عمل همجي !!

[عزجهينة1]

السلام عليكم .... والله استغرب من العمل الهمجي صراحة الموجود بالجامعة ؟؟
يعني مافي طريقة غير قانون الغاب في الحذف والاضافة الله يكون بعون اللي له سنتين او 3 انا سنة اولى والله شئ يرفع الضغط جامعة ميزانيتها ملايين وعندهم مثل هالموقع الخايس
يعني خلصت طرق الاضافة والحذف ؟ مايقدرون يشوفون طريقة افضل من المضاربات على الموقع
ولا فيه احترام للطلاب انا من يوم الاثنين بالليل جالس احووس وقفت كل اشغالي عشانه و الf5 خرب من الضغط هه والله حالة وهذا كله وباقي لي 3 مواد مااضفتها ؟!!
والله عيب يعني ميزانيتهم بتخلص لو زادو الشعب او غيروا الاوقات ايش ذنبي اداوم السبت والاحد من 8 الى 11 وبعدين من2 الى 5 يعني هال3 ساعات وش اسوي بيهن اروح البيت ولا يبونا ننطق في الجامعة مع ذا الحر بس الشكوى لله والله يكون بالعون

[عزجهينة1]

طبعا اعرف انه لاحياة لمن تنادي بس تفريغ غضب واكيد انتم موافقيني بالراي

[ضوءالشمع]

لاتظلمهم اخي المتذمر ..
لا مشكلة تمتلي الشعب ..
لا مشكلة الصفحة غير متوفرة ..
لا مشكلة 10 دقايق حتى تفتح ايقونة الحذف والاضافة
لا مشكلة ان تاتي بشهادين انك تنتمي للجامعة حتى تضيف مادة واحدة !!
لا مشكلة اخوي فالميزانية ذهبت على تطوير الالوان والاشكال حتى نردد بصوت واحد "نحو جامعة الكترونية "!!
التطوير لايشمل السيرفرات ..!!
سيب هذا كله وقولي شايف التعقيد حتى تضيف ماده !!

[عبدالرحمن المالكي]

والله شيء يرفع الضغط والله احس ان اودس القديم ارحم والله رفعوا ضغوطنا مع اني طالب اخر سنة و مسجل قبل لكن الموقع مو راضي يفتح اصلا والله حرام الميزانيات التي تندفع فيهم ناس ما يفهمون حرام والله حرام اودس بلس قلك تطوروا ويسعون للتطوير بس وش نقول حسبنا على الظالم

[7m00di]

يارب صبرنا

[Eng:S.T.M]

وعليكم السلام، ما نقول غير حسبنا الله ونعم الوكيـــــل،،،

[zelme]

لو كان عندهم هم لنا، وكانو شايلين همنا، ولو كانو املو فينا خير، وقالو لنفسهم نحن الان نخدم جيل الامة القادم اللي يسعى الى رفع كلمة الحق والسمو والعلو والصدارة والرقي بمجتمعنا الى العلا عن باقي الشعوب المتسلطة الثائرة...

ما كان حصل لنا كل هذه التعقيدات في مجال دراستنا >في اوديوس ولا غيرو<

وما اقول الا: من لا يحمل هم الامة فليس منهم

[خطة أ]

المشاركة الأصلية كتبت بواسطة عزجهينة1 السلام عليكم .... والله استغرب من العمل الهمجي صراحة الموجود بالجامعة ؟؟ يعني مافي طريقة غير قانون الغاب في الحذف والاضافة الله يكون بعون اللي له سنتين او 3 انا سنة اولى والله شئ يرفع الضغط جامعة ميزانيتها ملايين وعندهم مثل هالموقع الخايس يعني خلصت طرق الاضافة والحذف ؟ مايقدرون يشوفون طريقة افضل من المضاربات على الموقع ولا فيه احترام للطلاب انا من يوم الاثنين بالليل جالس احووس وقفت كل اشغالي عشانه و الf5 خرب من الضغط هه والله حالة وهذا كله وباقي لي 3 مواد مااضفتها ؟!! والله عيب يعني ميزانيتهم بتخلص لو زادو الشعب او غيروا الاوقات ايش ذنبي اداوم السبت والاحد من 8 الى 11 وبعدين من2 الى 5 يعني هال3 ساعات وش اسوي بيهن اروح البيت ولا يبونا ننطق في الجامعة مع ذا الحر بس الشكوى لله والله يكون بالعون

السنة الجاية راح تتعود على الشيخ اودس

مالك غير تسنتر عند الشؤون التعليمية يوم السبت والله يعينك

[هيدروجين]

الله يعيننا

الاودس القديم جنب ذا

عززززززززززززز

[Mr.ELI]

المشاركة الأصلية كتبت بواسطة عزجهينة1 السلام عليكم ....

وعليكم السلآم ..

المشاركة الأصلية كتبت بواسطة عزجهينة1 والله استغرب من العمل الهمجي صراحة الموجود بالجامعة ؟؟ يعني مافي طريقة غير قانون الغاب في الحذف والاضافة الله يكون بعون اللي له سنتين او 3 انا سنة اولى والله شئ يرفع الضغط جامعة ميزانيتها ملايين وعندهم مثل هالموقع الخايس يعني خلصت طرق الاضافة والحذف ؟

لا تستغرب من شيء بجآمعةة عزوز ... صدقني بآقي م شفت شيء ..
وبيني وبينك هذه افضل طريقة من خلال الموقع الالكتروني .. ولا انك تروح تصف سرا عند الشؤون التعليمية وانت وآقف وتستنى سآعتين وبالاخير ممكن تضآف وممكن لا ..

المشاركة الأصلية كتبت بواسطة عزجهينة1 مايقدرون يشوفون طريقة افضل من المضاربات على الموقع ولا فيه احترام للطلاب انا من يوم الاثنين بالليل جالس احووس وقفت كل اشغالي عشانه و الf5 خرب من الضغط هه والله حالة وهذا كله وباقي لي 3 مواد مااضفتها ؟!!

أفضل طريقة للحذف والاضآفة برأيي انك تكتب الارقام المرجعية للشعب اللي تبيها بورقة او باللاب توب قبل م يبدأ الحذف والاضآفة .. واول م يفتح تضغط على الحذف والاضافة واكتب الارقام بالخانات بالاسفل وتضغط بعدها تنفيذ التغيرات .. عشان تضآف لك على طول م يحتاج كل مادة ترجع وتبحث بالشعب وتختار وتحتار .. بس المهم لمن تكتب الارقام المرجعية تراعي اوقات الشعب م تتعآرض مع الموآد الأخرى ..

المشاركة الأصلية كتبت بواسطة عزجهينة1 والله عيب يعني ميزانيتهم بتخلص لو زادو الشعب او غيروا الاوقات ايش ذنبي اداوم السبت والاحد من 8 الى 11 وبعدين من2 الى 5 يعني هال3 ساعات وش اسوي بيهن اروح البيت ولا يبونا ننطق في الجامعة مع ذا الحر بس الشكوى لله والله يكون بالعون

عادة اذا كان عندي بريك قوي زي ذا اجلس اقشر بصل لين تخلص الثلاث سآعات ..
دعآبة .. دعآبة !!
البريك ذا طول الله عمرك تروح من يوم السبت تحآول تضيف مادة بالوقت ذا .. لاني انا بصراحة لو صآر عندي بريك زي ذا يجيني الشيطآن يُعرض ويدور برآسي حوار معاه .. الشيطآن يقول لي اسحب وارجع البيت وش يقعدك ثلاث ساعات هنا بالشمس وم عندك شي تسويه والعيال بالمحاضرات .. ويجلس يلعب برأسي لين بالاخير ارضخ للأمر الوآقع وارجع البيت اصك امها نومة واسحب على بآقي المحاضرات

واهلا فيك بكلية الهندسة وان شآء الله نشوفكم من المتفوقين فيهآ