طريقة حذف ترم

[hemo335]

مساء الخير شباب وصبايا
ارجو انكم تفيدوني ولكم مني الدعاء
الحمدلله تم قبولي في الجامعه وتم التسديد وارسلو مسج على موبايلي وخلصت من كل حاجه بس حصلت لي دوره انجليزيه من الدوام لمدة ستة شهور راح تبدا في شهر شوال مادري وش اسوي احذف ترم والا سنه كامله وكيف الطريقه مع انو هذا اول ترم وشكراً

[عبدالله الناصر]

اللي انا اعرفه انه ما فيه امكانيه للحذف لاول ترم

وكلمت حقين القبول والتسجيل بخصوص الموضوع هذا لواحد من الشباب كان يسألني لان عنده دوره سنه في الخارج
وقالوا الاعتذار غيير مسموح فيه الفصل الاول - حسب ظني ان السنه الاولى لا يمكن الاعتذار او الحذف - لكن اذا عنده عذر وش رسمي يثبت الوضع يقدمه لنا وونظر في موضوعه

طيب انت دورتك اذا كانت في الرياض او في جده يمديك تختبر هنا او هناك او الشرقيه او ابها

لانه دورتك ما راح تكون في اقصى الشمال او اقصى الجنوب

فيمديك ان شاء الله

[العلم والعالم]

النظام لا يسمح بحذف ترم للمستجد ولا يسمح بحذف مادة للمستجد


لكن يوجد تجاوزات حيث أني أعرف من حذف مادة وهو في أول فصل له وأعرف من حذف الترم الأول وهو مستجد

لكن على حسب المسئول الذي تراجعه القضية تحتاج شوي متابعه ومحاولة إقناع بالظروف


لكن أخي يمكنك إذا قررت أن الحذف فاحذف فصل واحد فقط لانه يكفي

[FAHADX]

آمل انك تقرأ موضوعي
الشركة سوت عندنا برنامج دبلوم سنه في معهد الادارة ( والكل يعرف صرامة هالمعهد ) قلبوا الموظفين طلبة وفيه منهم العودة ( الشيبان ) لكن احد الزملاء لي عرف وبدبلوماسيته انه يوفق ويزبط جدول اختباراته بين الجامعة والمعهد واتذكر انه فيه يوم رجع الصباح يختبر في المعهد بالرياض والساعة 9 ليلا وهو عندي بالشقة في جدة بس الدعوه يبي لها جلد
اذا انت دورتك في معهد خاص ( العالمية ) أو الجزيرة وسع صدرك وضبط أمورك مع المشرفين وحرام تحذف ترم من الجامعة
ثاني شيء المستجد تكون اختباراته في الرياض اذا انت من أهل الرياض وفيه مراكز اختبارات ثانية بالشرقية وأبها اذا انت حول هالمناطق

[hemo335]

شكراً لكم اخواني على التوضيح
الله يوفقنا واياكم ماقصرتوا
انا بالرياض وانشاالله بحاول اوفق بين الدوره وبين الجامعه
بس عندي سؤال هل فيه فرق بين نماذج الاختبارات في جدة والرياض
انا سمعت انو الاختبار في جده اسهل وشكراً