هاني عرب ..... تكتب فيه أشعار

[Moshaks]

السلام عليكم ورحمة الله وبركاته

هذه قصيدة كتبها أحد الأخوان في هاني عرب قبل سنة

سلام ياللي حوّط الطيب تحويط
مع طيب راسه فيه جود وشهامة
هاني ولد عرب كريم ولد الأجاويد
بالعلم ونوره كرم الله مقامه
ماهوب ناش" بين شله وتفحيط
رجال فرض على الصغير والكبير احترامه
يفزع ويسفط من خيار المسافيط
شهم افعوله سابقات كلامه
أوراقه في كل صوب له تخطيط
سارت للحجاز ونجد وتهامة
وورط بفعله سادة الشعر توريط
تقصر قصايدهم ويعلى مقامه
اللي يبسط كايد الأمر تبسيط
و رقى للمجد قمة سنامه
نسأل الله لك الأجر ويبسط لك كل أمر تبسيط
عسى الله يكتب لك في كل خطوة سلامه
وصلوا على اللي ضبط الدين تضبيط
نبينا اللي ماتجيه الملامة
وسلامتكم




وهذا أحد الأخوان رد على القصيدة الأولى وقال

سلام من مسلم ضبط القاف تضبيط
ومقدمه للي رفيعن مقامه
أكتب سلامي من الخليج الى المحيط
سلام يبقى الى يوم القيامه
سلام من أحساس صادق مافيه تفريط
وعساك ياهاني تقبل سلامه
ودي أرد من الجمايل ولوشئ بسيط
وياليت ما يخونني التعبير وكلامه
فيك الوفا مزروع ماهو ملقط تلقيط
والمروه فيك وانت ابو الشهامه
لخدمة الطلاب سلطت مجهودك تسليط
وخيرك واصلن لانتسابه وانتظامه
ماغرتك دنياك مع الفلوس المرابيط
الخدمه مجاني وهاذي أصل الكرامه
في الاختبارات مزبط أوضاعنا تزبيط
ملخصات وافيه ونماذج أسئله عامه
بالصحه والعافيه يارب حوطه تحويط
واحفظه من كل مكروه واسعد له أيامه






ماشاء الله عليك ياهاني يوفقك ربي

[talal]

السلام عليكم ورحمة الله وبركاته
هاني عرب من النوادر الله يوفقه ويستاهل كل خير

[@ندى@]

هاني عرب شخص لفت انتباهي من اول يوم سجلت في للجامعه جزاه ربي كل خير على ماقدمة لنا

[العلم والعالم]

ما شاء الله عليك يا أخ هاني ومهما قيل في حقك فيعتبر قليل ولن نوفيك حقك

[ابو الحارث 1]

السلام عليكم ورحمة الله وبركاته
صراحه الاخ هاني شي مو طبيعي انسان سخر وقته وماله لخدمة طلاب الجامعه
اقول بس الله يخليه لعين ترجيه ويبارك له في نفسه وماله وحياته وقولو امين

[فتى الحصاه]

السلام عليكم ورحمة الله وبركاته
الاخ العزيز هاني يستاهل كل خير وماقيل فيه حقيقه يعرفها الجميع فحقه علينا جميعا الدعاء له في السر والعلن فاأسأل الله ان يمد في عمره ويعينه على فعل الخير وان يكفيه شر كل من فيه شر.

[fajr]

هذا الرجل يستحق كل ما يقال فيه واتمنى ان تجمعني به الأيام لغرض في نفسي .....
بيت القصيد هذا لمن هم أمثال هاني عرب
أحد"ن" إذا شاف أثقل الحمل شاله ... وأحد"ن" ليا شاف الحمل قال بعدين

[عبود الفهلاوي]

الله يوفقة ذخرا لنا ...وعطائة مستمر لخدمة العلم والعلماء
وفك له كربتة ويسهل له كل أمر ...

[سوار العسل]

ما شاء الله من يوم دخلت الجامعة و أنا أسمع اسمك و حبك لمساعدة أخوانك ،الله يوفقك و يسعدك يا هاني .

[Moshaks]

المشاركة الأصلية كتبت بواسطة عبود الفهلاوي الله يوفقة ذخرا لنا ...وعطائة مستمر لخدمة العلم والعلماء وفك له كربتة ويسهل له كل أمر ...

ماتشاركني الرأي في أن هاني صار له حساد كثر ومنافقين ولكن صدق من قال ياجبل مايهزك ريح

وبعدين خدمة العلم وفهمنها ولكن خدمة العلماء وش معناها؟؟