بخصوص اختبار الأحيـــاء " الفـــاينال "

[Dr.almosta8bal]

السلام عليــكم ورحمة الله وبركاته
طبعا انا فتحت هذا الموضوع عشان نشوف آراء البعض في الأحيــاء
وكما قال نيوتن " لكل فعل ردة فعل "
فما رأيكم بما فعله قسم الأحيــاء بنا في الاختبار الدوري الثاني ؟ ومالمقصود من هذه الحركة ؟ وكيف ستؤثر على طريقة مذاكرتنا للاختبار الفاينال ؟
اليوم صديقتي اخبرتني ان الدكتورة طلبت منهم مذاكرة السلايدات تجنبا لمزيد من المفاجآت وان م رأيناه في الدوري الثاني سنرى مثله في النهائي واكــــــــثر !!! وصراحة احس صعبة نمسك سلايدات المنهج كلها على اخر الترم << مرة مني مصدقة وحاستها صعبة
فمالعمل يا دفعتنا الغالية ؟ كل واحد يدخل ع الصفحة يقول دكتوره/تها .. اش قال/ت عشان صراحة لازم نبدأ نستعد
و موفقيــــــن اجمــــعين

[Y.S]

ما راح اذاكر الا تست بنك !!

[Eclairé~]

^
هوا دا
واي فقرات تجي من برا ما ح اقول الا حسبنا الله ونعم الوكيل مع هادا الادان

[mo0dy]

نعم مافي غير التيست بانك وخلي ابن امه يجيب سؤال من برا التيست




















امزح امزح لاتصدقو ماراح اسوي شيء تحسبوني راح اسوي اكشن ها
بس خلاص الواحد متعود على التيست بس ابدا ماراح اذاكر شيء جديد حتى لو جاء الدكتور وقلنا في جديد وراح يجي منو الاختبار ماعد راح اصدق احد

[ابو سعد الغامدي]

يا شباب الموضوع جدي وما يبغالو مزح لازم نعرف وش مسالة التيست بنك هذا

[M!Šs JỏJỏ]

اليوم سالنا الدكتورة حتعملولنا دي الحركة في النهائي قالت لا مستحيل المفاجااات ما تجي الا مرة وحدة
ان شاء الله يكونو على قد كلامهم
انا يمكن يمكن يمكن اقرا السلايدات (بارت 3 بــس )
بس بصراحة حفظ بالمرة ما يمديني وما فيا اصلا
لو مادة تانية غير الاحياء ممكن اما احياء لااا

[ملك الصخراء]

ازا كانت في مفاجئات (٪1) حيعدلولنا الدرجة زي الدوري الثاني


صح يا أذكياء

[دومينيك]

والله في عزوز اتوقعي الغير متوقع
ممكن يجيبولنا اشياء من الثانوي ويقولوا المفروض انتوا فاكرينها

كل الي نقدر نسويه اننا نذاكر التست بانك والباقي خليه على ربك
موفقين صبايا

[بسمة تشرين]

على قولت وحده من بنات شعبتي يعني نذاكر الاحياء قبلها بسنة ؟؟؟ لو يبغونا نذاكر السلايدات
ماادري حقتنا لا طمن ولا شيء
لكن احس الاولوية للتست بانك بعدين نفكر نقراء السلايدات والاولوية للبارت 3 اكتر من غيره والله يعيننا على حركاتهم

[Dr.almosta8bal]

اااااه من جد محد صار يضمن هدي الجامعة وحركاتها
وعلى كلام الاخ ابو سعد الغامدي فالموضوع جدي ونحن نحتاج لدرجات الاحياء لانه لا يوجد فيها قطرة بونس
عشان كذا لازم نشد حيلنا من دحين
وانا عن نفسي استخرت الله تعالى وبعدها جاتني هذي الافكار فسأقرأ سلايدات بارت ٣ فقط اما السابقة فانتهى موضوعها
واذا حيصير لعب " الله لا يقدر ويبعد عنهم فكرة اللعب " فراح يكون في الجزئية الجديدة والقديم هي كلها ٢٠ ٪ يعني مافي امكانية
شدوا حيلكم من دحين اخواني واخواتي ول اتراكموا شي الجزئية كبيرة وبإذن الله يمدينا نخلصها
والله يكون في عوننا