شباب وبنات " المستوى الرابع " أفتونا في هذه المواد ..

[yesyes]

الله يسعدكم حبيت أسئل عن هذه المواد " عن صعوبتها من سهولتها " نظرية أو علمية ...حفظ أو فهم ؛؛
1- مبادىءالاقتصاد الكلي
2_ مالية شركات
3_ مبادىءالتسويق
4_ ادارة الأعمال (بالا نجليزية)
5_ السلوك الانساني في المنظمات
6_ مبادىءالمحاسبة 2
7- عربي 2 اللي هو تحرير كتابي

[(" الغلا ")]

1- مبادىءالاقتصاد الكلي
يجمع بين الفهم و الحفظ و يعتبر أسهل من الإقتصاد الجزئي :)
2_ مالية شركات
فهم .. بس مادة ممتعة لو حبيتها
3_ مبادىءالتسويق
حفظ .. كلام كثير
4_ ادارة الأعمال (بالا نجليزية)
يبي لها شدة حيل و لو عندك شوي لغة ما راح تلاقي فيها صعوبة مرة
5_ السلوك الانساني في المنظمات
حفظ :)
6_ مبادىءالمحاسبة 2
أسهل و أحلى من المحاسبة 101
7- عربي 2 اللي هو تحرير كتابي
ما أتذكره

[شموووخ]

العربي 2 " التحرير الكتابي "

سهل.. فهم و حفظ

فيه 5 وحدات
الوحدة الأولى: عناصر بناء النص
<< هذي الوحده سهله
الوحدة الثانية: أنواع الكتابة الوظيفية " التقرير - الرسالة الإدارية - المحضر - السيرة الذاتية "
الوحدة الثالثة: أنواع الكتابة الفنية " المقال - الخاطرة - القصة - المسرحية "
<< هذي الوحدتين تلخبط شويه .. عشان ضروري تميز بين كل نوع والثاني
وبعض الأنواع تتفرع منها أنوع ثانيه ..
الوحدة الرابعة: الكتابة و البحث
<< بسيط .. أشياء معينه تركز عليها
الوحدة الخامسة: البلاغة " التشبية - الاستعارة - الطباق - الجناس "
<< هذا فهم .. وتعرف ع كل نوع مثال عشان يسهل عليك

وكمان الاختبار يكون اختياري .. فيكون أسهل وأسهل

..

الاقتصاد الكلي

ما اقدر اقول سهله.. ولا اقدر اقول أنها ناار

في جزء نظري وفي جزء تطبيقي
بس أكيد التطبيقي أكثر

هذي المادة أنا ما اشتريت لها كتاب ولا أدري اش شكل كتابها..
" بس من اللي اقراه ف المنتدى أنه كتابها كبيييير "

أنا أعتمدت ع المحاضرات اللي حضرتها .. ونزلت ملخص لـ الأخت عطر الغلا
" واختباري ان شاء الله الأربعاء "

المادة مو مره صعبة .. يعني لو حضرت المحاضرات وفهمت و اعتمدت عليها.. بإذن الله تنجح

يعني ضروري ضروري تحضر المحاضرات..

..


اتمنى أكون أفدتك ولو بشيء قليل


أما باقي المواد ما عندي فكرة

ياليت اللي عنده فكره يفيدك ويفيدنا

[Quality]

الشباب والبنات مشغولين بالإختبارات الايام هذي الله يعينهم بعضهم ماخلص اختبارات فا ننتظر الين الاسبوع الجاي لكي يفيدونا بما يعرفونه عن هذه المواد وشكرا

[yesyes]

أختي الغلا الله يسعدك دنيا وأخره ( ماقصرتي بيّض الله وجهك )
أختي شموخ مشاركتك فادتني والله يوفق لك ويكتب لك التفوق والتوفيق في كل المواد اللي أختبرتيبها واللي لسى باقيه .
أخوي Quality ( عارف إنهم الى الا ما خلصوا ...لكن أنا حبيت أخذ من اللي يستطيع منهم يشاركنا ) لأنهم يكنون حديثي عهد بالمواد وأرائهم تكون صحيحة 100 % .


الله يوفقكم أجمعين يارب ..

[bader_9999]

اخي العزيز Yes

اولا ً السلام عليكم ورحمة الله وبركاته


الاخوه والاخوات ماقصرو ووضحو لك وللجميع رأيهم في المواد

ولكن أود أن أضيف نقطه مهمه جدا لك و للأخت شموخ وللجميع في نفس المستوى بالنسبه لـ مبادئ الاقتصاد الكلي

أنا ذاكرت الماده من كتاب مساعد اشتريته من خوارزم وكان عباره عن 75 صفحه فقط وطريقه الشرح فيه أكثر من رائعه .. بالاضافه الى 130 صفحه من الاسئله المحلوله .. كل فصل له اسئلته
والله العظيم ان الاختبار كان اكثر من 50 % من هذه الاسئله " نصيا ً " بالارقام
ولله الحمد أخذت فيها A كله بقضل الله ثم بفضل هذا الكتاب الرائع
مع العلم أن الخط المستخدم في الكتاب كبير الحجم بمعنى ان المعلومات فيه ليست كثيره ولكن منظمه بشكل متميز


معلومات الكتاب

الاسم : المساعد في مبادئ الاقتصاد الكلي

المؤلفين : د/ أحمد سعيد با مخرمه
د/ محمود حمدان العصيمي

السعر : والله لا اذكر بالضبط ولكن كان بـ 35 أو 45 ريال



و ان لم توفق في الحصول على نسخه أرجو مراسلتي على الخاص لاعطائك النسخه المتواجده معي :)
أنا في مدينة الرياض وحتى لو مو في الرياض ولا يهمك ارسلها لك للمدينه اللي تبيها
تامر أمر يالغالي ,, أهم شي تشد حيلك


الله يوفقك و يوفق جميع الطلاب و يوفقني انا بعد و اتخرج


شاكر لكم و آسف على الاطاله

[^سما^]

شكرآآآآ على الافاده ...

[bader_9999]

الله يوفق يارب :)

[عاشق دبي]

موضوع رائع نتمنى المشاركة من الاخوان اللي سبقونا والاخوات بعد

في انتظار ردهم

ورفع بعد اذن صاحب الموضوع

[yesyes]

bader_9999

الله يجزاك خير ع اضافتك ...فدتنا كثير والله " الله لا يحرمك الجنة ...ويحرّمك على النار يا شيخ )