بخصوص اللي ماسجل في حافز .... ايش تستنى ؟

[عبدالاله الفقيه]

أتمنى الكل يقرا الموضوع لانه مهم جدا لي ولكم ولكل طلاب وطالبات الانتساب
طبعا معروف ان رسوم الانتساب قيمتها 3000 ريال للترم الواحد
ومعروف برضو ان مدة دراسة الانتساب 4 سنوات لكل التخصصات يعني 8 أترام إجمالا
بعملية بسيطة نقدر نحسب قيمة المبالغ اللي ندفعها للجامعة لحد مانتخرج وبتطلع معانا
3000 × 8 أترام = 24000 ريال

أوكي يمكن المبلغ كبير بس عندي لكم حل مرررة حلو عشان محد يشيل هم الرسوم
والله ياشباب فرصة ماتتكرر الا في العمر مرررة وياليت الكل يستغلها
الفكرة إن الكل يسجل في برنامج حافز لاعانة العاطلين عن العمل
فكرة حافز انهم يدوروا لنا وظايف وفي نفس الوقت يعطونا 2000 ريال شهريا لمدة سنة
بتكون فرصة حلوة للي حاب يخفف الحمل على اهله
والراتب اللي يجينا من حافز نقدر نستغله في تسديد رسوم الانتساب
أوكي يمكن تقولون ان الفكرة غبية بس ركزوا معاي
2000 ريال لمدة سنة كم راح تطلع ؟
2000 × 12 شهر = 24000 ريال
يعني قيمة رسوم الانتساب كاملة تقدر تطلعها في سنة وحده إذا سجلت في حافز

ماأبغى أحد يفكر أو يجيب أعذار
يلا الكل يسجل من هذا الرابط
www.hafiz.gov.sa