نزول التخصصات والردود المحيره !! تفضلوا وشاركونا الحديث :s

[فلسوعه]

السلام عليكم ورحمة ربنا وبركاتووو
ازايكم ؟
عاملين ايه؟
وكيف الصيف مع عزووز
مو أإحلى وأجمل وأمثل وأكمل ؟ << على قولة مصطفى الآغى

أنا اليوم الثلوث الموافق ما أدري كم !! << كويس اني عرفت اليوم ايه << لآتعليق
روحت لجامعة عزوووز
طبعن أول شي روحت لكلية الأداب "مبنى الجوهره "
ومريت على قسم اللغات الأوربيه وبالتحديد عند السكرتاريه
بس للأسف لقيت المكتب مغلق
استنيت واستنيت واستنيت واتحنطت وانا قاعده أستنى
ولآحس ولآخبر عند السكرتاريه
وأروح عند الشؤون التعليميه
دخلت على وحده أول ما شفتها حسيت أنها كارهه الدنيا وما فيها << من يلومها في جامعة عزووز خخخخ
سألتها وقلت لها أنا انتظام وأبغى أستفسر عن التخصصات متى تنزل وكيف طريقتها
هل هي عن طريق الأودس والا أجي أراجع الكليه والا كيف يعني ؟
قالت لي وركزوا على اللي قالتو لي
خليكي فاتحه الأودس 24 ساعه لأنو حتنزل التخصصات << ما شاء الله ايش شايفتني عندها أصغر عيالها تضحك علي مثلن
طليت فيها بنص عين
قلت لها طيب والطريقه ؟
قالت حتكون عبر الأودس زي التسكين ترتبي الرغبات وخلآص
رجعت قلت لها طيب متى بالزبط حتنزل ؟
رجعت قالت أفتحي الأودس 24 ساعه وخليكي عليه
وقلت لها يعني ما حتنزل في بداية الفصل الدراسي الأول
قآآآآلت لآآآآآآآآآآآآ
انتي خليكي فاتحه الأودس
وبعدها خرجت من عندها

وبعدين فحطت على كلية الاقتصاد والاداره
ومريت بالشؤون التعليميه
وسألت نفس السؤال أعلآه
وقالت لي نفس الجواب
وزياده عليه " انتوا نفس الانتساب مادام نزلت لهم التخصصات حتنزل لكم عن قريب ان شاء الله "
قلت لها شكرًا وقلبت وجهي وخرجت
هذا اللي استفدته من روحتي لهم
والحمد لله اني رحت لأنو لو ما رحت
يمكن حتجنن أو يصير فيني شي لآ سمح الله
لأنو في رد خلآني أتعجب

أنا أرسلت 3 معاملآت الكترونيه
2 منهم نفس الجواب ألآ وهو " الرجاء مراجعة شطر الطالبات على الرقم ما أدري كم "
وحده بس جوابها عجيـــــــــــــــب غريــــــــــب

أترك لكم الصوره للتعليق !!




أبى افهم بالزبط هي فينها التخصصات ؟
ماني شايفه شي
هل انتم نفس الحاله تعانوا منها ؟ والا أنا لحالي بس !!