مستجدة انتظام اداره وقتصاد ..

[دعاء الغامدي]

{ انا كنت تاهيلي سنه تحضيريه ..~

خلصت هذا السمستر السنه التحضيريه بنجاح والحمدالله

وأخترت قسم اداره وقتصاد ..

وكانت نتيجة فرز السنه التحضيريه // طالبات انتظام اداره وقتصاد (حققت رغبة الطالب )


عندي كم سؤال ..//

س // يعني خلاص انا اتحولت انتظام ..؟؟

س// دحين لو معدلي مو عالي وقبلوني ااداره وقتصاد يعني خلاص ادرس فيها يدخلوني اي قسم باداره وقتصاد ولا ممكن يحولني اداب.....؟؟

س //امس طلعلي القبول باداره وقتصاد بس منزلة التخصصات اروح الجامعه ولا أستنى كم يوم ..؟؟

عارفه اسألتي كتيره وووطولت عليكم ..


بس افيدوني الله يسعدكم

[kinda Funny]

لا خلاص دامهم كتبلولك انتظام يعني انتي إنتظام وتاخذي مكافئه
وسؤالك الثاني مافهمته كويس .. بس خلاص اتطمني دامهم قبلوكي إداره وإقتصاد يعني ماحد يقدر يحولك منها على كيفه !
بعد ما نزلولك الكليه لازم تختاري المسارات في نفس الكليه من النت اول ما تطلع وموفقه :)

[*طالبة العلم*]

مبروك القبول اختي

التخصصات اتوقع ع الاوديس تنزل قبل الدراسة خليم متابعتهم

بس ممكن سؤال :

كم معدلك ؟؟ وكم وقف القبول على المعدلات ؟؟

ومشكوورة وموووفقه يارب ...

[دعاء الغامدي]

kinda Funny

الحمدالله يارب / تسلم وجودك والله يسعدك دنيا واخره

طالبة علم

الله يبارك فيكي اختي / احنا على حسب النسبه الموزونه لسى مافي معدل نزل للقبول بتخصصات
النسبه الموزونه باداره وقتصاد من 70 وفوق

[whiteswan]

ماشاء الله لاقوة الا بالله ..مبرووك اختي,,

[*طالبة العلم*]

الله يسعدك يارب ويووفقك :)

مشكوووووووووورة =)

[دعاء الغامدي]

whiteswan

الله يبارك فيك ويوفقك



*طالبة العلم*

اللهم امين

العفو

[&دانة الدنيا&]

اخت دعاء كم معدلك بالضبط؟؟
وكييف حولتي للانتظام ؟؟
انا معدلي 3,70 ادارة واقتصاد ودي انتظم وخايفه يعقدوهاا علشان المعدل؟؟

[Magic Smile]

انتظري لين يوم الحذف والاضافة اذا ما نزلك طلب تخصص راجعي الجامعة عشان يمديك تسوين الجدول
ومبرووك القبول ..