بخصوص الانتساب..*استفسارات*

[bishoo*]

السلام عليكم ورحمة الله وبركاته..
حبيت اسأل انا اختي انتساب..
وتبغى تعرف كيف تحضر المحاضرات..
عن طريق النت ..
وبعدين إذا ماحضرت المحاضره يحسب لها غياب ولا لا..
الكتب المطلوبه بس اللي بالجدول والا في اضافات من الأساتذها..
وتقدر تحضر الجامعه مع اي استاذه...
والدورات التأهليه متى تبدأ؟
وفي ملخصات اعطوا بنات الانتساب ولا لا بس المذاكره من الكتاب؟...
شاكره لكم..

[bishoo*]

وين ماحد رد

[ريمية حبيبي]

سلام ياعسولة
هلافيك وحياك الله وربي يوفقك ويوفق اختك
كيف تحضر المحاضرات
تدخل على الاودوس وتلاقي رابط السنترا
وتدخل على موقع السنترا وتكتب الرقم الجامعي تبعهاا ورقم الهوية كرقم سري من دون الرقم الاول
اذا نزل جدولها راح تلاقي كل المحاضرات السابقة مسجلة
طبعا يكون لها جدول تمشي عليه
يعني مثلا احنا بدينا السبت هذا الي طااف
من الساعة ثلاثة العصر لما اربعة ونص كانت عندما محاضرة مهارات التفكير
بعدها بعشردقايق او اكثر محاضرة ثانية لمادة مهارات الاتصال وانتهينا على ستة الا
بعد كذا سبعة ونص المغرب كان عندنا انقلش الين تسعه الا
وطبعا تشوف جدولها عشان تحضر المحاضرة في وقتها اون لاين مع الدكتورة وتقدر تسئل الدكتورة وتقدر تاخذ ايميل الدكتورة ترسل لها اايميل تسئلها
وطبعا لو ماحضرت تلاقي المحاضرات كلها مسجلة في السنترا
لاياقلبو مافي غياااااب
بس الفائدة الاولى والاخيرة لها
ونصيحة خليها تحضر اول باول وبعد ماتحضر ترجع كمان تسمع المحاضر ة اكثر من مرة
لانو زي مادة الاحصاء مراح تفهمينها الا بشرح الدكتورة
وهي شبيهة بالرياضيات من ناحية القوانين يعني لازم تفهمين القانون عشان تطبقين
بالنسبة لحضور الجامعة انا اشوف لو تحضر سنترا مايحتاج تروح الجامعة لانو ماشاء الله الدكتورات مررررة عسولات
*بالنسبة للملخصات باقي ماادونا شي
وطبعا اسئلة خطة بها كلها موحدة حتى لو اختلفو الدكتورات في الشرح لكل شعبة
الكتب كلها الموجودة في الجدول بس اضافو لنا كتاب انقلش جديد الكتاب الاحمر هع
الدورات بدات ياعسل بس على حسب جدول اختك
مدري نزل جدولها او لاااا
خليها تشيك على الاودوس
خليها تبداء تذاكر من الحين عشان
لايروح الوقت عليها
*كل مادة اظن تسع محاضرات
بس بجد تفهمين لانو الدكتورات يشرحون بالضبط كانك في الجامعة
والسنترا بجد رااائع
قولي لها نظام الاسئلة صح وخطاء واختيار من التعداد
الموااااد سهلة ماشاء الله وطعمه ولذيذة لاتخاف ابد
بس تحتاج شوية فهم مع قليل من الجهد
مع مراجعة مستمرة وراح تطلع احلى طبخة اقصد احلى معدل هعوحدة متاثرة بمنال العالم
ربي يووفقكم وسامحيني على التقصير

[سومااا]

الله يعيطك العافيه وجزاكي الله خيييير ........

بس ريميه كيف رقم الهويه كرقم سري وما نكتب الرقم الاول ؟

[جمآآآنه]

يعطيك العافيه ريميه شخصيا استفدت من كلامك كثير..

[ريمية حبيبي]

تسلمي لي ياعسولة ويجزاك الجنة يارب
ايوا ياقلبي نفس الرقم الجامعي الاول بعدين رقم السجل المدني
مثل ماهو مكتوب في موقع الجامعة
يمكنهم تسجيل الدخول عن طريق ادخال رقم السجل المدني دون الرقم الأول من اليسار ككلمة سر
, مثال إذا كان رقم السجل المدني 1234567890 تكون كلمة السر 234567890

[ريمية حبيبي]

جمانة تسلمي لي ياعسولة
ربي يوفقك ويسهل امرك

[بوسي كاتو]

سلام ياحلوين
انا السنترا ابدا موراضي يفتح معايا له اكثر من اسبوع احاول فيه بس يقول انو في خطا مع انو الرقم الجامعي صح ورقم الهويه بدون ال1 ياليت تساعدوني انا خطه أ اخاف يكون راح عليا شي