أرجوكم ياأهل الخبرة أفيدوني؟؟!!

[math-969]

السلام عليكم ورحمة الله وبركاته
اخواني واخواتي أعضاء هذا المنتدى الرائع
عندي بعض الاستفسارات أتمنى أحصل اجابتها عندكم
أنا طالبة بكالوريس في قسم الرياضيات راح اتخرج هذي السنه والحمدلله معدلي كويس...
المهم
أبغى أقدم على الدراسات العليا بعد تخرجي
هل تنصحوني أطور نفسي في مهارات معينه؟؟
وبالنسبه لاختبار التوفل كيف أقدر أستعد له من الحين... هل فيه معاهد تقدم دورات لاختبار التوفل؟؟ لان لغتي ضعيفه
كمان عندي سؤال اش الفرق بين المعيديه ودراسة الماجستير>>> اتمنى مايكون سؤالي عبيط
أرجوكم ياأهل الخبرة والمشورة ردوا علي ولن أنساكم من دعائي
أختكم math-969

[never hide]

هل تنصحوني أطور نفسي في مهارات معينه؟
- اللغة الانجليزية اهم شي
- مهارة البحث العلمي و استخدام المراجع على النت سواء كتب او مجلات علمية او قواعد بيانات

و هادي نصيحة اكسترا من عندي :
حاولي تدخلي اختبار التوفل او بديل التوفل من الآن قبل موعد التقديم عشان تكوني مستوفية شروط التقديم.

وبالنسبه لاختبار التوفل كيف أقدر أستعد له من الحين... هل فيه معاهد تقدم دورات لاختبار التوفل؟؟
بالنسبة لاختبار الانقلش اما تقدم على التوفل او بديله الخاص بالجامعة gee و احيان الجامعة يقدمو دورة للتحضير له أما
التوفل الاصلي ما اعرف لكن اسألي في معهد بريتش كونسول
الجامعة تقدم دورات للتحضير للتوفل م عندي خبر عنها
و الاختبار تبع بديل التوفل مواعيده انتهت لكن راح يفتحو غيرها ما اعرف متى الله http://graduatestudies.kau.edu.sa/co...ng=AR&cid=1657


كمان عندي سؤال اش الفرق بين المعيديه ودراسة الماجستير؟

سؤالك منطقي و حلو كمان

المعيدية يعني تشتغلي معيدة في الجامعة زي اللي يدرسو سكشن و لاب و كدا و يشترطو عليكي انك تكملي الماستر و الدكتوراه أثناء شغلك للوظيفة .

الماستر ... يعني تدرسي ماستر عادي زي البكالوريوس مع فرق التعمق في التخصص طبعا سواء كنتي موظفة أي وظيفة أو متفرغة

اللي حاصل غالبا ان المعيدات يدرسو ماستر و ما يستلمو مكافأة الماستر لانهم موظفات من قبل الجامعة نفسها ..

[never hide]

شوفي الرابط دا مهم فيه كل المواعيد

http://graduatestudies.kau.edu.sa/Fi...www.kau.edu.sa

[حلم وطموح]

السلام عليكم..
never hide
ياعزيزتي انا ناويه باذن الله اقدم ماستر حاسب في جامعة عبدالعزيز..بس ابغى مشورتك في:
التقديم يبدأشهر3 يعني بعد4شهور تقريبا وانا ماعندي توفل ولا استعديت للامتحان التحريري ..اشتريت كتب توفل وقلت استعدله من ذلحين ولما اخذه ان شاء الله ببدا استعد لاختبار القسم بس المشكله احس 4 شهور ماتكفيني للتوفل ولامتحان القسم خاصه اني موظفه..المهم قلت ليش مااركز حاليا على التوفل واخذه واخلي التقديم للسنه 1432هـ يكون عندي وقت ادرس المراجع على مهلي...اش رايك تفكيري كذه اوكي؟وجاتني فكره ثانيه انه من الان استعد للاختبار واذاكر كويس وادخل الامتحان يعني للسنه1431هـ واخلي التوفل بعدين...ينفع او راح اشتت نفسي؟اتمنى نصيحتك ونصيحة الاخوان والاخوات..شكرا

[never hide]

المشاركة الأصلية كتبت بواسطة حلم وطموح السلام عليكم.. Never hide ياعزيزتي انا ناويه باذن الله اقدم ماستر حاسب في جامعة عبدالعزيز..بس ابغى مشورتك في: التقديم يبدأشهر3 يعني بعد4شهور تقريبا وانا ماعندي توفل ولا استعديت للامتحان التحريري ..اشتريت كتب توفل وقلت استعدله من ذلحين ولما اخذه ان شاء الله ببدا استعد لاختبار القسم بس المشكله احس 4 شهور ماتكفيني للتوفل ولامتحان القسم خاصه اني موظفه..المهم قلت ليش مااركز حاليا على التوفل واخذه واخلي التقديم للسنه 1432هـ يكون عندي وقت ادرس المراجع على مهلي...اش رايك تفكيري كذه اوكي؟وجاتني فكره ثانيه انه من الان استعد للاختبار واذاكر كويس وادخل الامتحان يعني للسنه1431هـ واخلي التوفل بعدين...ينفع او راح اشتت نفسي؟اتمنى نصيحتك ونصيحة الاخوان والاخوات..شكرا

شوفي يا قلبي أنا قبل ما اقدم للماستر كنت افكر بنفس طريقتك
لكن و الله كلها عقبات وهمية و من وساوس ابليس اللي يثبطنا عشان لا نتطور

حقيقة اختبار التوفل ما يعتمد ابدا على مذاكرة انما هو مهارة تحتاج لتنشيط
و التنشيط دا يكون بدخولك الاختبار حتى لو بدون مذاكرة
و الله العظيم احس المذاكرة للتوفل تحصيل حاصل و من باب الاخذ بالاسباب فقط
لكن المحك الأساسي في ظروف الاختبار ...
السرعة و سرعة استيعابك للمطلوب
و عامل التدريب على الوقت هو اهم شي في التوفل
و بصراحة خذيها نصيحة من وحدة مجربة
أهم شي تدخلي الاختبار و تشوفي طريقته على الاقل يعطيكي فكرة و تتدربي على عن المطلوب منكي

أنا دخلت المرة الاولى بدون مذاكرة نهائيا و جبت درجة جيده
و بعدها دخلت مرة ثانية و تحسنت درجتي شوية
و دخلت المرة الثالثة و تحسنت كمان شوية
و دخلت الرابعة و جبت الدرجة المطلوبة

فيه ناس تعديه من اول مره ماشاء الله و فيه ناس تعدي من 4 مرات و في ناس من 8 مرات على حسب

أنتي ادخلي و بعدين احكمي اذا كنتي راح تحتاجي مذاكرة و لا لأ

على ايه حال ادخلي من الآن حتى لو بدون استعداد و لا تخلي الشيطان يثبطك

خلاصة تجاربي في التوفل
بصراحة أنا اشوف ان عامل الحظ و النصيب فيه اكبر من الاستعدادات اللي تتخذ له ( و ما يمنع الاخذ بالاسباب ) لكن مو تعطلي نفسك 4 شهور بدون ما تتخذي اي خطوة
و كمان التدريب على المواقع أحسن من الدراسة من الكتب


لحظة اجيب لك الروابط اللي حاطها احد الاخوة جزاه الله خير

[never hide]

خلاصة الكلام دا اللي فوق كلو

ادخلي اقرب موعد للاختبار حتى لو ما فتحتي و لا شي

و انتي بنفسك راح تتشجعي اذا عملتي كدا و يروح منك التوتر و التشتيت

http://www.skaau.com/vb/showthread.php?t=54835

http://www.skaau.com/vb/showthread.php?t=54552

و الله انصحك من كل قلبي انك تدخلي اقرب موعد اختبار و كلما زادت خبرتك بالاختبار تتحسن درجتك

تعبت و انا اكتب فأرجوكي لا تخيبي أملي بعدم تقديمك

و اذا دخلتي الاختبار راح تعرفي قصدي ...

[حلم وطموح]

مشكورة ...لا ان شاءالله تعبك مايروح عالفاضي بدخل الامتحان..الصراحه حمستيني...طيب يمديني اذاكر امتحان القسم؟؟يعني كم يبغالي وقت؟تخصص علوم حاسب

[never hide]

اوكي انبسطت أنا و يارب تنجحي من أول مرة

^_^ بصراحة ما عندي فكرة عن تخصصك لكن اسألي اتوقع يكون بسيط و عام

اتمنى احد من التخصص دا يفيدك و بالتوفيق

[math-969]

الله يجزاك خير never hide
عن جد أفدتيني.....
تقبلي تحياتي