لا ترقص على جروح الآخرين<<مهم

[بنت التحفيظ]

السلام عليكم..

أخواتي وإخواني جميعا..

حأدخل في الموضوع بسرعه وهو إني حابه أعلق على نقظة مهمة...

((لا ترقص على جروح الآخرين))

ممكن تستغربوا إش دخل هذي العباره في هالمنتدى ...

في شي الكثير مننا يسويه ويمكن ما يقصده بس ممكن هو يجرح الكثير بدون ما يقصد!!

وهو إنه لمن تنزل الدرجات وتكون معظمها سيئة يجي واحد يقول أنا الحمدلله أخذت درجه حلوووووووه

ودرجتي مرره كويسه / أو يكتب الدرجه / أو يكون متحسر على درجته وهي ماهي ناقصه عن الكامل

غير درجه أو اثنين بالرغم إن الأغلبية آخذين أقل منه بكثيييييييييييييييير!!

وكمان في الاختبارات زي الانجلش الألب يقول صعب !!

يطلع واحد ولا اثنين ويقولوا بالعكس كان مرررررره سهل!!

للأسف هذا الشي يسبب جرح !!

وممكن يوصل للحقد على هذا الشخص...!

جميل إننا نحترم مشاعر الآخرين ونقدرها..

إذا ربي أعطاك درجه حلوووه فأحمده وأشكره عليها ولا تقولها قدام اللي ربي حرمه منها!

لازم نقدر مشاعر الكل وهذا مو معناته إنه إذا كان الاختبار صعب ونحنا حسيناه سهل نقوم نكذب ونقول

صعب لأ..

بس نقول الحمدلله / ماشي الحال.

ترى إنت بهذي الكلمات تهوووووووووووووووون كثيييير على غيرك وانت ماتدري..

وجزاكم الله خييييييير

[Alaa Al ghamdi]

انا اخالفك الرأي
يعني لو واحد جاب درجةسيئة عادي يقولها
ولو واحد جاب درجة حلوة بسبب اجتهاده مو عادي يقولها؟

بالعكس انااشوف انه الشخص من كثر ماهو مبسوط يكتب درجتو والمفروض الناس تنبسط له وتدعي لنفسها بالتوفيق
مو تحقد عليه لمجرد انو مبسوط..
غير كذا في كثير مواضيع اصحباها يكتبو كل واحد يقلنا درجتو؟؟يعني اللي درجته سيئة يكتب والثاني اللي درجته حلوة يقول لا عشان مااجرح احد؟؟
تسلمي عالموضوع..

[Dina-s-b]

^^
انا مع الاء الغامدي فرأيها :) بالعكس ممكن يكون دا دافع للي ماجابو درجات انو في ناس بياخدو اعلى مني..اجل انا العيب فيا لازم اشد حيلي عشان اجيب درجة عدلة..
لكن لمن ما اسمع غير انو الكل مو جايب درجات وكدا.. معناتو انا شاطرة اصلا واضحك على نفسي واجلس الوم المدرسين والاختبار..!!

[بنت التحفيظ]

أحترم رأيكم جميعاً...

بس أنا اضرب لك مثال:

تخيلي إن فيه مجموععة فقراء وقاعدين يشكو حالهم لبعض ويجيكم واحد غني ويقول أنا الحمدلله حالتي كويسه ومافي

شي معكر علي..!

تخيلي معي إش حيكون موقف الفقراء وقتها؟؟

أنا كل مقصدي لمن يكون الاختبار أساااااااسا صعب على (((((((((الأغلبية))))))))) مو على واحد ولا اثنين بس!!

فتخيلي الكل يقول صعب وواحد يقول لا سهل!!

من وجهة نظري إنه هذي الشي ممكن يسبب ألم لبعض الأشخاص...

وهذي مجرد وجهة نظر..

[حسام العلياني]

أخـــــواني و أخــــواتـــي...
هناك ثلاث نقاط يجب التركيز عليها عند الحديث في هذا الموضوع :

1- كيف أفرح ؟
نفرح نحن كمسلمين شاكرين موقنين بأن الله هو النافع الضار بقول( الحمد لله) لأنه هو الذي يعطي ويمنع و الإبتسامة (البريئة الصادقة) التي لا تحمل في طياتها سخرية لمن يشاهدك أيها الفرح المبتسم وأن تشجع من لم يأتي بدرجات جيدة أنه بإمكانه تحقيق ذلك في الإمتحانات القادمة
أنت بذلك تكون حققت ثلاث أمـــور :
- المطلوب : وهو الفرح
- شكر من له الفضل : وهو الله
- تشجيع زمالك: وهو حق لهم عليك

2- متى أفرح؟
إذا علمت أن من حولي لن تتأثر مشاعرهم بتعبيري عن مشاعري لأنا كمسلمين أخلاقنا الرفيعة
تدعونا لمدارة مشاعر الغير في غيرمعصية الله ورسوله والتحلي بالخلق الرفيع
قال -صلى الله عليه وسلم- : [ أَكْمَلُ الْمُؤْمِنِينَ إِيمَانًا أَحْسَنُهُمْ أَخْلَاقًا، الْمُوَطَّئُونَ أَكْنَافًا، الَّذِينَ يَأْلَفُونَ وَيُؤْلَفُونَ، وَلَيْسَ مِنَّا مَنْ لَا يَأْلَفُ وَلَا يُؤْلَفُ ]
فإن كان من حولك سيفرحون لفرحك....فلتنطلق ولتطير فرحاً
وإن كان من حولك سيحزن لأنك ستذكره بتقصيره فنتجنب ذلك حتى يأتي الوقت المناسب

3- لما أتجنب إظهار الفرحة أحياناً؟
- لأنه قد يجلب لي الضر و (الحسد) خصوصاً أن البعض أعطاه الله إمكانيات فأحسن تطويعها
لمصلحته فتجد الآخرين الذين لم يحسنوا ذلك يحسدوه ... فعليه تجنب الفرح أمامهم
- لأنه قد يؤثر على مشاعر الآخرين سلباً فيذكرهم بضروفهم المانعة لهم من التفوق
وقد يذكرهم بتقصيرهم.....ويشعرهم بأنهم أقل من غيرهم
- وحتى لا تصبح لديهم ردة فعل عكسية تجاهنا...فيحقدوا علينا أو يكرهونا

هذا و أتمنى للجميع التوفيق.

[بنت التحفيظ]

مشكووووووووووووووووووور أخوي .

وأنا عملت بحث عن عبادة الفرح..

وقلت هالكلام عن تجربة..

جزاكم الله خير