ضروري تفكون الله يخليكم ....

[ساندي بل]

صباح الخيرات للجميع بدخل في الموضوع على طول بدون مقدمات أنا أخوي خطة أ إن شاء الله هذا الترم يكمل سنة تحضيرية وسدد متأخر ونزل جدوله طيب جينا عند المطلوب تفكـــــون تفكـــــون الله يسعدكم ويزوجكم وتفرحون أهاليكم واللي متزوج يشوف عيال عياله والله العظيم مالي غيركم بعد الله أبغاكم تقولولي أسماء الكتب بالمؤلفين وألوانها وأيش صار بالدورة التأهيلية ؟ أيش المحذوف والمقرر؟ أيش قالولكم الاساتذة بالضبط بالحرف الواحد ؟ وطريقة الأسئلة كيف ؟ طبعا مواده عربي وثقافة وحاسب الي ورياضيات وانقليزي 102 قلولي الله يفرج همومكم والله العظيم أخوي شايل هم هذا الترم

[لولو 1020]

الله يوفقك اخوكي ويسهل عليه يارب

شوفي ياحلوه انا اللي اعرفه انه خطه أ لين دحين مابدات الدوره التاهليه

راح تبدا ان شاء الله يوم 28 في دا الشهر

بس مو متاكده يعني تاكدي من احد خطه أ

وهادي صور الكتب

http://www.skaau.com/vb/showthread.php?t=261248

والانقلش مستوى تاني

راح تكون معاه كتابين اتوقع الوان الكتب ازرق والتاني اصفر

لاتسيني من دعواتك

والله يوفقك اخوكي ويوفقك يارب

[سعيده اون ذا مايك]

أبغاكم تقولولي أسماء الكتب بالمؤلفين وألوانها وأيش صار بالدورة التأهيلية ؟ أيش المحذوف والمقرر؟ أيش قالولكم الاساتذة بالضبط بالحرف الواحد ؟ وطريقة الأسئلة كيف ؟ طبعا مواده عربي وثقافة وحاسب الي ورياضيات وانقليزي 102 قلولي الله يفرج همومكم والله العظيم أخوي شايل هم هذا الترم

بنسبه للكتب خليه يطبع جدوله ويروح لمكتبة خوارزم وهم راح يعطونه الكتب كامله
والطبعه الجديده بعد
وهذي صورة الكتب وفيه برضو كتاب داخل معهم الي هو الأنجليزي المستوى الثاني
و لونه احمر
وللأستفسار اكثر عن الكتب
هذا موقع مكتبة خوارزم
http://www.khawarizm.com/






وبنسبه للمحذوف والمقرر
تقريباً مافي شي محذوف

بنسبه لطريقة الأسئله عباره عن اختيار متعدد وصح خطأ ولايوجد اسئله مقاليه
شوف هذا الرابط يمكن يفيدك

تعليمات مهمة جداً للإختبارات .... طريقة وكيفية التظليل
http://www.skaau.com/vb/showthread.php?t=53419

دعواتك لي ياعسل ^_^
واي سؤال انا حاضره احنا هنا عشان نساعد بعض

[الســاهــر]

وهذا رابط حق مفردات السنة التحضيرية من موقع الجامعة

http://admission.kau.edu.sa/Pages-%D...%A7%D8%AA.aspx

كلنا في الخدمة

تحيتي

[ساندي بل]

الله يسعدكم دنيا وآخرة وبكل خطوة سلامة

[Extra11]

ماقصرو الشباب في الرد
اتمني التوفيق للجميع
تحيتي