للي يبغى الكتب حقت السنة التحضيريه بدون مايدفع ريال

[مربط الجن]

السلام عليكم ورحمة الله وبركاته
<< يحس انه مركب لحيه وهو يقول السلام كامل هع

شخباركم ياحلوين وكل عام وانتم بخير بمناسبة بداية الدراسه وكل عام وانتم بخير بمناسبة عيد الاضحى
<< يبغى يكون من اول المهنئين هع

منذ مبطي ودي اقرقر معكم .. بس المشكله مو في القرقره .. المشكله تكمن في موضوع القرقره .. لأن القرقره تعتبر من اهم انواع العلاقات التي تربطك مع الناس بشكل جيد اذا اجدت القرقره

وبعدين القرقره اذا صارت قرقره مفيده ما عليها حسايف؟؟؟ الا على طاري حسايف وش اخبار الاسهم <<<< ما على الملحوس شرهه هع هع هع

نرجع لمحور حديثنا اللي هو القرقره

بس بما اني جبت طاري المحور حبيت اعرفكم ان المحاور هي س و ص
يعني نقول ان محور الصادات عمودي على محور السينات والعكس صحيح طبعا
<<<<< المخ مفقود هع

الموهم

ادري اني زودتها على غير سنع ، بس قبل ساعه أكلت فول وتنحت و مسكت اني اقرقر عندكم في ذا
لأن القرقره معكم ما تنمل

هالحين انا طالب اجتزت المرحله التحضيريه ولله الحمد .. والكتب موجوده عندي وجديده وقصم احسها توه طازه مطلعينها من المطبعه.. وربي اني فتحت كتاب قبل اشوي وشميت ريحة الاوراق جديده
<< دليل انه ما كان يذاكر هههههههههه

هالحين ياطويلين العمر شوفوا هذي صورة للمواد اللي درستها




شايفين المواد.. كل المواد عندي الكتب حقتها هذي

اما اللي حاط عليها لون اسود هذي ماهي عندي لأني ما اشتريتها اصلاً

اللي يبغاها ياحلوين يقولي وان شاء الله اقابله واعطيه الكتب والله يوفقه ياااارب

ما ابي الا دعواتكم يالغالين بالتوفيق

دمتم بود