سؤال في شابتر 8 .. " كيمياء " ^_^

[HANOoOF]

السلام عليكم ورحمة الله وبركاته ..

كيفكم .. ان شاءالله طيبين ؟؟

عندي سؤال في شابتر 8 .. أنا وصحبتي نضارب مع الكتاب

كل ما نقول شي .. الكتاب يقول العكس ..

الموهم ..

دحين خلال الدوره الواحده من اليسار إلى اليمين إش يصير في..

العدد الذري .. وعدد الالكترونات .. وتأثير شحنة النواة .. ونصف القطر .. وحجم الذره ؟؟

ونفس الشي بالنسبه للمجموعه إذا انتقلنا من أعلى إلى أسفل ؟؟

ومشكورين .. الله يوفقكم .. ولكم دعوه من القلب

[لنتوكورنيا]

نصف القطر الذري من اليسار لليمين يتناقص
ومن اعلى الى اسفل يتزايد نصف القطر الدري

[miss.NeNo]

انا الي اعرفو من دا كلوو <<<< اهم شي

انو السالبية الكهربية تقل من اليسار لليمين ومن اسفل لاعلى

وانا عارفة انك ماطلبتيه لكن دا الي اعرفو

فحبيت افيدك وبث *_^

[HANOoOF]

المشاركة الأصلية كتبت بواسطة لنتوكورنيا نصف القطر الذري من اليسار لليمين يتناقص ومن اعلى الى اسفل يتزايد نصف القطر الدري

تُشــكري حبيــبة ألبي .. الله يوفقك ^_^

[لنتوكورنيا]

ولو انا في الخدمة

[HANOoOF]

المشاركة الأصلية كتبت بواسطة miss.neno انا الي اعرفو من دا كلوو <<<< اهم شي انو السالبية الكهربية تقل من اليسار لليمين ومن اسفل لاعلى وانا عارفة انك ماطلبتيه لكن دا الي اعرفو فحبيت افيدك وبث *_^

مشكوره يا قلبي ع الإفاده .. الله يسعدك ^_^

[ذبحتني الدراسه]

شوي وابكي من الكيمياء
ماني عارفه كيف اذكره والشابتر5 ماشي الحال معي بس الي بعده كتابي جديد مو ماشر فيهاا
وماني عارفه كيف اذاكره
بس الي اذكره من الثنوي انو العدد الذري وقوه الجذب تزداد من اليسار الي اليمين ويقل الحجم

[HANOoOF]

المشاركة الأصلية كتبت بواسطة ذبحتني الدراسه شوي وابكي من الكيمياء ماني عارفه كيف اذكره والشابتر5 ماشي الحال معي بس الي بعده كتابي جديد مو ماشر فيهاا وماني عارفه كيف اذاكره بس الي اذكره من الثنوي انو العدد الذري وقوه الجذب تزداد من اليسار الي اليمين ويقل الحجم

مشكوره يا عسوله ع مرورك ..

لا تبكي ولا شي .. والله انو ما يستاهل دمعه من عنونك

والله يعينك ويعيننا ..

في يوم كنت أشرح لكم .. والحين والله أبغى من يشرح لي

الله المستعان بس .. ^_^

[M!sS chocolate]

في الدوره من اليسار لليمين
العدد الذري .. يزداد
وعدد الالكترونات ..يزداد
وتأثير شحنة النواة .. تزداد
ونصف القطر ..يقل
وحجم الذره يقل

المجموعه العكس
ولكن في قوة جذب النواه تزداد

[HANOoOF]

المشاركة الأصلية كتبت بواسطة m!ss chocolate في الدوره من اليسار لليمين العدد الذري .. يزداد وعدد الالكترونات ..يزداد وتأثير شحنة النواة .. تزداد ونصف القطر ..يقل وحجم الذره يقل المجموعه العكس

مشكوره يا مس شوكليت .. الله يريح قلبك .. ويسعدك .. ويوفقك دنيا وآخره ^_^

بس عندي ملاحظه وهي اللي مجننتيني ..

إذا ما عليك امر .. في الكتاب صـــ 331 .. " الطبعه العاشره "

في زي الجدول كده صفين ..

الموهم .. الكلام اللي تحتو.. يقول إنو تأثير شحنة النواة بيزيد في المجموعه من أعلى إلى أسفل

مو المفروض العكس على حسب كلامك يا عسل ..

و شكراً مره تانيه ..