من يجيب العلم الأكيد !!!!

[ممدوح حائل]

///////////////////////////////////////

//////////////////////////////

//////////////////////////

///////////////////////

//////////////////////

صراحة تفقعت عيوني من مقابل الشيخ المحترم ( الاوديس )
نصبح ،، وسيده على طول نشيك عليه ،،،
نمسي ،،، وأول حاجه تسويها تشييك على طويل العمر ،،،

طيب وبعدين ،،، وش نهاية هالمسلسل ،،،
قالوا النظام تحت التحديث ،، وعلينا الانتظار حوالي 9 ساعات
وانتظرنا اكثر من 48 ساعة وحنا على هالحال نصبح ونمسي على هالشيخ ،،

وبعد كذا بعد ما حن علينا بالانتهاء من التحديث ،،
المفاجأة لا جديد بخصوص النتايج ،،،

مين عنده علم مين عنده خبر ،،، وإلا اقول لو إشاعه أو توقع ،،
أهم شي معلومه لو شبه أكيده ،،
متى نزول بقية النتايج ،،
متى نزول بقية النتائج ،،،

على شان الواحد يريح راسه ولا يدخل على الشيخ إلا بالوقت المحدد ،،،

دام الجميع بود وتوفيق ،،،، .

[ضيدان]

ممدوح حائل
اولا كل عام وانت بخير وعساك من عواده

ثانيا الله يعينك على الانتظار وان شاء الله تحقق اعلى الدرجات يارب

ولو عندي طرف علم لو كان اشاعة كان سدحته لك وريحتك لكن اخوك ينتظر ينطرد من الاوديوس ومثلك كل شوي ناقز للاوديوس .. انتظر يطردني بفارغ الصبر :( عقبال ما يطردك ويطرد الجميع ان شاء الله وانتم محققين اعلى المعدلات

بس الاكيد ان الدراسة تبدأ الترم الاول يوم 12/10 ولازم قبلها يتم رصد الدرجات بكشف الدرجات وينطرد الخريجين ولا يسمح لهم يدخلون (طبعا الشيخ اوديوس اللي يطرد) وكل الامور تكون جاهزة لاستقبال الترم الجديد يوم 12/10

واتمنى يتم الرصد اليوم قبل بكره

والله يعينك على الانتظار والترقب والمطامر من المنتدى للاوديوس


وكل عام وانت وجميع اعضاء المنتدى بالف خير وصحة وسلامة

[ممدوح حائل]

اولا : كل عام وأنت ومن تحب أخوي فايز بالف خير وصحة وسلامة وسعادة وسعة رزق ،،،
ثانيا : فرصة للمباركة لك للمرة الثانية بالتخرج وإن شاء الله العاشرة ولا راح نمل أو نكل من المباركة لك بالتخرج
فقد اسعدت الجميع بتخرجك ،، وانت تستحق فرحة الجميع لك ،،،

أما بالنسبة لموضوع الشيخ فصراحة شي يرفع الضغط ،،، لكن الظاهر مالنا إلا الصبر ،،
ومرورك على الموضوع يخفف كثير من الزعل على الشيخ ،،،، .

دمت بود أخوي ضيدان ،،، .

[مستشفى]

ماشاء الله
الشيوخ موجودين
عيدكم مبارك
أحسب الحالي اتابع الشيخ اودس
أجل كلكم معي ههههههههه
يالله هي المادة اللي باقي لنا كويس انها عند طيب الذكر شمسان,, يعني احسن من غيره ولا كان علووووووووم,
ابي ارسل للدكتور شمسان رسالة
واشوف ايش السالفة
بتوفيق,, واحد مواصل معيد في الدوام وده يصرف خخخخخخخ

[ضيدان]

الله يبارك بعمرك وعقبالك ان شاء الله

انا لو كنت موظف بالجامعة كان اليوم ما داومت ..... تلقاني ما غير من بيت عم الى بيت خال وعيدكم مبارك

وباقي اليوم اقضيه مع الاهل ولا افكر اداوم بيوم العيد

صحيح حنا على نار
بس اتوقع هذا اللي صاير اليوم ... ما فيه احد مداوم .. العالم في المعايدات مع الاهل والجماعة والاصدقاء

الله يعوض صبرك بنتائج فوق المتوقع ان شاء الله

[ضيدان]

المشاركة الأصلية كتبت بواسطة مستشفى ماشاء الله الشيوخ موجودين عيدكم مبارك أحسب الحالي اتابع الشيخ اودس أجل كلكم معي ههههههههه يالله هي المادة اللي باقي لنا كويس انها عند طيب الذكر شمسان,, يعني احسن من غيره ولا كان علووووووووم, ابي ارسل للدكتور شمسان رسالة واشوف ايش السالفة بتوفيق,, واحد مواصل معيد في الدوام وده يصرف خخخخخخخ

هلا هلا بالشيخ فهد
كل عام وانت بخير وصحة وسلامة
وان شاء الله انك تحقق درجة فوق الممتازة

ليت الموظفين اللي يشتغلون على الاوديوس مثلك :( مداومين :(

[ممدوح حائل]

المشاركة الأصلية كتبت بواسطة مستشفى ماشاء الله الشيوخ موجودين عيدكم مبارك أحسب الحالي اتابع الشيخ اودس أجل كلكم معي ههههههههه يالله هي المادة اللي باقي لنا كويس انها عند طيب الذكر شمسان,, يعني احسن من غيره ولا كان علووووووووم, ابي ارسل للدكتور شمسان رسالة واشوف ايش السالفة بتوفيق,, واحد مواصل معيد في الدوام وده يصرف خخخخخخخ

ياهلا ويا مسهلا باخونا الغالي فهد ،،،
وعيدك مبارك ،،،
انا من كثر ما ني متحمس لنتيجة حبيبنا شمسان ،، كل شوي ناط في الاوديس ،،
أما لو كانت عند غيره كان ما قربت للأوديس ،،
إذا صدت خبر من الدكتور بشرنا الله يبشرك بالجنة ،،،
مع اني مع رأي الاخ ضيدان ان الناس ماهم فاضين لنا معيدين ،،
إلا إذا فيه ناس مثل خوينا (( )) مداومين وماشاء الله يبون خارج الدوام
أكيد راح يرصدون الدرجات اليوم ،،، لكن هل فيه في الجامعة ناس مثل
صديقنا العزيز (( )) ،،

دمت بود ومحبة ،،، .

[ashmrane]

كل عام وانتم بخير

بالنسبه لي ٣ مواد باقي مارصدت
مشروعات عامه
ادارة الجودة
نظم معلومات

[farashdi]

كل عام والجميع بخير وأعاده الله علينا بالصحة والعافية

انا بقى علي نتايج مادة المحاسبة ونفس الوضع مالي الا الصبر وش وداني له ؟! على قولة بن فطيس

عيدكـم مبـااارك ،، وان شاء الله تظهر النتايج وانتم ناجحين ونباركلكم بالتخرج

[ممدوح حائل]

الاخ الشمراني ،،
الأخ فايز ،،،

كل عام وانتم بخير ،،،
وعلى قولة الشاعر ( مالك إلا الصبر وش وداك له )

وممكن ممكن أحد من الاخوان يكون عنده معلومه ،،
ويريحنا من المطامر ـ مناقز ـ ( كلمتين تودي للغرض نفسه ) هههههه كل شوي للأوديس ،،
على شان نريح الشيخ ممكن عنده غفوه أو شيء وحنا كل شوي وناقزين له ،،، .