نسأل الله السلامه...}}

[O-DODY-O]

بسم الله الرحمن الرحيم

ابدأ كلامي بقوله تعالى {{..ظهر الفساد في البر والبحر..}}

كثرت البلاوي....نسأل الله السلامه

اول حاجه لما الشخص يعمل كبيره من كبائر الذنوب

واروح اسألو يعني انتا كيف ترضى لنفسك انها تعصي ربك؟؟

يقوم يجاوبني

(ان الله غفور رحيم)

طيب كيف تبغا ربي يغفرلك وانتا تعمل اكبر الكبائر؟؟؟؟

{{..والله عالم عجيبه..}}

----------------

واقول للثاني ترى انتا تعمل حاجه حرام ....

يجاوبني خير ما باقي غير تعلميني الحلال من الحرام

ترى انا خريج دراسات اسلاميه

(والنعم والله خريج دراسات اسلاميه ويعمل اكبر الكبائر)

{{..للأسف الشديد معظم الشباب يدخلو ذا القسم مو حباً فيه بالعكس عشانو اسهل قسم..}}

--------------

واروح للثالث

انتا ليش تشرب؟؟؟

يقول عيال الحرام ما سابوني حسبي الله عليهم..

طيب يا بابا مين انتا؟؟؟

وين شخصيتك؟؟؟

انتا المفروض اللي تمشي الناس على كيفك

مو الناس هما اللي يمشوك على كيفهم...

-------

وبصراحه بعض البنات الله يهديهم الوحده تنمص

اسألها ممكن اعرف ايش الشي اللي خلاكي تنمصي؟؟؟

تقولي مو بس انا منمصه حتى انتي...

طيب يعني لو دحين شفتيني رميت نفسي في النار بتلحقيني؟؟؟

تقوم تقول وايش دخل النار دحين؟؟؟

يا ماما زي ما انتي قلدتيني ونمصتي اكيد لو شفتيني رميت نفسي في النار راح تلحقيني {{..لأنك بالمختصر المفيد مجرد امعه..}}

(للمعلومه: انا مو منمصه بس الناس يشوفوني كذا..)

-------

الله يستر على شباب المسلمين

وبصراحه هاذي الاشكال انا واجهتها وجهاً لوجه وعرفتها من ساسها لراسها

وهاذا بعض من الكلام

بس الحمدلله البعض منهم كلامي جاب فايده معاهم

اتفقت معاهم اتفاق حلو

{{..انهم بدل ما يرمو فلوسهم عالحرام يتصدقو بنفس المبلغ اللي كانوا يرموه عالحرام كل شهر..}}

والحمدلله البعض نفذ كلامي والبعض الاَخر ما عجبهم كلامي

وحتى فكرت بفكره جهنميه بس هما كانوا حذرين مني <وهاذا الشي اللي ما سمحلي اني اكمل مخططاتي اللي كنت ناويه عليها

{{..انتا لو واجهت شخص من ذي الفئه كيف راح يكون موقفك؟؟؟ هل راح تواجهم ولا راح تتجنبهم؟؟؟..}}

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .