هل تبخر حلمي !!!!!!!!!!

[سحر الانوثه]

السلام عليكم ورحمه الله وبركاته
ع السريع ومن غير مقدمات
انا تخصصت علوم ف الفيصليه وانا كان امنيتي انني ادرس ف العلوم الطبيه او اي شي يتعلق بالكليات الصحيه

انا سمعت انو في تخصص كيمياء حيوي له علاقه بالمختبرات بس المشكله انو اللي عرفته انو مو معترف فيه وانا مو مستوعبه كيف تخصص زي كذا و ناس تدرس وتدرس فيه وف الاخير ع الفاضي

استفساري للي عندهم تجارب او خبره او معلومه
1-ايش الافضل اتخصص احياء او كيمياء حيوي ؟؟
2-تخصص الاحياء هل فيه شي يتعلق بالمختبرات مثلا وايش وظايفه ؟؟ غير التدريس
3-اذا كان فيه امل احول للعلوم الطبيه ايش التخصص اللي يسهل عليا ؟؟
اتمنى احد يرد عليا وبقدر يساعدني ولكم دعوة من القلب

[Dynamite Girl]

حبيبتي انتي ..
انا كنت علوم طبية وحلوت هنا ..
لا تسسأليني ليشش .. :)
بس ان شاء الله رح تقدري تحولي ..
انتي شدي حيلك .. وجيبي معدل وتتحولين ان شاء الله ..
ايوا الكيميا الحيوي مو معترف فيه .. بس دحين صايره جلسات ومدري ايش انو يبغو يرجعو للمستشفيات ..
ان شاء الله خيير ..
وكمان اذا تبي تحولي .. حاولي تحطي مواد حرة .. ساعات كثير وسهلة وترفع المعدل ..
حاولي تشدين حيلك .. هم طالبين المعدل يكون اكثر من 4.5
بس انتي جيبي اعلى شي تقدريه .. عشان يحولونك بالراحة ..
من ناحيةالتخصص الاسسهلاتمنى غيري يفيدك .. الاحياء فيه مختبرات اتوقع ..
من ناحية الوظايف وكذا راجعي موقع الجامعة تلاقيه فيه .. بس اتوقع انها قديمة شوي
ان شالله تحولي وتحققي اللي تبغيه

[DNA..~]

يا قلبي أول شيء لازم تعرفي أن الدنيا ما انتهت فلا تزعلي عشان ما انقبلتي في العلوم الطبيه!!

حتلاقي هنا كتير كانوا يبغوا طب وما انقبلوا و بعدين تخصصوا كيمياء حيويه و الحين بعد هالسنين يحمدوا ربهم انهم ما درسوا طب << طبعًا اتكلم عن نفسي خخخخ

قبل ما ابدأ بأي شيء ، اقعدي فكري مع نفسك ليش ابغى علوم طبيه؟

لا تقولي عشان اشتغل في مستشفى << لأن للأسف شفت هالرد من ناس كتير !!! مرا ما هو جواب مقنع!!

يعني ممكن وحده معاها لغه و لا دبلوم ولا اي شهاده و تكون في الريسيبشن في المستشفى << هذي قالت تبغى تشتغل في المستشفى وبس..!

يعني قصدي لنفرض تبغي مختبرات؟ عندك فكره طيب عنها؟

عن نفسي بعد التدريب الميداني صرفت النظر كليًا عن اني اشتغل في مختبر ، والحمدلله الكيمياء الحيويه له مجالات اخرى مو متعلق بس بالمختبر! ولا أحد يقول لي ما حتلاقي و مدري شو انا متأكده و واثقه بالله أن رزقي بيده مو بيد اي احد من البشر و الله أعلم ايش حأكون بكرا..

بعد قرقرتي الطويله ( اتمنى ما ضايقتك او زعلتك بس لأن مرا ازعل لما اشوف ناس لما تنقبل بكلية العلوم يحسسوني ان الدنيا وقفت - للمعلوميه فقط : ترى كنت كذا بأول سنه خخخ بس لما عرفت كلية العلوم و التخصص حبيتها للأمانه يعني ، ترى ما اقصدك في كلامي او اي شيء انا اتكلم بشكل عام :) )

طيب يا سوكره نجي نشوف اسئلتك

استفساري للي عندهم تجارب او خبره او معلومه
1-ايش الافضل اتخصص احياء او كيمياء حيوي ؟؟

مو احنا اللي نحدد الأفضل ، انتِ اللي تحدديه لأن انتِ اللي حتدرسي :)
يعني مثلا اديكِ نبذه عن كل تخصص و شوفي ايش يناسبك أو لو مرا تبغي علوم طبيه ادرسي سنه في اي قسم بس انتبهي لما تختاريه اختاريه وانتِ مقتنعه عشان لو لا قدر الله ما انقبلتي تكملي على الأقل في شييء تحبيه :)


الأحياء ينقسم إلى 4 مسارات ( حيوان ، نبات ، احياء دقيقه ، أعتقد التقنيه الحيويه )
الكيمياء الحيويه ( عن العمليات الحيويه داخل الجسم مثلا كيف يتكسر السكر و يدينا طاقه...إلخ و يعتبر اساس كل العلوم و من ضمنهم الطب ما في دكتور في العالم ما درس الكيمياء الحيويه :) )

2-تخصص الاحياء هل فيه شي يتعلق بالمختبرات مثلا وايش وظايفه ؟؟ غير التدريس
ما عندي فكره ، لكن اعتقد اكيد في مجالات اخرى

3-اذا كان فيه امل احول للعلوم الطبيه ايش التخصص اللي يسهل عليا ؟؟

زي ما ذكرت قبل اختاري شيء تقدري تكملي فيه لو ما قدرتي تحولي ، يعني مثلا مو تقولي حأختار كيمياء حيوية وانتِ ما تحبيه ولا تفهميه زي هيك فهمتي عليا؟

و بالتوفيق و استخيري و الله يسهل لك و يرزقك ما تتمني :)

على فكره في طريقه حلوه ممكن تسويها كمان جيبي ورقة و حطي كلية العلوم و كلية العلوم الطبيه و شوفي إيجابيات و سلبيات كل وحده وليش تبغي تدرسي في اي وحده و شوفي كفة مين اللي ترجح :)

و اعتذر لو ضايقتك في كلامي او شيء بس لأن ذكرتيني بنفسي و كمان في كم بنت :)

[سحر الانوثه]

شكرا ويعطيكم العافية
الله يسعدكم ويوفقكم يااارب

[بريد الاحساس]

التقنيه الحيويه في العلوم الطبية أنا سمعت كذا ..

حبيت بس أعقب على النقطه هذي للأخت dna

[بيو كيميائية ^_^]

^^^

لا ياقلبي التقنية الحيوية في قسم الأحياء

وأختي كلامـ dna مافيه عليه زايدهـ

بس أهم شيء تكوني متفائلة