سؤال مهم لمن اجتاز السنه التحضيريه ووالله حدعيله

[رزان22]

انا عندي سؤال والله العظيم مرررررررررره شايله همه بشكل مو معقول
هل صحيح عشان تتفوقي بالسنه التحضيريه وتجتازينها لازم تكوني فلته بالانجليزي
انا مستواي بالانجليزي حلوووووو بس مو فلته
اقدر بعد الله اجيب معدل عالي ؟؟؟؟
لاني سمعت انه لازم تكوني فلته بالانجليزي عشان تتفوقي وانه اذا كانوا بنات دفعتك اشطر منك بالا نجليزي تقل فرصك حتى لو شديييييييييييتيييييي حيلك صحيح هذا الكلام؟؟؟
يارب تفرج هم الي يفرج همي

[AL-Faris]

صباح الخير اختي

مالها اي علاقه بالتفوق واجتيازك للسنه التحضيريه ياختي تراها ماده وحده بس

واذا مستواك حلو بتعدينها ان شاء الله الماده ماهي صعبه كثير

بس شدي حيلك فيها من البدايه لانها طوويلة شووي

ماله داعي الخوف هذا كله

وربي يووفقك ونشوفك الاولى ع دفعتك

دمتي بود
الفارس

[mzat kau]

مالو شغل الانجليزي
ياحبيبتي انا كنت بالثنوي نص نص بالانجليش ودخلت التحضيري وانا مني داريه انو انجليش ونفس الحكايه مرة خفت ومدري ايش بس بعدين طلعت مرة سهله واتفه من السهله كمان
والله الانجليش حقها مرة سهل ومرة مبسط وعن نفسي حسيتو اسهل من العربي والله مافيلو شي
وبعدين ترا في بنات سيئين -مع احترامي للجميع- يعني والله افتكر كانو معايا ناس مايعرفو يقرو كويس واللللله ودخلو طب يعني مو ديك الصعوبه يعني بس يبالها شده حيل وبس مايهم الانجليش ولا الخرابيط

شي تاني في السنه دي حتسمعي اشاعات للييييييييييييييييييييييل وحتخافي ومدري ايش نصيحتي ليكي طنشييييييييييييييي
ولا تصدقي ولا شي من اللي بيتقال لانو الاشاعات بتتنتشر بشكل مو طبيعي
ساعه يقولولنا الطب بس للي حيجيبو 5 من 5 وزي كدا ونحنا مساكين كنا نخاف ومدري ايش وبعدين قبلو الين 4ونص تخيلي يعني ان شا الله سهلللللللله

والله يوفقك يارب ويسهلي التخصص حقتي ادعيلي :(

[أنثى نرجسية]

::

\/



كلآسَآتْ الإنقلِشْ مكثفّة جدّآ حَـ تسآعْدِك كثير ’ بدآيَة السَنَة حـ تشيلي همّ اللغَة وكيفْ حـ تذآكرِي فزكسْ ومآثْ و و و بـ الإنجلِشْ

بعَدْ كِدَآ حـ يكونْ تركيزكْ كلّو ع المآدّة وتمشيْ معآكِ اللغَة ..


وبِـ التوفيق ~ }



::

\/

[((المتميزة))]

بسم الله..
شوفي اختي لازم تعرفي انه الانجليزي مهم جدا في التحضيري لـأسباب منها
1) انه الرياضيات والفيزياء والاحصاء والكيمياء والأحياء وممكن الحاسب كتبها ودراستها واختباراتها باإنجليزي
2) مادة الانجليزي تشمل 5 مواد :: الريدينق _ القراءة
الرايتينق- الكتابه
القرامر- القواعد
ليسينق وسبيكينق - السماع والمحادثه
بالاضافه الى ماده اضافيه ممكن تكون فوكابلري - كلمات
وكل ماده 3 ساعات في الاسبوع يعني 15 ساعه في الاسبوع خاصه بالانجليزي
>> ملاحظه: هي 15 ساعه لانجليزي في الاسبوع انت تاخذيها بس اللي معتمدينها 3 ساعات زيها زي باقي المواد كلها 3 ساعات في الاسبوع >> يعني ماتقولي الانجليزي ترفع وتخفضك زي الرياضيات في ثالث ثانوي , فيه فرق الرياضيات 7 ساعات ومثلا الحديث ساعتين على ماذكر,
في التحضيري كله زي بعض.
3) في الاختبار مافيه ترجمه لمادة الإحياء واإنجليزي بس ممكن يكون فيه للرياضيات وباقي المواد.
>> اسالي استاذتك عن هذا الموضوع.

وهذه نصائحي لك::
1) لابد ان تكوني مثقفه في الانجليزي >> تكون عندك حصيله جيده من الكلمات والقرامر وقواعد الكتابه والقدره على المحادثه دون خوف او تردد
2) اذا جينا للانجليزي فلابد ان تبذلي جهد مضاعف لانها لغه لازم تكتسبيها مو تدرسيها بعدين تنسيها >> تحلي التمارين وتحفظي الكلمات وهناك طرق لمذاكرة الانجليزي لو حبيتي افيدك فيها ...
3)في المواد الباقيه حيجيك الكتاب كله انجليزي لا ترجمي كل كلمه ترجمي الكلمات الاساسيه وحاولي تحفظي الكلمات في الكلاس مع الدكتوره لمعرفة النطق السليم .
4) اشتري قاموس ناطق الكتروني من الحين ولوتحبي افيدك فيه انواعه ..
5) المراجعه لكل شي درستيه عشان ماتنسي الكلمات.
6) في الأحياء ولأنها ماده دسمه وطويله اذا اخذتي الكلاس ارجعي البيت ذاكريه عشان مايتراكم فمصطلحاته كثيره.

أخيييرا انا مادري انت علمي ولا اداري ههه على العموم اتمنى اكون افدتك واذا تبغي المزيد من النصائح والخبرات واذا فيه اي سؤال انا حاضره ..
دعواااااتك لاتنسي..

[LazoOord]

اللي ما شاء الله عليهم كفوا ووفوا

وأنا بأقولك على شغله
أنا لما دخلت الجامعة كنت عدم
في الانجليش

اشوي وأموت من الخوف
بس مشي الحال

والحمد لله عديت التحضيري
ودرجات عاليه

فلا تخافي ولا شي

[رزان22]

الف الف شكر لكل الي ردوا ووالله ماانساكم من الدعاء ردودكم تريح واحلى شي انها عن تجربه وهدا الي انا كنت ابغاه
المتميزه تسلمي ياقلبي مررررره ماقصرتي
والله انا ناويه اشد حيلي مو معقوله اتغرب عن اهلي عالفاضي بس حبيت اسالك انا حلووووووو بالانجليزي كيف اطور نفسي اكتر والله حتى المدينه الي انا فيها ماتساعد؟؟؟؟
ينفع لو اعطيتيني اسماء الكتب --كتب الانجليزي بالذات--- ولا ماينفع لانها ممكن تتغير ؟؟؟؟
طيب كيف استعد الااااااااااان بالاجازه ؟؟؟؟
اعطيني نصايح الله يسعدك ؟؟؟؟
انا علمي بس حبيت اسالك كيف عندك هذي الخبره ماشاء الله وانتي تحضيري؟؟؟؟

[Jodah]

شوفي ياحلوة انا بقولك
تقدري وتقدري وتقدري وتقدري........ان شاء الله
و الله اعرف بنات معايا كان مستواهم اقل من المتوسط في الانجليزي و دحين هم في الكليات الصحية ماشاء الله تبارك الله

بس انتي اذا حطيتيها في بالك حتقدري تجيبي اعلى الدرجات ان شاء الله

و الله يوفقك و ييسرلك الخير....ولا تنسي تدعيلي

[رزان22]

jodah احلى رد والله كانك تقرين ايش مكتوب ببالي
اللللللللللللللللللله يوفقك يارب وتشوفي نفسك صيدلانيه قد الدنيا --ابشري بالدعوه ------
المتميزه استنى منك بعض النصايح الخفيفه ياعسل

[راقية الفكر]

اختي لاتشيلي هم وخليها على الله وراح تكون سهلة بإذن الله
ماعليك من كلام احد واخواني فوق وضحو كل شي
وبالتوفيق