استفسار ضرووري- اعتذار

أنثى المفاجآت · #1 30-09-2009, 01:42 AM

السلام عليكم و رحمة الله و بركاته

عندي استفسار بخصوص بنت اختى تم قبولها في الجامعة انتظام و كان عندها اختبار قبول تابع لقسم الانجليزي يوم 14/10 بس بسبب ظروفها الصحيه ماقدرت تروح و لانها مش متواجده حالياً في جده و تبغى تقدم اعتذار للترم هذا فارجوا من اللي يقدر يفيدني عن ايش ممكن يصير بسبب تغيبها عن الاختبار وايش الاجراءات اللي تعملها وهل حضورها مطلوب للجامعه لتقديم الاعتذار كونها اول سنه او ممكن انوب انا عنها او مايجتاج احد يروح ممكن التقديم يكون عن طريق النت يعنى ابي منكم توضحولي بالتفصيل و جزاكم الله خير

تحياتي و تقديري

الفتى الذي كويس · 30-09-2009, 01:44 AM

خليها تراجع الجامعة ..
وهناك يفيدوها أكثر

أفضل من انك تسمعي آراء مختلفة

خالد الشريوفي · 30-09-2009, 01:45 AM

والله اختي ما ادري بس اعتذار عن اول ترم في الجامعه صعبه

بس لو كان في اوراق صحيه مممكن يساعدوها الله يكون في عونك
عموما جامعتنا ما ينفع فيها غير انك مل يوم تروحين ليهم

أنثى المفاجآت · 30-09-2009, 01:52 AM

والله مشكله بس بحاول اروح انا و اسال لانها مش موجوده حالياً و يمكن ماتجي الا في الحج و الاعتذااااار لازم منو

طيب بخصوص الاختبار تبع الانجليزي ايش ممكن يصير لانها مااختبرت و ماراجعتهم كمان ؟؟؟

وجزكم الله خير على ردودكم و ان شاء الله احد مختص او عنده معلومات اكثربخصوص الموضوع يفيدني اكثر

شتآت · 30-09-2009, 03:13 AM

الاعتذار عن الترم مايقبلونه وهي توها اول سنه .. بس يمكن اذا كآن عندها حاله خآصه ..

إذا تبين تتأكدين روحي العمآده قسم الشؤؤن التعليميه اللي عند الشبآبيك وأسألي ورآح يجآوبونك على طول

موفقه ..؛

أنثى المفاجآت · 30-09-2009, 03:30 AM

^^^

جزاك الله خير

و سؤالي الآخير بالنسبه لاختبارها اللي ماحضرته تبع القبول بقسم الانجليزي ايش تعمل فيه

و هم ايش الاجراء اللي ممكن يتخذوه معاها هل بيحولوها قسم ثاني تلقائياً من عندهم

شتآت · 30-09-2009, 03:58 AM

والله يآلغلآ مآعندي خلفيه ..

بس خليها تروح تسأل عن هالاختبآر في وحده القبول بالعمآدة .. وعن الاعتذار عن الترم عند الشبآبيك عند استاذه تهآني أو أي وحده موجودهـ ..

والله ييسسر لهآ إن شآء الله ..

=)

أنثى المفاجآت · 03-10-2009, 01:51 AM

جزاك الله خير اختى شتات

استفسار ضرووري- اعتذار

ملتقى المنتظمين