اليوم رحت الجامعة تعالوا شوفوا العجايب

[om_assil]

اليوم رحت عالجامعة صراحة كنت حابة اغير من خطة ب لخطة أ ودخلت على دكتورة ؟؟؟؟؟ بعد مااستنيت ساعة وشرحتلها ظروفي وترجيتها ولكن للاسف والله مارضيت ,وصراحة هيا ذوق في كلامها يعني ماهي جارحة بس اعطتني محاضرة في الاجتهاد وصراحة حسيت انه احيانا مافي اي تقدير لظروف الناس ومافي تفرقة بين فلان وعلان الا بفيتامين واو
و قلتلها طيب اذا ما تقدري تحويليني اقل شي قوليلي اشتري الكتب من دحين ولا استنى قالتلي اشتريها قلتلها كيف في ناس بتقول الكتب اتغيرت قالتلي مين هم الناس قلتلها في المنتدى قالتلي الكتب ما اتغيرت والمفردات موجودة عندك في موقع الجامعة قلتلها لا والله المفردات قديمة للسنة اللي راحت وما تحدثت قالتلي مو معقول اكيد اتحدثت وجادلتني وفتحت موقع الجامعة وطبعا اتفاجأت لمن حصلت المفردات قديمة قالتلي عموما هو نفس المنهج القديم ماتغير منه اي شي والمنهج زي السنة اللي راحت قلتلها كيف اذا في مكتبة خوارزم ويقولوا الكتب اتغيرت والانجليزي كمان اتغير الكتاب بكبره قالتلي ايوا الانجليزي بس هو اللي اتغير قلتلها لا كمان بيقولوا الكتب الباقية اتغيرت قالتلي لا الانجليزي بس هو اللي اتغير قلت في بالي دوبه كان المنج نفس السنة اللي راحت دحين صار الانجليزي والله الواحد احتار لا رضيوا يحولوني ولا اخر شي طلعت بنتيجة اشتري الكتب عشان الحق نفسي من دحين ولا لا بس صراحة انا هتوكل على الله وهاخذها بلا كلام فاضي الواحد يبغى يهج وربي

[Zaher Alaa]

انا اليوم كنت بالجامعه وصار معايه نفس الموضوع الكتب بس رحت للمكتبه وقارنت كل الكتب حق السنه الي راحت والسنه هادي مافي شي اتغير الا الانجليزي والرياضيات بس ترتيب الابواب يعني الفهرس والباقي كلو زي ما هوه بس سئلت مته موعد الدورات لطلاب الانتساب قالولي انو بعد الحج والمشكله مني عارف مته في ناس بتقول انو بعد 8ايام ماني عارف والله

[بزوووووم]

نو كوووووووووووووومنت
!!

[شييري]

ههههههههههههههههههههههههه
اهم شي تطلع نفسها انها فاهمه وهيا ماتدري انه تغير الا من البنت
وربي حاله يرثى لها

[Chanel]

اختي كلنا حندرس خطة أ و ب
بس الفرق انهم قسمو ناس الترم الأول أ و ناس ب عشان الضغط
والترم الثاني راح يكون العكس ونتبادل الخطط
يعني الخطتين حدرسيها حدرسيها طال الزمن او قصر *_^

[om_assil]

اختي الكريمة والله عارفة ان الخطة ورايا ورايا وما عندي مشكلة في الدراسة نهائيا بس المشكلة ان زوجي معايا سنة تحضيري وهو خطة أ وزوجي عمله هلاك وماهيقدر يسوي اي شي لنفسه والاعتماد الكلي هيكون عليا واتخيلي بذاكر خطتين في ترم واحد وانا والله شرحتلها ظروفي واتحايلت عليها وما رضيت ووالله مانا زعلانه كل شي نصيب ولكل انسان وجهة نظر وهيا عموما كانت نايس حرام نهضمها حقها وبرضوا لها وجهة نظرها

[بنت المعلم]

المشاركة الأصلية كتبت بواسطة zaher alaa انا اليوم كنت بالجامعه وصار معايه نفس الموضوع الكتب بس رحت للمكتبه وقارنت كل الكتب حق السنه الي راحت والسنه هادي مافي شي اتغير الا الانجليزي والرياضيات بس ترتيب الابواب يعني الفهرس والباقي كلو زي ما هوه بس سئلت مته موعد الدورات لطلاب الانتساب قالولي انو بعد الحج والمشكله مني عارف مته في ناس بتقول انو بعد 8ايام ماني عارف والله

خطة ب يبداوا السبت وخطة ا بعد الحج على حسب التقويم

[εqαά αŀώάrđ]

الله يكون في عون الجميع يارب ويوفقنا جميعاً ..

وان شاء الله المفردات قريب تنزل ونرتاح ونشتري الكتب ..

والدورة خطة ب تبدأ يوم السبت الجاي 8-11-1431

وخطة أ تبدأ بعد الحج اظن تاريخ 28-12 .. تأكدو من التقويم اللي مثبت في هالقسم ..

موفقين غالياتي .. وكلنا يد وحدة ..

[om_assil]

بالتوفيق للجميع يارب

[انجلينا]

الله يعين
دعوووووووووووواااااااتكم