
مشكورين