ياشبـآب آنصحوني والله اني تـآيه ومشتت ... ... ... !

[خآآلد]

السـلآم عليكم


كيفكم


اشكر لكل واحد دخل وقرا موضوعي ورد علي


انا صراحه حبيت استشـير طلاب وطالبات الجامعه والمجربين للتخصصات والنظام الجامعي ..




وموضوعي راح يفيد لكل طالب ثانوي تايه مثلي



انا حبيت اسألكم ..

س سوعال / انا طالب ثالث ثانوي والاختبارات على الابواب .. وقاعد افكر دخول جامعه الملك عبدالعزيز

فـ ياليت تشيـروني في اي تخصص اروح


احترت وين اروح كل التخصصات ماعرف عنها ولا شي


ابغى كل واحد مجرب يعطيني التخصص السهل والحلو واللي يجيب مستقبل مششرق



وشكررا لكم

[وليد العاطفه]

أخوي الحبيب

خلي لك طموح دآئمآ وأبدآ ، انت وين رغبتك .؟

وين حآب تكون راح تلاقي نفسك بدون محد يملي عقلك بتخصص معين قد لا تجد الرغبه في دخوله

هوآياتك ، تفكيرك الدايم ياخذك إلا اي مجآل

انآ عن نفسي قسم ، إعلام ، علآقآت عآمة ,

طبعآ أخترت القسم بناء على رغباتي ,

صعب أقلك إنه جميل جدآ لهدف إنك تكون أحد طلآب القسمَ ،لكن بالنسبة ليآ اعتبره من أفضل أقسآم كلية الأدآب من جميع النوآحي

بالتوفيق ..

[خآآلد]

انا والله ياوليد صعب احتكر رغبتي على شي معين



انا اطمح للأعلى .. !

أبغى القسم السهل والمناسب واللي يؤدي للوظائف شاغره كثير .. وانا راح اتعلق فيه واحاول قد ماقدر ادخله .. !




حبيـت الصيدله ... ولقيت اخو خويي داخل فيه ... وماخذ البكالريوس وشوفه طايح بالبيت ..






طيب قولي عن الاعلام والعلاقات العامه ... !


وش يطلعونك .. ؟

وش هي مواده وأيش المقرر ادرسه ؟

ناسبك ولا لا ؟


الرياضيات الكيمياء الفيزياء الاحياء الانقلش : على اي ماده يعتمد تخصصك ؟






اخوي وليد ... لك كل الشكر .. تمنياتي لك بالتوفيق

[وليد العاطفه]

أخوي الحبيب خآلد ..

شوف يالغالي .. خلي طموحك فوق كل شي صدقني لو دخلت درآسات إسلآمية مدآم لك رغبه قويه بالتخصص ذآ راح تقدم شي جميل بحق نفسك وراح تطلع وتتقدم لأنك مقتنع من جوآ ، ( ليس التنقيص بقسم الدرآسات للأخوه أصحآب التخصص )

رآح أخذك بجولة أول انت رآح تدرس سنه كآملة عآم او تحضرية بالأصح بعدين لو دخلت كلية الأداب تختار التخصص مثلآ ( إعلام )

بناء على تخصص الأعلام في أربع مسارات 1 ، علاقات عامة 2 ،راديو وتلفزيون 3 ، صحآفة 4 , دعاية وإعلان

إذا تحب تكون إعلامي لك حضور جميل تقدر على تقديم البرامج عندك راديو وتلفزيون ولآزم تكون لك رغبه بالشي ذا

المسار الثاني ، صحافة ، اذا تحس نفسك موهوب بالكتابة وتحب تكتب مقالات راح تلاقي طريقك فيها وخاصه في دورات مقدمه من الجامعه بخصوص الصحافه

المسار الثالث ، دعايه وإعلان ، تعتمد على الذوق وعلى الأبداع الشخصي ، والقسم ذا ماله سنه ونص فاتح

العلاقات علامة .. طبعا الحين مافي شركة خاصه او حكومية بدون قطاع العلاقات العامة ، سواء أرامكو ، الخطوط ، ... إلخ

طبعا تدرس طريقة التواصل مع الأشخاص والعلاقات العامه وغيرها ماتعتمد لا على رياضيات ولا إحصاء ولا اي شي

اهم شي خلص السنه التحضيريه المقرره وراح تدرس فيها مثل كل الطلاب إنجليزي ورياضيات ، لمن تدخل القسم مافي اي ماده من الموآد ذي تدرس

موفق خآلد ..

[wan]

و ترا قدامك اول شي سنه تحضيريه .. شوف و فكر و احسب ، اسآل فيها ،، و بعدها قرر

انا في التحضيري كان ليا طموح و قسم لمن خلص التحضيري و بدا اختيار التخصصات طموحي و رغبتي اتغيرت ١٨٠ درجه سبحان الله

بالتوفيق

[NaRa]

ما فية تخصص له وظايف و تخصص لا
هذي كلها أرزاااق
أهم شي تدخل شي يناااسب ميولك و تفكيرك و تحبه

[القلب الدافى]

ربي يوفقك بس صدقني نظرتك جدا راح تتغير لما تعيش الواقع يمكن الحين تحط ببالك شي ولما تاخد فكرة عنة في السنة التحضيرية راح تتغير نظرتك احتمال.... ومثل ماذكر كل الاقسام لها مستقبل بأذن الله .. بس لازم تحط ببالك تخصص معين وتقرر بعد السنة التحضيرية ..بالاول والاخير اذا حبيت القسم راح تبدع فية وتتميز ... الله يوفقك

[خآآلد]

وليد الله يجزاك كل خير .. !


وتعبتك معاي ياخوي .. والله يوفقك ويسهل امورك وتنجح وتشوف اللي تبغاه .. !



اخوي وان .. الله يعطيك العافيه


مارديت علي الا لانك حاس بحالتي وتحب لاخوك ماتحب لنفسك

الله يوفقك ويسهل امورك .. وجعل الطرق كلها مفتوحه بوجهك






ناارا

الله يوفقنا وياك اختي


القلب الدافئ

يعطيك الف عافيه ويجزاك الله كل خير .. !

[طارق المحمد]

اخي مثل ماذكر اخوي وليد لازم الواحد يكون طموح ويكون عنده رغبة بالتخصص

لكن نصيحة عندك مواقع حلوه تستفيد منها عندك اختبار تحديد ميولك ورغباتك او فيه موقع التوجيه الجامعي

ان انصحك فيها واخيرا استشير واستخير وبالتوفيق...

[DIFFERENT MAN]

انا اشوف انك خلال السنة التحضرية ,
بأمكانك التعرف على التخصصات و مستقبلها ,, و تحدد مسارك ,,
و الرغبة في التخصص مهمه لانها تولد الابداااااااااااااع


و بالتوفيق لك في اختبارات الثانوية ,,, و تدخل الجامعه و تدخل التخصص اللي تريد ,,,