سنترال العمادة

[NeverAgain]

السلام عليكم,


اليوم من الساعة 8 ونص الييييييين الساعة 11 و انا بتصل ع العمادة و مافي أحد معبرني! اش السنترال الفظيع دا؟!!! انواااااع الردود جاتني!! مره يفضل يرن يرن و التسجيل مايبدأ ومره يخرملي ودني بصوت الفاكس فجأه بس أحلى شي لمن يقوللي الرقم غير موجود بالخدمة مؤقتا!!!


يرد عليه الساعه 9 واحد من وحدة القبول اسألو عن موعد اختبار القبول لماستر الصيدلة يقوللي كلمي الكلية بقوللو ياأخي مابيردو عليه يقوللي حاولي تاني ولو ماردو ارجعي اتصلي فيه و انا اديكي الموعد!!!!! ليييييش الغلبة طيب؟!!! اديني الموعد و ريحني! اتصل ع الكلية و بكل استغراب يقوللي الموعد ماتخديه من عندنا من العمادة اتصلي ع العمادة همه يفيدوكي, ارجع اتصل تاني ع الموظف اللي في وحدة الفبول ولااااااا احد بيرد عليه!

عديت على كل التحويلات اللي موجودة ولا حياة لمن تنادي!!! طبعا هادا كللو غير قسم الطالبات اللي شكلو ماعندهم جهاز تلفون اصلا!!

واللهي العظيم حرام, اش حيضرهم لو يردو ع التلفون؟!!! مارح ياخد اكتر من دقيقة سؤالي! يعني عشان انا مني قادرة اروح الجامعه كده يسير فيه؟ عندي احساس انو الاختبار خلاص فاتني و انا بستنى احد يجيب خبر فالمنتدى ولا احد من العمادة يرد على واحد من تصالاتي اليومية.

حسبي الله ونعم الوكيل بس!

[طموحهـ ولكنـ]

وي اش ذا ؟؟؟

والله حرام تسمينة سنترال , وربي ماصار سنترال .

الله يكون في عونكـ .

[sultanah]

حبيبتي لا تحرقي اعصابك موعد اختبار القبول يرسلولك ياه مسج على جوالك اما من ناحية المراجع اللي ترجعيلها عشان تستعدي للاختبار اسئلي قسم الصيدلة مين اللي يكتب الاسئلة وكلميه عشان تعرفي من فين تذاكري

[عماد الحسن]

الله يعينكم أختي على تلفونات الجامعة ... هي أحياناً ترد بسرعة وأحيان يتأخروا في الرد

عموماً كل شيئ ممكن تعرفيه من هذا المنتدى أو كما ذكرت الأخت باتصال الجامعة عليكم لتحديد موعد ومكان الاختبار برسالة جوال، ولا داعي للخوف من ضياع الاختبار والله الموفق.

[NeverAgain]

شكرا اختي و شكرا استاذ عماد. الله يعين