الي يبغا يحذف ويضيف لا يروح الجامعة نصيحة

[مستفيض العبرات]

السلام عليكم ورحمة الله ...

اليوم رحت من ستة ونص الصبح الجامعة قبل الزحمة
على اساس اني اضيف مادة وحدة بس
ولما رحت وبعد التعب والمضاربات وقلة التنظيم والاحترام من المسؤولين والزحمة

وبعد ما مسكت طابور لمدة ساعة ولما وصلت للموظف
بكل بساطة وعفوية يقول لي الشعب مقفلة

يا روح امك ان شاء الله
انا اتعب واتعب واتعب بالنهاية تقول لي الشعب مقفلة
ولما دخلت النت شيكت لقيتها فاضية !
وقدرت أضيفها

يعني نصيحة الي يبغا يحذف او يضيف يشيك على الاوديس قاعدين يوسعون الشعب وراح تلاقي في الاوديس



بس حبيت افضفض شوية من زود القهر

[تركي سليم]

ممممممعاك 100%

[البرنس11]

يالله اهم شي ضفتها

جزااك الله الف خير ويعطيك العافيه

[umooore]

يا رجل خاف الله انتا تقول انك جاي من 6 ونص الصباح يعني بتقنعني انك صليت الفجر في مسجد بن لادن وجيت جري على الجامعة عشان تضيف المادة انا جاي من مكة ومتحرك من مكة الساعة 7 وربع وصلت الجامعة الساعة 8 تماما حتى مشيت من المواقف و دخلت الشوؤن التعليمية واخذت ورقة الاضافة والحذف وكتبت المواد اللي ابغا اضيفها صارت 8 ونص ودخلت الطابور و المفروض انه يكون زحمة جدا جدا جدا بالمقارنة فيك انت اللي جاي من 6 ونص_ ومسكت الطابور 10 دقايق و وصلت للموظف وقالي نفس الكلام اللي قالك عليه(الشعب مقفولة) رحت واتحركت لاحد المكاتب الموجودة على اليسار من يوم ما تخرج من زحمة الطوابير ورحت واضاف لي المواد جزاه الله خير . وخرجت من مبنى الشوؤن التعليمية واطالع الساعة والقاها الساعة 9 تماما يعني الشغلة كلها على بعضها ساعة كاملة . لكن في بعض الطلاب يكبرون المسالة عشان يستفردوا لحالهم بالشؤون التعليمية صح كلامك في تأخير و بطئ لكن مو لهذي الدرجة انك تسنتر عند الشؤون التعليمية من 6 ونص وطابور وزحمة و خنقه
هدانا الله واياك............

[مستفيض العبرات]

المشاركة الأصلية كتبت بواسطة umooore يا رجل خاف الله انتا تقول انك جاي من 6 ونص الصباح يعني بتقنعني انك صليت الفجر في مسجد بن لادن وجيت جري على الجامعة عشان تضيف المادة انا جاي من مكة ومتحرك من مكة الساعة 7 وربع وصلت الجامعة الساعة 8 تماما حتى مشيت من المواقف و دخلت الشوؤن التعليمية واخذت ورقة الاضافة والحذف وكتبت المواد اللي ابغا اضيفها صارت 8 ونص ودخلت الطابور و المفروض انه يكون زحمة جدا جدا جدا بالمقارنة فيك انت اللي جاي من 6 ونص_ ومسكت الطابور 10 دقايق و وصلت للموظف وقالي نفس الكلام اللي قالك عليه(الشعب مقفولة) رحت واتحركت لاحد المكاتب الموجودة على اليسار من يوم ما تخرج من زحمة الطوابير ورحت واضاف لي المواد جزاه الله خير . وخرجت من مبنى الشوؤن التعليمية واطالع الساعة والقاها الساعة 9 تماما يعني الشغلة كلها على بعضها ساعة كاملة . لكن في بعض الطلاب يكبرون المسالة عشان يستفردوا لحالهم بالشؤون التعليمية صح كلامك في تأخير و بطئ لكن مو لهذي الدرجة انك تسنتر عند الشؤون التعليمية من 6 ونص وطابور وزحمة و خنقه

المشاركة الأصلية كتبت بواسطة umooore هدانا الله واياك............

يا حبيبي احنا طلاب لنا حقوق وعلينا واجبات محنا عبيد للجامعة عشان تقول ذا الكلام
الحذف والاضافة حاطينها من يوم الاثنين الي راح في الاوديس
الشعب فاضية ومافيه تعارض وما يمديني اضيفها
يعني هذا خلل من عندهم
وصليت الفجر ورحت عندهم ومسكت طابور ومافيه اي تنظيم
كاونتر واحد بس الي ياخذ الطلبات و شوف كم طالب واقف كأننا نتشحتهم ..
والموظف الثاني يروح يسلم على هذاك ودق سواليف واحنا على اعصابنا .
وبعد ما اوصل له يقلي الشعب فل ، خرجت رحت دخلت الموقع لقيت الشعبة فاضية
يعني يا انه يصرفني ويكذب . يا يصرف ويكذب

واذا تقول عـ المكتب الي عاليسار ..
رحت عنده وسألته قال لي ما اقدر اسوي اي شئ لازم تروح عند رئيس قسم القانون وهو يوسع الشعب من عنده ومن ذا الكلام .. رحت قسم القانون .. مافيه أي دكتور ولا اي احد .. مافيه الا عمال النظافة ينظفون ..

رجاء اخوي لا نقعد نضحك على بعض ..
جامعة تدخل الملايين ومن افضل جامعات المملكة
مهي قادرة تضبط الاوديس حقها .
ولما نروح نمسك طابور ونتعب وبالنهاية بكل بساطة يقول لي الشعبة مقفلة . مع العلم انها مهي مقفلة ولا شئ .



اذا انت راضي عن هذا الشئ خلاص بكيفك لكن تقول خاف الله ومحسسني اني قذفت الجامعة فـ الاغلبية عارفة سوء التنظيم هناك .

[طالب حزين]

صح انا شفت الرجل من الساعة سته ونص وفتح الجامعة هههههه

[شــ ع ــولهـ]

سؤااال اللحين اقدر اضيف واحذف ولا قفل ..؟!

ولازم من الجامعه !!

[البرنس11]

سؤااال اللحين اقدر اضيف واحذف ولا قفل ..؟! ولازم من الجامعه

انوقع انه قفل ياختي لانو هذا الموعد مأجل المفروض كان

يقفل قبل كدا بس ادونا مجال عموما روحي لهم بكرا احسن

لان الحذف والاضافه عطلوها وشكلهم بيشيلو الايقونه اليوم

[{halah..]

حالتكم صعبا واللهي الحمدلله جداولنا تنزل من عندهم

بس ترا ترتيب الجدول شغلا انا شوفت اختي كيف تحوس وكيف يطفشوها اللي في الجامعا

يلا مشي حالك كولها كم وتتخرج وترتاح

اهم حاجا انك سويت الجدول وسار زي ماتبغا ...!

الله يوفقك يامستر

بايوو..

[خطة أ]

يا شيخ الله يعيننا على الاودس والجامعة

معاناة كل ترم وما ادري متى تنتهي