مغامرة طالبات العلاج الطبيعي ^_*

[lolo24]

السلام عليكم ورحمة الله وبركاته

كيفيكم ؟؟ ان شاء الله بخير

بس حبيت اقولكم عن مغامرة اليوم في قسم التشريح

القصة

انه المفروض انه عندنا anatomy والدكتورة ما جات سألنا الادارة قالت روحو مبنى 7 وشوفو ايش يقولو لكم

رحنا >> طبعا تلات ارباع الكلاس

دخلو بنات يسألو والباقي طبعا لازم اللقافة نتفرج على المبنى ولقينا درج يودي لدور تاني ارضي <<< اهم شي التعبير

المهم نزلنا وبدأنا نتفرج على اعضاء جسم الانسان اللي كانت في

وبعدين قربنا من غرفه فيها اشياء اكتر انا و(ودا ) الين ما لصقنا في الباب وفجأة تطلع لنا عاملة النظافة وكانت تحاول تفتح الباب بقوة << طبعا هنا القلب طاح

وساعدناها تفتح الباب وسألتنا اذا نبغا ندخل نتفرج طبعا دخلنا وتفرجنا وكانت صراحة اشياء اول مررره نشوفها ( كل الاعضاء تقريبا )

وخلصنا من هده الغرفة بس اللقافة ما خلصت طبعا

فمشينا الين مختبر ولا معمل ولا زي المشرحة

وطبعا كان فيها تلاجة للجثث وفيها كدا اشياء زي الصندوق الكبير بغطى

واكيد اللقافة البنات يبغو يشوفو ايش فيه الصندوق انا قلت لهم انه فيه جثه ما صدقو

واتفقنا انه وحده مننا تفتحو واحنا نشوف ايش في << طبعا في بنات هربو من قبل ما نفتحو

والله فتحتو البنت ونشوف الجثه اللي مدري كيف لونه في مويا مدري كيف لونها كأنه منقع

وخدو صريخ من البنات واللي هربو واللي ما فهمو ايش شافو

اول مره في الحياة نشوف جثه بالشكل هدا


وبعدين خرجنا نشوف اش صار مع اللي راحو يسألو

وقلو لنا البنات انه كان ممنوع ننزل بس الحمد لله ما تهزأنا


حسيت انها مغامره جيدة تستحق اني انقلها لكم

منظر اليدين - الرجول - العقل - قلب - انسان كامل عاملينو في مقطع طولي وغيرها من الاعضاء


وبس وان شاء الله تعجبكم

وابغى اشوف تعليقات طالبات العلاج الطبيعي اللي كانو معاي