والله معانا ......الواحد مو عارف ايش يدرس

[طالبة شطورة]

السلام عليكم ورحمة الله وبركاته


اخواني واخواتي الاعزاء والعزيزات

الله يوفقكم شوفولي صرفة انا بدرس كيميا حيوي زي مانتو شايفين

بس المشكلة اني كل ما احد يسالني عن تخصصي اللي يقوللي ليش ماتغيريه واللي يقولي تراه منعت وزراة الصحة توظيف بنات الحيوي

وكل وحدة تحطمني شكل وانا تالت مستوى وكل وحدة تقوللي شي شكل

طيب ايش اسوي انا داخلة القسم لاني حابة المواد وزي كدة بس كلامهم ينرفز

في معيدة عندنا قالت لاتسمعو لدا الكلام ومدري ايش
يعني مشتتة ومحتارة

افيدوني الله يوفقكم والل لهم خبرة يقولو واللي عنده كلمة طيبة يقولها كلام تحطيم رجاء مابغا

[طالبة شطورة]

كمان ولا رد؟؟؟؟؟؟؟؟؟؟؟؟؟ الله يعين

[Naser]

اختي الكريمة ,,
اختيارك المنتدى المناسب لكتابة الموضوع .. يساهم في وجود ردود من الأعضاء
فمنتدى الحوار الجامعي للقضايا الطلابية ..
تم نقل موضوعك إلى منتدى كلية العلوم

ادمن

[كتكوته؟؟؟]

يااااااااااااااقلبي عليك ياشيخه ما عليك منهم
انا كيميا حيوي والمستوى الثالث كمان يعني زيك
وكثيرين يمدحون هالتخصص
اول مره اسمع باللي قلتيه

[روآن..!]

عزيزتي لا تكترثي لما يقال..

فلا احد يعرف نصيبه..واين سيكون رزقه..

[northstar]

شوفي التخصص مره روعه
استخيري وربي يوفقك

[that me]

ماعليك أهم شئ انتي مقتنعة وبعدين التخصص ما يحكم كل حاجة نصيب ورزق من الله
وياما ناس كذا دخلوا تخصص والكل حطمهم وغيروه وندموا
والله فيه بنات الوحدة ثانوي وأخذت دورات بس ولا بكالوريوس وتوظفة وراتب عالي
ف زي ماقلت لك الوحدة تستخير ربها واللي كاتبه الله خير أكيد
توكلي على الله وماعليك يكفيك انك راح تستمتعين من الدراسة وكل حاجه تأخذيها راح تستفيدين منها
بالتوفيق

[DNA..~]

السلآم عليكم..،،

لا تسمعي إلا قلبك وعقلك<<ياهوو يا حكيمه انتي خخخخخخخخ

^_^

شوفي كلنا متفقين على انو الأرزاق بيد الله..

وبما انك دخلتيه فرزقك بإذن الله حيكون فيه..

وبعدين ماتدري لما تتخرجي يمكن بالعكس يصير التخصص دا هوا اللي لو مستقبل..

انا يا ما ناس قالوا لي ايش يدخلك كيمياء حيويه مو معترف وما ادري ايش

بس لأن مالي إلا كلية العلوم..ماقدرت ادخل كليات صحيه..

لكن دخلت تخصص حسيت اني لقيت نفسي فيه..

هو دا اللي انا ابغاه..

ويصير اللي يصير..خلاص انكتب اني ادرس حيوي..

والله يسهل مسيرتنا ويوفقنآ

=)

[CrAzY]

حبيبتي انتي.. عـادي ياقلبي احنا معاكِ ..
وانا اشوف انو احلى تخصص في العلوم هو تخصصنا البايوك ..
واحلى دكتورات ..
واحلى مواد واحلى درجات < الحب أعمى ..

المهم ياقلبي لا تتشتتي ولا تحتاري .. دامك لقيتي نفسك في البايوك استمرررري
واذا جات ع الوظيفة او وزارة الصحة مرررة لا تفكري في الموضوع .. ما تدري يمكن تكملي دراستك برة السعودية في مكان حيث يقدَر الكيمائيون :d مليون شغلة ممكن تتغير في الحياة
ربنا يوفقك يا شطورة
واتذكري اي شي تحتاجيه احنا بالخدمة

[الشمري9999]

ياشيخه ما عليك منهم
انا كيميا حيوي والمستوى الثالث كمان يعني زيك
وكثيرين يمدحون هالتخصص
اول مره اسمع باللي قلتيه