شكلي برسب بإداره الموارد البشريه :(

[Vanilla soul]

السلام عليكم
استاذتي تغريد السليماني لمن ابتدت تشرح بالمحاضره
لاحظت انه الكلام اللي قالته ببدايه المحاضره غير موجود بالكتاب خصوصا تتكلم عن تعريف الموارد البشريه والتعامل معها
وانا اصلا لمن رحت المكتبه بالجامعه واشتريته الحرمه شافت الجدول واعطتني الكتاب قالت هو هادا اسمه الموارد البشريه مدخل تحقيق الميزه التنافسيه للدكتور مصطفى محمود ابو بكر
ايش الحل الله يجزاكم خير الاختباربكره ومتورطه اكمل من الكتاب ولافي مخلصات تساعدني على نفس المنهج اللي ماشيه منه الاستاذه
حسبي الله ونعم الوكيل ضايق صدري مره ومني قادره استوعب شيئ

[Vanilla soul]

ارفعوه فوق يمكن في احد يقدر يساعدني قبل افكر اعتذر عن الاختبار :(

[جوري المدني]

طيب هوا دا الكتاب اخذت دي الماده

[Vanilla soul]

استاذتي ياعزيزتي بتشرح من كتاب تاني
عن التطورالتاريخي للتعامل مع الموارد البشريه وكلام تاني غير متواجد بكتابي
والحرمه بالمكتبه في الجامعه قالت نفس الكتاب اللي قلته فوق حق الدكتور مصطفى ابوبكر ماني عارفه ايش اسوي :(

[بقايا أنسان]

رمز الماده تبع علوم اداريه يختلف عن التخصصات الثانيه بالانتساب

علوم اداريه رمز موادهم ads اما التخصصات الثانيه pad

لاتفكري تاجلي الاختبار اذا مثلا تعريف مو موجود اكتبه ولو شفتي ان الكتاب كله غلط حاولي تدوري ملخص للماده

عن طريق شريط البحث الا موجود بالمنتدي

بالتوفيق لك وربي يسهل لك

[Vanilla soul]

المشاركة الأصلية كتبت بواسطة بقايا أنسان رمز الماده تبع علوم اداريه يختلف عن التخصصات الثانيه بالانتساب علوم اداريه رمز موادهم ads اما التخصصات الثانيه pad لاتفكري تاجلي الاختبار اذا مثلا تعريف مو موجود اكتبه ولو شفتي ان الكتاب كله غلط حاولي تدوري ملخص للماده عن طريق شريط البحث الا موجود بالمنتدي بالتوفيق لك وربي يسهل لك

انا رمز مادتي ads 303 والامور تمام لكن استاذتي جايبه كلام غير متواجد بالكتاب وحاسه مو نفسه الكتاب اللي اشتريته من المكتبه
وشكرا الله يفرج عنك زي مافرجتي عني همي وجعله ربي بميزان حسناتك

[ahDooN]

بس اعتقد مافي غير استاذه ريما مشاط ده الترم تدرس ادارة موارد بشريه

الماده رمزها pad 312

اتأكدي

وشوفي ده الملخص مره تمام انا جالسه اذاكر منو
http://www.skaau.com/vb/showthread.php?t=644351

[Vanilla soul]

المشاركة الأصلية كتبت بواسطة ahdoon بس اعتقد مافي غير استاذه ريما مشاط ده الترم تدرس ادارة موارد بشريه الماده رمزها pad 312 اتأكدي وشوفي ده الملخص مره تمام انا جالسه اذاكر منو http://www.skaau.com/vb/showthread.php?t=644351

تسلمي لكن اللي انتي بتذاكري منه هو نفسه اللي اشتريته من المكتبه
والكتاب ماادري عنه اعطيت جدولي للحرمه في المكتبه وقالت هادا هو الكتاب
ومره حايسه بين اللي بتشرح منه الاستاذه وبين الكتاب اللي اشتريته
ابدا مافي تنسيق بين الجامعه وبين الطلاب في الانتساب بكل الامور
وهادا غلط
والاستاذات لمن اروح ادور عنهم الاقيهم مو في مكاتبهم ادور فين وراهم بجامعه قد ايش كبرها :(

[Vanilla soul]

http://www.skaau.com/vb/showpost.php...6&postcount=25
الملزمه الموجوده باول رابط في الرابط اللي وضعته نفس كلام استاذتي نفس الشروح والدروس
معقوله وانا اصلا مادتي ads 303 فمره ضايعه تايهه ماني عارفه اذاكر ايش
اذاكر الكتاب اللي اشتريته على حسب رمز ورقم الماده بالجدول
او اذاكر حق الاستاذه اللي مختلف تماما
ومتحيره من فين بتجيب اسئلتها من نفس المقرر اللي بتشرح منه
او المفروض بجدولي حق الدكتور مصطفى ابو بكر
ساعدوني الله يفرجها عليكم دنيا واخره

[واحد مالو حل]

للرفع ياجمااعه