استفسار بخصوص ادارة السكن والمؤسسات

[برنامج]

السلام عليكم
انا حابة اسال عن تخصص ادارة السكن والمؤسسات
المعدل المطلوب لتخصص ؟
وهل في مواد بالغة الانجليزية ؟ يعني في انقليزي كثير؟؟
وهل في عملي يعني مو كلو نظري؟ لا نو بصراحة انا حابة تخصص يكون فيه عملي
وشكرا

[Twix~}..]

السلام عليكم

وعليكم السسلام .. :)

انا حابة اسال عن تخصص ادارة السكن والمؤسسات

اسألي وخودي راحتكـ ..

المعدل المطلوب لتخصص ؟

3 وفوق ..

وهل في مواد بالغة الانجليزية ؟ يعني في انقليزي كثير؟؟

نو انجلش .. الا المصطلحات تبع المواد النظري .. كلو بالعربي ..

وهل في عملي يعني مو كلو نظري؟ لا نو بصراحة انا حابة تخصص يكون فيه عملي

يس يس في عملي .. وحتنبسطي فيه .. تقريبا عندنا 8 مواد عملي كل سميستر تأخذي وحده لانو الماده العملي تكون يوم بالاسبووع ودوامها شويتين طويل يعني لما اربعه العصر واحيانا تخرجي قبل بس ما تحسي بالوقت مرآآآ ..

وشكرا

عفون :)

[N O R E T A]

تويكس يا ليت تتكلمي عن القسم اكثر
هل فقط يأهلك تكوني ربه بيت و تشتغلي بجمعيات ذوي الاحتياجات الخاصه والمسنين
ولا في اشياء ثانيه ؟

[Twix~}..]

تويكس يا ليت تتكلمي عن القسم اكثر
هل فقط يأهلك تكوني ربه بيت و تشتغلي بجمعيات ذوي الاحتياجات الخاصه والمسنين
ولا في اشياء ثانيه ؟

في أشيااااااااااااااااء كثيرة غير هآآآذي .. مشكلة القسم انو مو معرووف بسوووق العمل ودا الشي قولتو مئه مرآآآ .. لانو كتير بيسألو عن الوظيفه بعد التخرج .. آنتي لما تدرسي التخصص راح تحسي انك ممكن تشتغلي بآآماكن كتيرة ..

ندرس تقريبا كل انواع الادارة .. ادارة المشروعات .. إدارة الحفلات .. الإسكان .. إدارة الموارد .....آلخ كثير من المؤسسات بتعمل حفلات فممكن انتي تكوني الادارية او المسؤله عن دا القسم .. كتير من الشركات بتعمل سكن خاص لموظفيها فممكن آنتي تكوني الإدارية تبع السكن .. وعلى دا الحال .. إن شاء الله بس قدرت اوصلك فكرة القسم ..

وعشان حابه تعرفي عن القسم اكتر شووفي دي الروابط لاني انا اتكلمت فيها كتير واي شي ما فهمتي او حابه تسالي عني قولي وان شاء الله اقدر افيدك ياعسسله ..

http://www.skaau.com/vb/showthread.php?t=211115

http://www.skaau.com/vb/showthread.php?t=210124

[N O R E T A]

مشكورة يعطيكي الف عافيه
صراحه اول كنت اشوف القسم مرا عادي .. بس حبيتو منك :)

[ملاك بطبعها]

وووووووهــ فديت قسمي هوه مررررررره حلوو شوفي أنا ليا ثالث ترم في القسم صح أنا تضجرت شويه بداية الأيام بس شوفي أقوللك دحين حـــابة كل مادة أنا أخدها دحين
من جد مفيد ويأهلك تكوني مبدعة وفنانة بالذات و
مواده متنوعة زي تنسيق زهور مررره حلوه الماده وكمان تطبيقات فنية في الغداء تزيين التورتات أضمني أنك تتخرجي وفي راسك شي وتكوني مبدعة مو زي تخصصات النظري
وأعتقد قمرنا تويكس وووفت وشرحت كل شي عن التخصص يفديتها والله

[Twix~}..]

مشكورة يعطيكي الف عافيه

العفوووو ياقلبي .. والله يعافيكي يارب ..

صراحه اول كنت اشوف القسم مرا عادي .. بس حبيتو منك :)

وحتحبي اكتر واكتر ان شاء الله لما تتخصصي فيه ..

[Twix~}..]

يالبى قلبك ملوووكه ... وصح كلامك قسك يخليكي تتخرجي وفي راااسك شي تستفيدي منو مو بس نظري وحفظ وانتهينا لا اااشياااء حلوووهـ وعملية وممتعه كمان ..