موضوع للنقاش حول الانترنت~

[ماعدت انا~]

سم الله الرحمن الرحيم السلام عليكم ورحمة الله وبركاته,, في احد الايام واثناء تصفحي للنت شد انتباهي حوار معين ونقاش الاعضاء فيه في احد المنتديات.. نص الحوار كالتالي,, طبعا الحوار كان على الخاص بين طرفين,, الولد : السلام عليكم الغاليه .. ممكن نتعرف فديتك البنت طااف ( يعني ما ردت على رسالته ) الولد : صووبنا يا حلووو .. ممكن اتعبرينا شوي.. والبنت بعد طاااف الولد : انزين ليش جايه انتي .. مافيها شي لو رديتي علي .. يعني انا بعرفك والا بعرف اهلك .. عادي عادي ردي الغاليه لا تكونين معقده البنت ملت من الرسايل .. عاد فوق العشر رسايل ورا بعض وبنفس الوقت .. اول ما تدخل المنتدى وهو هالكها بالرسايل البنت : وعليكم السلام اخوي .. اسمحلي انا مو مال هالسوالف .. وهذا منتدى محترم مو للتعارف وغيره .. فلو سمحت اذا بغيت شي يخص المنتدى ارسل رساله واذا ماعندك شي مهم رجاءً لااترسل لي شي .. الولد : ههههههههههههههههههههههههههههههههههه عاد تبين اتبينيلي انك وحده محترمه هههههههههههههههههههه هاي حركاتكم يالبنات .. لازم اول شي اتخلون عماركم شريفات وعقب يبين المستوووووور خخخخخخخخخ عيل داشه هالوقت المنتدى وتقولين عن عمرك محترمه خخخخخ..في أصلن بنت محترمه تدخل المنتدى بعد الساعه12 خخخخخخخخخخخخ والله انكم حااااله .. انتهى الحوار هل فعلا هذي نظرت الشباب لاي بنت تدخل النت سواء الوقت متاخر اولا؟ وهل نظرت الفتاة للشاب اللي يدخل النت بهذا الشكل ايضا؟ وانه انسان فارغ هل للإحترام وقت معين او مكان او زمان؟ هل ممكن الشاب يعجب في اسلوب فتاة لمجر قراءة مواضيعها؟ والعكس هل ممكن تعجب الفتاة بشاب لمجرد قراءة مايكتب؟ تتوقعون يجي يوم لما يتقدم للبنت شاب بدل مايسالون عليه اهلها في العمل وجيرانهم يسألون عليه في النت وصفحات الفيس؟ وان الشاب لما يتقدم لبنت يسألون عليها ايضا في النت؟ ,,اطلقو العنان لاقلامكم وفق قوانين المنتدى ,,بارك الله فيكم (: و خ نشوف تفكير عيال ديرتنا ونظرة طلبة جامعتنا العزيزة ..للنت كيف وخلونا موضوعيين وما ننحاز لجهة معينه.... وعلى فكره هذا الحوار صار في احد منتديات دوله خليجيه بدون ذكر اسمها ..يعني مو من عيال ديرتنا,, ملاحظه,,, انا جديده على هالقسم فالتمسو لي العذر اعضاء او مشرفين لو كان نوقش هذا الموضوع من قبل؟؟