يابنات ..."" ملف تدريب 1"" ش قصته

[أعز إنسانه]

السلام عليكم ورحمه الله وبركاته ياحلواات

كيفكم

حبيباااتي اللي اخذو تدريب 1 والا اللي توهم ياخذووه
امتحاننا الفاينا بيوم الاثنين 24/6 ان شالله وتسليم الملف حيكون بنفس اليوم

والمشككككله الا اووم المشكله مو عاارفه وشلوون اكمل الملف
الاختبارات طبقتها وصححتها
بس مو عاارفه وش اعمل بعدها احس اني بالحجيييل ملخبطه يااليت تفيدوني
وكثير من صحبااتي هم بعد ملغبطين وموب عارفين ش يسوين بالزبط

*اختبار وكسلر ( اللفظي ) المعلومات - الفهم - الاستدلال الحسابي - اعاده الارقام والمتشابهات والمفردات=== وطلعت الدرجه اللفظيه والدرجه الكليه حتكون هي نفسها اللفظيه وبكذا طلعنا المقياس اللفظي نسبه الذكاء طيب وبعدين وش نعمل
في شي انو ناخذ كل درجه موزونه ونطرح منها المتوسط طيب وبعدين هذا يكون ايه واذا كان فوق 2.5 والا -2.5
والتدهور والتشتت كيف نحسبها

توصيل الدوائر بعد التطبيق ايه ....
ايزنك ذاا هووسه بجد .... والدرجه الميئينيه وشلوون
طلعت درجه الذهانيه والانبساطيه والعصابيه والكذب هالصفحتين اللي قالت عليها الاستاذه وش نعمل فيه 707و708
المصفوفات ...؟؟

سوور حبيبااتي بس وربي بالحيل ملخبطه مو عاارف كيف اكمل ...

يااليت تفيدوني بهالاشيااء حتى لو باختصاار

تسلموولي

[أعز إنسانه]

يااليت حد يرد علي خلال هاليومين
<<<< وحده قلقااانه من ذا الملف اللي عليه 25 درجه

[مزون عابرة]

أهلين ياعســل

عن نفسي الآت ببدأ أطبق الاختبارات
اهم شي بالملف :
الصفحه الأولى < تكتبي بياناتك كآآمله
الصفحه الثانيه < الورقتين حق اجابات اختبار وكسلر
بعدها تقرير عن هذا المفحوص بهذا الاختبار
يعني كيف درجاته وايش دلاله كل درجه وبس

وهكذآ بعد كل اختبار .. عدآ الـmpi< شعبتنا الي من 10 _11
يآخذو الصفحه النفسيه للمفحوصه الي اسمها : نوف < وتعملي عليه تقرير بنآء ع درجاتها بالصفحه

بالنسبه لاختبار آيزنك بس تطلعو الدرجه التائيه
آخر شي التقرير النفسي حق مدري ايش < هههههههههه لا والله نجحنآ

المهم الفجر ولا بكرة بعرف كوعي من بوعـي وبقولكم وش يطلع معي

الله يعين

[جمان السماء]

الله يعين ويسهل

بقولك اللي اعرفه وانا مو متأكده من معلوماتي

لاني ضايعه مثلكم بس الله يستر

اللي اعرفه ان المطلوب فقط التشتت لكن التدهور لا

التشتت هو مجموع الدرجات الموزونه للاختبارات السته تقسيم 6

يعني مثال 76 /6= 12.6 >> هذا المتوسط

بعدها تطرحين الدرجه الموزونه من المتوسط

مثال

المعلومات 14 - 12.6 = 1.4

هذا ماله اي تفسير لانه في حدود الطبيعي

لكن اذا كان فوق 2.5 او تحت -2.5
يصير فوق المتوسط او تحته


اللي ابغى اعرفه المصفوفات كيف اطلعها مره حايسه فيها


ايزنك الدرجه الميئينيه هذي طلعتها من الجدول اللي فيه فوق التائيه وتحت الميئينيه وبصراحه كمان مو متأكده منه لاني طلعته من مزاجي ولا سمعت الدكتوره اش قالت


الله يوفقنا ونعدي هذي الماده على خير

[مزون عابرة]

25 درجه ؟؟؟؟؟؟؟؟؟؟
مين قللي عليه 5 درجآت < عشان كذا ماني مهتمه ههههههههههه < ياربي مدري وش فيني اليوم مسهتره
بالله تأكدي لنا

[أعز إنسانه]

يووو يااربي

وربي حااسه اني كلش مو بفااهمه المشكله اني كاتبه كل الملاحظات بوقت المحااظره بس مدري اشبي
احس نفسي مصفيه <<<< ومهتمه ولا مهتمه

خخخخ

تسلموو حبوبااتي
انا بوكرا حدااوم وحشووف الهرجه ان شالله
وانت مزوونه رديلي خبر هاااا

واللي عندها خبر بعد تسلم

[أعز إنسانه]

بناااات وش صار معاكم
راحت علي نووومه >>> وحده يعني اني بتبغى مراجعه تفسير اسلامي
بخخخخ

ع فكره اللي تاخذ هالسميستر وش اللي معانا عساها بس قللت من المنهج لانو مررره كثير

‏>‏>> متأأأأمله الأوووخت

[طنقع]

وعليكم السَّلام ورحمة الله
كيفكم ياقميلات يامضيّعات


ان شاء الله اقدر افيدكم ..

ياحبيبااتي /


أول شي بالملف راح يكون زي ماقلتوا :

وكسلر :
كراسة الاجابة ثم التقرير
وتذكرين في التقرير:
إنه تم تطبيق اختبار كذا او الاختبارات اللفظية( .... ) على المفحوصة
ثم تحطين نسبة الذكاء اللي حصلت عليها < النقطة هذه ممكن تخلينها في الأخير, يمكن أفضل
تحطين الاختبارات اللي طبقتيها, مقابل كل اختبار الدرجة الخام -> الموزونة

بعد كذا مجموعها --> مايقابلها في جدول نسب الذكاء
ثم حطي تصنيف المفحوصة بالنسبة للفئات (زي ماحدّدتها لنا الدكتورة وكتبتها لنا)
يعني مثلا نسبتها 95 , تقولين : تصنّف المفحوصة في الفئة المتوسطة والتي مابين 90 – 109

بعد كذا قياس التشتت --> نفس ماقالت جمان (:

ثم الدلالات الاكلينيكة , ثم اذا عندك ملاحظات لاحظتيها اثناء التطبيق حطيها,اذا مافي .. موشرط ^_*


اختبار تصويل الدوائر :

تحطين الاوراق اللي طبقتها المفحوصة او المفحوص, و وراها حطي التقرير
التقرير سهل ومايبغاله , بس تذكرين انه تم تطبيق اختبار كذا على كذا .. وكان النتائج كالتالي ..

ثم تذكرين الزمن المستغرق والدلالة الاكلينيكية له , إما تسوونها على جدول زي مافِ الاوراق نفسها
أو تكتبون الجزء الاول استغرق كذا , دلالالته كذا

بعدها اذا تفسرين الدرجة وتقولين استغرقت في الجزء الاول كذا وهو ضمن المستوى الطبيعي
وهكاا ^^



المصفوفات :

تحطين :
الوقت --> متى بدأ التطبيق , انتهت متى < الوقت بالساعة والدقايق
مجمل الوقت .. يعني 30 دقيقة / 50 .. الخ
مجموع الدرجات الخام للمفحوص (..)

اذا الدرجة لقيتيها بالجدول .. كان بها , واذا مو موجودة يصير تقولين
الدرجة غير موجودة في جدول الدرجات المئينية, لذلك تمَّ تطبيق القانون التالي :
ثم تذكرين القانون + تطبيقك له + النتائج

وصلتِ للدرجة المئينية = كذا
ثم لاتنسي تصنيف درجة المفحوص / مثال : وتصنّف درجتها في المستوى العقلي الأعلى من المتوسط الواقع مابين 75 إلى ماقبل 90

واذا عندك ملاحظات وتبغين تتفلفسين حطيها


آيزنك :

أول شي تحطين الورقتين اللي هي يا أعز انسانة صفحة 707 + 708
تعبين بياناتها على حسب نتائجك, الورقة بتاع صفحة 708 تأشرين صح في المربع , اذا انه مثلا كانت الدرجة 45 تأشرين في الخط الفاصل بين 40 + 50 ^_*

بعدها تحطين التقرير :
تذكرين : تم تطبيق استخبار آيزنك للشخصية وهو يشمل على أربعة أبعاد كذا وكذا وكذا ...
ثم تذكرين لكل بُعد --> الدرجة الخام ---> الميئينية --> التائية

بعدها الدلالات الاكلينيكة من خلال نتايجكِ , اللي ارتفع فسريه واللي انخفض فسريه .. والطبيعي قولي طبيعي < احلفي

امممم في نقطة هنا , اللي هي انو طلع لي اختلاف بالنسبة للدرجة التائية والميئينية يعني مثلا التائية يكون طبيعي والميئيني يطلع منحرف 1 موجب أو 2 .. < فلما فسّرت ذكرت انو بدت مرتفعه في المئينية (حددت) ..

ولاتنسوا شغله قالت ونبّهت الدكتورة عليها اللي هي --> يبدو + يظهر
لما تذكرون النتائج أو الدلالات الاكلينيكية لا تقولون مرتفعة حاف أو منخفضة , لا .. وإنما يبدو أنها منخفضة وذاك يشير الى كذا ... < لان كلها قائمة على الاحتمالية وليست أكيدة

ونفس الشي اذا عندكم ملاحظات اذكروها , ماعنكمشي , مالهاش لزمة




الـ mpi :

تحطين الصفحة النفسية الخاصة بشعبتك ,
ثم تقريرك , تذكرين معلوماته و تم تطبيق الاختبار ..
ومن ثم تفسرين كل ارتفاع عن المتوسط , ثم كل درجة وكل اختبار اش تفسيره
طبعا هنا راح تستعينين بالله ثم بالملزمة اللي عندك بتاع المقاييس

..


آخر شي اللي هو

التقرير النفسي :


طبعا الاختبارات كلها باستثناء الـ mpi مطبقين على نفس المفحوص والتقرير راح يكون عن المفحوص وعن نتائج التطبيق (اللي هو فكرته انك ترسلينه للجهة اللي أرسلت المفحوص)

فَ عندك أربع محاور اساسية للتقرير :

أول شي تذكرين معلومات وبيانات المفحوص :
* اسمه + عمره + تاريخ ميلاده + الجنس + الجنسية + الحالة الاجتماعية + المستوى الدراسي + الاقتصادي (مو شرط) + بلد الاقامة + مع مين يقيم (مو شرط بس زيادة خير)
والعموم ..

ثاني محور: الملاحظات السلوكية :
وش لاحظتي على المفحوص أثناء تطبيق الاختبارات , اكتبي كل شي باسلوب سهل ومبسّط, واذا كانت في اختبار بان عليها شي واختبار ثاني شي اذكري الاشياء هذه مقترنة بكل اختبار انربطت بيه او ظهرت فيه..
وفي التقرير يابنات طلعوا شطارتكم حللوا الموضوع واربطوا وحطوا حيلكم < اذا انكم رايقين

ثالث محور : نتائج الاختبار :
اللي هو ارتفاع في كذا, انخفاض في كذا .. <---- طريقة الكتابة
الدكتورة قالت إما إنك تذكرين أول شي الاختبارات اللي طبقتيها (اسماءها) كلها ثم تفصلين كل واحد ونتايجه, أو إنك على طول تبدأين تم تطبيق اختبار وكسلر ووترصين تحته نتائجه ثم اللي بعده واللي يليه وهكذا .. إلى آخر شي ..

المحور الرابع : التوصيات اللي ترسلينها للجهة اللي ارسلت المفحوص:
وش محتاج , وش يبغاله عشان يطوّر نفسه أو لحل مشكلته , وطلعوا شطارتكم هنا




[ بنات ياقميلات , حطوا في بالكم إنو هالتقرير لما تكتبوه على إنه مُقدم لجهة مثلا مدرسة أو عمل , يعني ماتذكرين (الدرجة التائية ارتفعت والمدري وش كان كذا .. ) لا .. لان هذه خاصة بك وشغلك, فقط تذكرين ببساطة ارتفاع السمات وانخفاضها , ولما تذكرون الذهانية والعصابية يا إما إنكم تستبدلونها بـِ التصلب والانفعالية وكذا .. أو إنكم تكتبون الذهانية ووتعني أو يُقصد بها التصلب العقلي <<--- يعني توضحون للجهة معاني مصطلحاتكم ^_* ]


...





هذا والله أعلم ..
ادعولي ربي يسهّل لي ويوفقني وأجيب واياكم الفُل مااارك يااااارب
وادعوا للبنت اللي ساعدتنا وشفنا شغلها مسبقًا فَ تسهّل الأمر الحمدلله
وادعوا للحبيبة د. مريم الله يسعدها ماقصّرت و زادتنا فِ اشيا كثير ق1


وربي يسهّلكم ياقميلات ولاعاد تفهّون وانتم بالمحاضرات

[أعز إنسانه]

طنقع وربي يااني ضحكت ضحك موبصاحي >>>
طبعا عنكك عجبني حيييييييل

يالبى قلبتس وربي انك خطيررره
تسلمي يااقلبي
وربي يسعدك ويجعلك تاخذي الفل مارك وحنا بعد ياارب

بس في شي
في ايزنك
في الدرجه المعياريه
الدرجه الميئينيه والتائيه
هذي وشلون نطلها
المعياريه= الخام- المتوسط /الانحراف

التائيه=المعياريه* الانحراف +المتوسط

ياليت لو توضحيلي ياعسل

مادريتي وشبنا مفهين

لا وبقووه بععد .......... يالبى فيس انااا وفيسكمووو

خخخخخخ

[مزون عابرة]

طنقع

يعطيك الف عافيه ,,

بس مين هذي الي شفتي شغلها
عندك ولا منزلته بالمنتدى؟